Ajeu 1:12 - O Mikanda Ikola

¹² Bhenhobho Zolobabele, monʼa Selatiiele, ni Josuué monʼa Jozadake, nganga ia dikota, ni mundu uoso evua anga a xikina o dízui dia Jihova Nzambi iâ, ni maka ma polofeta Ajeu, kala Jihova Nzambi iê kia mu tumu ku a tangela; o mundu-phe a kala ni uôma bhu pholo ia Ngana.

Ajeu 1:12 ပူးပေါင်းရင်းမြစ်များ

Dimatekenu 22:12

Uixi: Mona kana ku mu tula lukuaku, kana ku mu bhanga kima kiaiibha; kuma kiki ngʼejiia kuila u mukua uoma ua Nzambi, katé ni monʼé umoxiʼèlele, kua ngʼimina-nê.

Ejidala 10:18

Ku anʼa jinganga-phe a sakana ni ahatu a jixi jengi anga a sanga-mu iá: Ku anʼa Jesuua, monʼa Jozadake ni jiphange jê, Mahaséia ni Eliezele ni Jadibe ni Jedaliia.

Ejidala 5:2

Bhenhobho Zolobabele monʼa Selatiiele, ni Jesuua monʼa Jozadake, a balumuka, anga a mateka dingi kutunga onzo ia Nzambi, iala mu Jeluzaleme; ni ene kiá, kumoxi ni jinganga ja Nzambi ja kexi mu ku a kuatekesa.

Jisálamu 112:1

Haleluia! Ua lungu o muthu ió uene ni uoma ua Jihova, ua bhindamena kuijiia kiambote o ijila iê,

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Izaía 1:19

Se muandala, anga mu ngiʼvua, o mbote-phe iaʼxi iii mua-nda ku i dia muene.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Ajeu 1:1

Ku muvu ua kaiadi ua sobha Dário, bhu mbeji ia kasamanu, mu kizuua kia dianga ku mbeji, kueza dízui dia Ngana, mu ukunji ua polofeta Ajeu, kua Zolobabele, monʼa Selatiiele, nguvulu ia Judá, ni kua Josuué monʼa Jozadake, o nganga ia dikota, uixi:

Ajeu 1:14

Jihova anga u phaphumuna o muẋima ua Zolobabele monʼa Selatiiele, nguvulu ia Juda, ni muẋima ua Josuué, monʼa Jozadake, nganga ia dikota, ni muẋima ua mundu uoso, anga eza a kalakala ku inzu ia Jihova dia Ifuẋi, Nzambi iâ.

Ajeu 2:2

Tangela Zolobabele, monʼa Selatiiele, nguvulu ia Juda, ni Josuué, monʼa Jozadake, nganga ia dikota, ni mundu uoso, kuila:

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Matendelelu 31:12

Mu bhongolola jinga mundu uoso, ni mala, ni ahatu, ni anʼa ndenge, ni asonhi ala mu mabhata menu phala evue, a di longe, a xile jinge Jihova Nzambi ienu, phala a kale ni muanu ua kualuka ni kubhanga jinga kioso kia zuela o Kitumu kienhiki.

Matendelelu 31:13

Mbé anʼâ oso a kambele ku kʼijiia, evue, a di longe kuxila Jihova Nzambi ienu, mu izuua ioso i mu tunga kulu dia mundu, mʼoxi i mua-nda kuzaúkila Njolodá, phala ku iʼvua.

Kolose 1:6

Mbata o Njimbu Iambote ia mi sange, koko, mu kusambuka kuê mu ngongo ioso, ia muia ni kuima dingi kiengi ni kusokolola ndumba ia mabesá. Kienʼiki ue kia bhiti ni enu, tunde mu kizuua ki muevua o kutanga kiadi kia Nzambi, anga mu kala mu ku kʼijiia mu kidi.

Jihebeleu 12:28

Uila kiki, tu kalienu ni kisakidilu, mukonda tua tambula Utuminu ki u tena kutunguta. Tu kalienu ni kisakidilu ki tu bhekela kubheza Nzambi kala kioso kia mu uabhela, ni ujitu ni uoma.