Afundixi 9:2 - O Mikanda Ikola

² Zuelenu, nga mi diondo, mu mátui ma akua Xikeme oso muexi kiki: Ki mi kala kota kiebhi? O kuila ana oso a Jelubaale, ala makuinhi sambuadi a muthu a mi tumina? Inga kota umoxi u mi tumina? Xinganekenu ue kuma eme ngala ngi kifuba kienu ngi xitu ienu.

Afundixi 9:2 ပူးပေါင်းရင်းမြစ်များ

Dimatekenu 29:14

Bhenhobho Labano-phe uixi: Kidi kiene, eie u kifuba kiami, u xitu iami. Anga u kala-nê mbeji ia muvimba.

II Samuuele 19:13

Mua kambela ue Amasa, muixi: Eie kuala u kifuba kiami, u xitu iami? Nzambi a ngi bhange-kiu, a ngi tele-ku dingi, se eie u kamba kukala u kabhitangu ka kifuxi bhu pholo iami izuua ioso bhu kididi kia Jouabe.

I Malunda 11:1

Izalaiele ioso-phe anga i di bhongolola kua Davidi, bhu Hebolone, exi: Tala, etu tu ifuba iê, tu xitu iê.

Efezo 5:30

Kuma etu tuala tu idiandu ia mukutu uê.

Jihebeleu 2:14

O ana-phe, kala kia exana muène, a kala athu a nomona ku xitu ni manhinga. Uila kiki, Jezú muène ua di bhange kala ene, mu kutambula o kidifuanganu kia muthu, phala mu kubhita ni kalunga a tene kutolola ió uoso ua kuata o nguzu ia kalunga, muène Diabhu.

Afundixi 8:30

Ngidiione anga u kala ni makuinhi sambuadi a mona, a mu tundu ku miogo iê; mukonda muene ua kexi ni ahatu avulu.

Afundixi 9:18

Enu-phe kizúua kia lelu mua balukila dibhata dia tatʼetu, enu mua jibha anʼê, makuinhi sambuadi a muthu ku thandu dia ditadi dimoxi, enu mua kuata Abimeleke, monʼa mukamʼê mua mu hingisa ungana ua Xikeme, mukonda dia kukala phangʼienu;

Afundixi 9:5

Anga uia ni enhá bhu bhata dia tatʼâ, bhu Ofila, jiphange jê anʼa Jelubaale, o makuinhi sambuadi a muthu, u a jibhila bhu ditadi dimoxi. Ua subhuka-bhu ngó Jotamu, kasule ka Jelubaale, kuma ua suama.