Afundixi 8:3 - O Mikanda Ikola

³ Nzambi ua bhakula bhu lukuaku luenu anʼa jisobha ja Midiiana, Olebe ni Ziiebe. Eme-phe kima ki nga tena kubhanga kima kiahi, ki soka ni ki mua bhange enu? Njinda iâ ia mu kuatelele, anga i sosoloka, kia zubha ku a zuelela kiki.

Afundixi 8:3 ပူးပေါင်းရင်းမြစ်များ

Jisálamu 115:1

Etʼuetu kana, u Jihova, etʼuetu kana; eie-ku a ku tumbula o dijina ni fuma, mukonda dia henda ié ni kidi kié.

Jisálamu 44:3

Kuma ixi ka i tambula ni xibhata iâ ene, lukuaku luâ ene ki luene kua a bhana o uzonda; maji o lukuaku lué, ni nguzu ié, ni kubenha kua pholo ié, mukonda eie ua a kala ni kiadi.

Jisabhu 15:1

Kuvutula kua kulenduka, kubhuisa jimvunda; maji o kuzuela kua kunonga, kubhekela njinda.

Jisabhu 16:32

Muthu u xididika uala kota, kindanda ndenge; o utolola muẋima uê uala kota, uatolola mbonge ndenge.

Jisabhu 25:11

Mukonda kima se u ki zuela bhu thembu iê ia tokala, kila kala jimasá ja ulu bhu mabandeja ma phalata.

Jisabhu 25:15

Kilamba u fundisa o milonga, utetuluka ngó kia ku mona o ku xididika kué; mukonda o dimi dia lenduka kiambote, di bula o ifuba.

Nzuá 4:37

Mbata, mu kiki, Sabhu ia zuela kidi, exi: U kuna o jimbutu uengi, o u bhongolola idima uengi.

Loma 12:3

Mu kukumbidila o kiadi kia ngi bhana Nzambi mu ujitu uê, ngʼ ambela kala muthu mudienu, kuila: Muthu ka di fike ima ia mu tundu. Maji a banze ni ku di tululula katé ua di fika ia kubatâma. Kienʼ iki kala muthu a di banze kiasoko mu kixikanu kioso kia mu bhana Nzambi.

Loma 12:6

Kiene ue, tuala ni mauhete, iú uengi, iú uengi, kioso kiá kia tu uanena mu kiadi kia Nzambi. Tu kalakale mu mauhete metu ma tu bhana muène. Hé o uhete uetu ua kutula Njimbu ia Nzambi, kikale tu u sokesa mu muxinda ua kuxikana ku tuala na-ku.

Filipe 2:3

Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

Afundixi 8:2

Muene anga u a ambela, uixi: Eme-phe nga bhangeʼhi, ku ki fika ni kiki ki mua bhange enu? Manhi o kuangulula, kuangulula akua Ifalaíme ki kualʼé kota, o kumuna kua munu akua Abiiezele, ki ndenge?

Afundixi 8:4

Ngidiione anga u tula ku Njolodá hé u zaúka, ni muene ni hâma jitatu ja mala aia-nê kumoxi, a bhuila, maji hanji iá kaia akua Midiiana.