Afundixi 7:4 - O Mikanda Ikola

⁴ Jihova anga u ambela dingi Ngidiione, uixi: Mundu hanji uavulu. A bheke ku menha, ngi ku tunguile-nâ kuenhoko. Mu kutula koko, oso ngi ku ambela, ngixi: Enhá ene uia-nâ, ene-phe muene aia; oso ngi ku ambela, ngixi: Enhá ka ii-ku, ene-phe a xala.

Afundixi 7:4 ပူးပေါင်းရင်းမြစ်များ

Dimatekenu 22:1

Kia zubha kubhita imʼiii, Nzambi u lola Mbalahamu, uixi: Mbalahamu; muene-phe uetaia, uixi: Emʼiú.

Jobe 23:10

Maji muene-phe o njila iami ua ijiia; se muene ua ngi lolele, ngeje kutunda utadi ua ulu mukuá.

Jisálamu 33:16

Sobha ka fike kuila kilômbo kia dikota ki mu bhana kulenda; dizonda ue ka di fiiale o nguzu iê iavulu.

Jisálamu 66:10

Kuma eie, u Nzambi, ua tu bhitisa hanji ku polova; ua tu kenzulula kala kiene kubhanga o phalata mu túbhia.

Jisálamu 7:9

Mukua phulu, Ngana, mu lembuese o phulu iê; maji mukua kidi-phe mu kuatese bhu kididi, a tunge a some; mukonda eie u Nzambi ia kidi, u mukua kutungula o ilunji ni mixima.

Afundixi 7:5

Kienhiki Ngidiione u bheka mundu ku menha. Jihova anga u ambela Ngidiione, uixi: Uoso uala kukabula menha ni lukuaku kala ki bhanga ímbua ni dimi, a di kalele; uoso ue u fukama ku jiphuna mu kúnua, a di kalele.

I Samuuele 14:6

Jonata anga u ambela kibese kiê kia mu mu ambatela o ibhakatu ia ita, uixi: Ndoko, tuie ku sámbua bhu poxto ia akua mabôlo enhá, amoxi Jihova u kalakala mu ku tu kudila; kuma Jihova ki bhuala ki mu fudisa kubhulula mundu uê ni athu avulu mba kubhulula mundu uê ni athu atolo.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.