Afundixi 3:3 - O Mikanda Ikola

³ sobha jitanu ja akua Fidíxia, ni akua Kanana oso, ni akua Sidónia, ni akua Hivi a tungu mu mulundu ua Libano, tundé mu mulundu ua Baale-helemone katé bhu phaka ia Hamate.

Afundixi 3:3 ပူးပေါင်းရင်းမြစ်များ

Dimatekenu 49:13

Nzebulone u tunga bhu tabhu dia kalunga; u kala ni ndundu bhu kuakela o jinaviiu; ndundu iê i di zala katé ku Sidone.

II Samuuele 24:7

A bhiẋla bhu mbonge ia Tilu, ni mu mabhata moso ma Mahivi ni Makanana; anga a tundila ku sulu ia Juda, bhu Bele-seba.

I Jisobha 8:65

Mu kithangana kiene kimoxi, Solomá u bhitisa ue dingi o fesa ia jifundu, ni muene ni Izalaiele ioso, kionge kia dikota, bhu pholo ia Jihova, Nzambi ietu, athu a tunda bhu Hamate hé a bhixila ku ngiji ia Ijito; o fesa hé a i bhanga mu sambuadi dia izuua, ki kua di te dingi o sambuadi dia izuua ia dianga, kia bhange kuinhi dia izuua nʼiuana.

I Jisobha 9:20

Mu kutanga o kifuxi kioso kia matumbu a subhukile ku akua Mamodi, ni akua Hiti, ni akua Peleze, ni akua Hivi, ni akua Jebu, ió ka tokalele mu muiji ua anʼa Izalaiele,

Izekiiele 47:20

O ku mbandu-phe ia mufuilakumbi, o Kalunga ka Dikota kene kiá o mbambe iê, tundé bhua suku o mbambe ia Sulu katé bhu dibokuenu dia Hamate; iii-phe i kala iene o mbambe ia luiji ku mufuila-kumbi.

Dialuilu 13:29

Akua-Maleke a tungu ku Sulu; Mahiti, ni Majebuzé, ni akua Amone, a tungu mu milundu; akua Kanana a tungu ku mbanduʼa kalunga, ni mu honga ia Njolodá.

Dialuilu 34:8

ku tunda bhu mulundu ua Hole, mu xinda dingi katé bhu dibokuenu dia Hamate, o mbambe iii i tundila katé mu Zedade;

Matendelelu 1:7

Bilukenu, mu katuke, muie ku mulundu ua akua Mamodi, ni oso a zukama kuenhoko ni ku kiphenza, ni ku mulundu, ni mu dikôlo muná ni ku sulu, ni ku Nengabe ku mbanduʼa musanza, mʼoxi ia Kanana, ni ku Libano, katé kiá ku ngiji iadikota ia Ufâlate.

Matendelelu 3:9

(Helemone-phe, akua Sidonha a mu luka exi Sidiione; maji akua Mamodi-phe exi Senile,)

Josuué 11:19

Ki bhua kexi sanzala ia bhange paze ni anʼa Izalaiele, kale ngó o Mahivi a tungu mu Ngibiione, Sanzala joso muene ua ji tambuila mu mvunda ia kubhânga.

Josuué 11:3

ni ku Makanana a thunda ni a luiji; ni ku Mamodi, ni Mahiti, ni Mapelezi, ni Majebuzi ku milundu; ni ku Mahivi mu betekete ia Helemone, mʼoxi ia Mispa.

Josuué 13:3

Tunde ku Xihole ia lulamena ku thunda ia Ijitu, katé ku mbambe ia Ekolone, ku mbandu ia kusuku, iambe exi ia tokala Makanana; ni jingana jitanu josuʼojo, ja akua-Fidíxia; o mukua Ngaza, ni mukua Ajindode, ni mukua Axikelone, ni mukua Ngate, ni mukua Ekolone;

Josuué 13:5

ni oxi ioso ue ia Mangibele, ni Libanu iosololo ku mutundila-kumbi, tundé ku Baale-ngadi, bhu kikota kia mulundu ua Helemone, katé bhu bokuenu dia Hamate;

Josuué 19:28

ibhita mu Ebolone ni Lehobe, ni Hamone, ni Kana, katé mu Sidone ionène.

Josuué 9:7

Mala a Izalaiele anga a kumbulula o Mahivi, exi: Sumba-phe mua tungu muʼaxaxi ketu; tuta kiebhi dingi kikutu nʼenu?

Afundixi 10:12

Ni kia mi bhikisa akua Sidone, ni Mamaleke, ni Mamodi, kienhokio enu ki mu di kola kó-kuami anga ngi mi kudila bhu makuʼâ?

Afundixi 10:7

Njinda ia Jihova anga i uama ku thandu dia Izalaiele, anga u a sumbisa bhu lukuaku lua akua Fidíxia, ni bhu lukuaku lua akua Amone.

Afundixi 14:4

Tatʼâ-phe ni mamʼâ ka kʼijiia kuila kia tundu kua Jihova; mukonda Sansau uala kusota bhuoso bhua kuatela mvunda ni akua Fidíxia. Mbata thembu ienhoio akua Fidíxia ene ala mu tumina Izalaiele.

Afundixi 18:7

Kia zubha kubhanga kiki, malʼatanu enhá a katuka, a bhixila mu Laixi, a sanga athu a tungu-mu kala ni hele ia kima, ukalelu uâ uene umoxi ni akua Sidone, a dixibhʼâ, ki bhuala kima kia a zukutisa. Mʼoxi iâ ki muala muthu u kuata kutumina, mba u a kuatesa jisonhi ja kima kioso-kioso mu ixi momo; o akua Sidónia ue a di sanduka-nâ a a kalela dikanga; athu engi ka di tambulula-nâ mu ima ioso-ioso.

Afundixi 3:2

mbé miiji ia anʼa Izalaiele a kʼijiie, a di longe kúlua ita, oso mʼokulu kejidile luua kúlua;

Afundixi 4:2

Jihova anga u a bhakula bhu lukuaku lua Jabine, sobha ia Kanana, u kala ni mbanza iê ku Hazole, o kabhitangu ka kifuẋi kiê Xixela, ua tungile bhu Halosete ia matumbu.

I Samuuele 13:5

Akua Fidíxia ue anga a di bhongolola mu kúlua ni Izalaiele, makuinhi atatu a midi ia makalu ma ita, ni midi jisamanu ja akua kumondala jikabalu, o mundu uamuká ua iá endela bhoxi a soko ni kisèkele bhu ndúndu ia kalunga mu kuvula. Anga a banda, a ta kibangu kiâ bhu Mikimaxi; Betavene a i somboka anga aia ku pholo ku mbandu ia mu tundila dikumbi.

I Samuuele 29:2

Jisobha ja akua Fidíxia anga a tuamenena ni ilômbo iâ iouane ku ibuka ia jihâma ni jimidi. O Davidi-phe ni makuenze mê a kala ue mu kaiela, a sukidila ku dima ni Akiji.

I Samuuele 6:16

O jisobha jitanu ja akua Fidíxia, kia zubha ku ki mona mesu, a vutuka kizuua kienhokio ku Ekolone.

I Samuuele 6:18

ni tundôndo tua ulu, a tu sokesa ni konda ia jimbanza ja akua Fidíxia, ja tokala o sobha jâ jitanu, ni jimbanza jóxite ni imbaka, ni jisanzala jâ ku matutu, katé bhu ditadi dia dikota bhua tula álaka ia Jihova; o ditadi diene didié hanji katé mu kizuua kia lelu, mu díbhia dia Josuúé mukua Bete-seme.

I Samuuele 6:4

Ene-phe, exi: Mubhaku ua kudiẋikina mulonga u kala kiebhi, uoso u tu mu vutuila? Exi: Mu iudika mabhumbu matanu ma ulu, ni tundôndo tutanu tua ulu, kifua mu sokesa mu sobha jitanu ja akua Fidíxia, kuma o dibhebhu diene dimoxi dia kexile ku thandu dienu oso ni kuthandu dia jisobha jenu.