Afundixi 2:1 - O Mikanda Ikola

¹ Mukunji ua Jihova anga u tunda bhu Jidingale u banda ku Betele. Uixi: Eme nga mi katula mu Ijitu, nga mi bheka mʼoxi i nga lokela ku jitata jenu, ngixi; Kikutu kiami kioso, ki nga te ni enu, ki ngi ki tondala kana, kate ku miji ni miji.

Afundixi 2:1 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 16:13

Hangale anga u bhana dijina kua Jihova ua mu zuelesa, uixi: Eie u Nzambi uene mu kumona; kuma uambe, uixi: Eme uami, bheniʼabha ki ngi mono Nzambi mukua ku ngi mona?

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

Jisálamu 89:3

Uixi: Nga te kikutu ni muthu uami nga mu solo, selevende iami Davidi nga mu lokela.

Jisálamu 89:34

Kikutu kiami ki ngi tena ku ki zanga, mba kuzuela luiadi o kima kia ngi bhiti ku mizumbu iami.

Makatukilu 14:14

Jihova muene ua-nda ku mi bhangela, enu di xibhienu ngó.

Makatukilu 14:19

O Anjo ia Jihova ia tuanemena o kilômbo kia Izalaiele, anga i tunda ku pholo iâ iza hé i a kalela ku dima; ni philadi ia dituta i tunda ku pholo ku ia kexile, ieza, iemana ku dima diâ.

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Makatukilu 23:20

Talesa, ngi tuma anju iami ku mi diangela ku pholo ienu, phala a mi lange mu njila iii, mbé a mi bheke ku kididi ki nga mi iudikila.

Makatukilu 33:14

Kuala muene: Pholo iami iene ia-nda ku ku tuamenena, eme muene ngi ku bhana kunhoha.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Jelemiia 14:21

Mukonda dia henda ia dijina dié, kana ku tu di tuna; o kiandu kia ulamba ué, kana ku ki diotela bhoxi; xinganeka, kana ku sangununa o kikutu ki ua ta nʼetu.

Ijila 26:42

Eme-phe ue nga kà vutula dingi o thulu, ku kikutu ki nga tele ni Jakobo, ni kiná ki nga tele ni Izake, ni ku kikutu ki nga tele ni Mbalahamu, bhenhobho nga kà lembalala ue oxi.

Ijila 26:44

O kia di té-ku, né-mbé-phe hanji kuene kua di texilʼoko, mʼoxi ia jinguma jâ muala, Eme ue ki ngi tena ku a ẋimbuka, ki ngi tena ku di kuma-nâ, anga ene oso ngʼa jimisa o mbutu, hé ngi selula o kikutu kiami ki nga tele ni ene, mukonda Eme-muene ngi Jihova Nzambi iâ.

Zakadiia 11:10

Anga ngi zangula mbangala iami “Kiadi” anga ngi i bukulʼé phala kusendumuna o kikutu kiami ki nga tele ni miji ioso ienhiʼii.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Dialuilu 14:34

Ki kaiela mu izuua i mua bhangele mu kulonda ixi, makuinhi auana a kizuua, mu makuinhi auana a muvu, kizuua muvu, kizuua muvu, muambata mulonga uenu mu makuinhi auana a muvu, muijiie ki kala o kuẋimbuka kuami.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.

Josuué 3:10

Josuué uixi: Kiene ki mu kʼijidila, kuma Nzambi ia muenhu muala-nê muʼaxaxi kenu, mukonda muene sé ngó kufula, ua-ndu kaia bhu pholo ienu akua Kanana, ni Mahiti, ni Mahivi, ni Mapelezi, ni Jijidingaze, ni Mamodi, ni Majebuzi.

Afundixi 11:24

Eie ku bhingana ixi ioso i ku bhana nzambi ié Kemoxi ku i bhingana? Oso phe a a tubhula kuala Jihova Nzambi ietu, a a kaie bhu pholo ietu, etu tu a bhingana.

Afundixi 13:2

Hé bhu kala muthu, mukua bhata dia Zola, mukua muiji ua Dani, dijina diê Manoua, muhatuʼê mbaku, ka vuala.

Afundixi 13:3

Anju ia Jihova anga i tukulukila o muhatu muenhú, u mu ambela, uixi: Talesa, eie uala u mbaku, ua kambe kuvuala; kiki-phe ua-nda kuimita, hinu u vuala monʼa diiala.

Afundixi 2:5

Kididi kienhiki anga a ki luka dijina dia Bokimu; Jihova anga a mu satela bhenhobho.

Afundixi 6:8

Jihova muene u tuma polofeta kua anʼa Izalaiele, u a ambela, uixi: Eme Jihova, ngi Nzambi ia Izalaiele, ngambe kiki: Eme muene nga mi katula mu Ijito, nga mi katula mu dibhata dia ubhika,