Afundixi 13:3 - O Mikanda Ikola

³ Anju ia Jihova anga i tukulukila o muhatu muenhú, u mu ambela, uixi: Talesa, eie uala u mbaku, ua kambe kuvuala; kiki-phe ua-nda kuimita, hinu u vuala monʼa diiala.

Afundixi 13:3 ပူးပေါင်းရင်းမြစ်များ

Dimatekenu 17:16

Mukonda eme nga-nda ku mu zediuisa, ngi mu bhana dibhesá; nga-nda ku ku bhela kua muene, mona u tunda momuʼé; ngi mu bhana dibesá, u kala kivuadi ki bhanga miji; jisobha muene ji tumina ifuẋi hinu ji tunda ku mukutu uê.

Dimatekenu 18:10

Kuala muene, sé kufula muene, muvu uiza-mu, bhu kumbi kala bheniʼabha, muhatuʼé Sala u kala ni mona. Sala anga u kʼivua, uala ku dima dia dibhitu mu balaka.

Dimatekenu 18:14

Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

II Jisobha 4:16

Kuala, Ilizeu: Bhu kithangana kia tokala, kia kà bhita o muvu, ku izuua ia muenhu, eie ua kà bhubhala mona ua diiala. O muene-phe, uixi: Kana, ngana iami, tata! Muthu ua Nzambi, o mubhikʼê ua muhatu ku mu tele makutu.

Luka 1:11

Anga ku mu tukulukila mukunji ua Ngana, uemana ku mbandu ia kadilu ia kalatódio ka dizumba.

Luka 1:13

Mukunji anga u mu ambela, uixi: Ku kale ni uôma Zakadiia! Mukonda musambu ué Nzambi ua uivu. Muhatuʼé, Nzebele, ua-ndu ku vualela monʼa diiala, eie u mu luka dijina dia Nzuá.

Afundixi 13:10

Muhatu anga u bhanga lusolo, uia ni kunzunzuna u lengela kua muadi uê, uixi: Muthu-ze ua ngi tukulukilile kizuʼokio, lelu ueza dingi.

Afundixi 13:15

Bhenhobho Manoua anga u ambela anju ia Jihova, uixi: Nga ku diondo, tu kinge hanji tu ku telekele kahombo.

Afundixi 13:6

Muhatu anga uiza u tangela muadi uê, uixi: Kua ngi sange muthu ua Nzambi, o pholo iê iila kala pholo ia anju ia Nzambi; ku mu tala uoma u kuata; ki nga mu ibhula kuoso kua tundu, dijina diê ue ka ngi tangela-diu.

Afundixi 13:8

Bhenhobho Manoua usamba u dionda Jihova, uixi: Aii! Ngana, tata! nga ku diondo, muthu ua Nzambi ió uoso ua mu katuile, eze dingi bhu tuala, a tu longese kioso ki tu sasa o mona uoso hinu tu mu vuala.

Afundixi 2:1

Mukunji ua Jihova anga u tunda bhu Jidingale u banda ku Betele. Uixi: Eme nga mi katula mu Ijitu, nga mi bheka mʼoxi i nga lokela ku jitata jenu, ngixi; Kikutu kiami kioso, ki nga te ni enu, ki ngi ki tondala kana, kate ku miji ni miji.

Afundixi 6:14

Bhenhobho Jihova anga u mu ila, sui, uixi: Ndeie mu uzonda uê uenhú, u kudile Izalaiele bhu lukuaku lua Midiiana; manhi ki eme muene nga ku tumu?

I Samuuele 1:20

kubhiẋila bhu thembu iê, Hana anga u imita u vuala monʼa diiala; anga u mu luka dijina dia Samuuele, uixi: Mukonda nga mu bhingi kua Jihova.