Afundixi 1:3 - O Mikanda Ikola

³ Juda anga u ambela phangʼiê Ximinhá, uixi: Ndoko, u bandele kumoxi ni eme mu kibatu kiami kia ngi bhana ku muondona, tu lue ni Makanana; eie ue hinu ngi ku bheke mu kibatu kiê.

Afundixi 1:3 ပူးပေါင်းရင်းမြစ်များ

Dimatekenu 29:33

Anga uimita dingi, u vuala monʼa diiala; anga u amba, uixi: Mukonda Jihova ua kʼivu kuma a ngi zembe, ua ngi bhana dingi iú, anga u mu luka, uixi: Ximinhá.

II Samuuele 10:11

Uixi: Se ngi sanga akua Sídia a ngi tundu mu nguzu, eie uiza mu ku ngi banda; o ki kala-phe anʼa Amone ene a ku tundu eie mu nguzu, eme-phe ngiza mu ku ku banda.

Josuué 19:1

Kuatomboka hasa ia kadi phala Ximinhá, mbe o muiji ua anʼa Ximinhá, ku majiku-majiku mâ, ubhinganu uá ua kutuka muʼaxaxi ka ubhinganu ua anʼa Juda,

Dijingunuinu 7:7

ku muiji ua Ximinhá, kuinhi dia midi ni midi jiiadi; ku muiji ua Levi, kuinhi dia midi ni midi jiiadi; ku muiji ua Isakale, kuinhi dia midi ni midi jiiadi;

Afundixi 1:17

Juda anga u ila kumoxi ni phangʼiê Ximinhá, anga a beta Makanana akua Zefate, dibhata dioso a di buidisa. Mbonge ioio anga a ixana dijina diê Hóloma.

Afundixi 1:2

Jihova-phe, uixi: Juda muene u banda; talesenu, ixi ioso iii nga i bhakula bhu lukuaku luè.

Afundixi 1:4

Juda anga u banda; Jihova anga u bhakula Makanana ni Mapelezi bhu lukuaku luâ; anga a beta-ku mu Bezeke, kuinhi dia midi dia muthu.