Yuoridagɩŋ 6:10 - Ŋmiŋ Nʋahaaliŋ Gbaniŋ Kɔmiŋ

¹⁰ ta die faasɩ nata ŋmɩŋsikpeŋ dɩ, “Tɩ Yɔmʋtieŋ Nabidie Ŋmɩŋ, fʋnɩŋ vuodieke dɩ yine sʋgɩyɩalɩntieŋ ta bɩ yi wusietieŋ wo, lalɩa ka baa ka yʋasɩ ta fʋ ye dii tɩŋgbaŋka gie vuosisi sarɩya ta datɩ ba tɩba, ba kʋna tɩ wa wɩa?”

Yuoridagɩŋ 6:10 ပူးပေါင်းရင်းမြစ်များ

Luki 2:29

“N Yɔmʋtieŋ, ka daaŋ fʋ nʋarɩ vaa manɩŋ fʋ tʋntʋntʋ kpi ta wa kuli aŋaŋ sʋgɩdʋagɩŋ, sɩba die fʋ bala mɩŋ die wo;

Luki 21:22

dama saŋka mi yiwo tɩbɩdatɩŋ saŋŋa. Wɩaha gie mana nan keŋ yi sɩba die dɩ maagɩna Ŋmɩŋ gbaŋkʋ ma die wo.

Romi vuosi 12:19

N nɩmballɩ choti, nɩ daa keŋ a yi bɩaŋ a yɩ vuodiekemba dɩ yine nɩ bɩaŋ, ama nɩ vaa Ŋmɩŋ tuŋ hanɩ mi. Dɩ maagɩya Ŋmɩŋ gbaŋkʋ ma dɩ, “Manɩŋ n nyɩɩna ma yalla yiko dɩ n datɩ vuosi tɩba; n balla n tuŋ hanɩ mi, Manɩŋ Ŋmɩŋ n balla naa.”

Hiiburu Vuosi 12:24

Nɩ keŋ wo Yisa, vuodieke dɩ yine nuupɔɔnɩgɩrʋ wa jigiŋ, ta bɩ keŋ nʋahaalɩkʋ jigiŋ. Ta zɩŋ dieke die dɩ nyɩnna daga wʋvɩɩŋ dieke dɩ tɩanna Abeli zɩmbʋ wɩa.

2 Piita 2:1

Ŋmɩnchɩbɩsɩ naazʋalɩŋ die dɩ benne Juu vuosi sʋnsʋkʋ dene wo, die gbaŋ gbaŋ ŋmɩnchɩbɩsɩ dɩdagɩrɩŋ gbaŋ dɩ nan dɩ bie nɩ sʋnsʋŋ, ta daga ŋmɩnchɩbɩsɩ dagɩkʋ lɔbɩrɩŋ ma, wudieke dɩ bala ka chʋʋsɩ nɩ. Ba nan zeti tɩ Yɔmʋtieŋ Yisa Masia vuodieke dɩ gbatɩna ba a taaŋ wa gbaŋ. Ba yine die wo nan vaa Ŋmɩŋ chʋʋsɩ ba lagɩ.

Yuoridagɩŋ 11:18

Vuodiekemba dɩ kana ka dɩa fʋ wa jɩɩwa sɩnyɩɩrɩŋ ta fʋ sɩnyɩɩrɩŋ dɩaŋ dɩ hagɩ. Saŋŋa tʋgɩya dɩ fʋ dii kunti sarɩya ta tuŋ fʋ tʋntʋntɩba dɩ yine fʋ naazʋalɩba aŋaŋ fʋ vuodiekemba mana dɩ jɩannana fʋ vuodiekemba dɩ yine vuokpɩɩma aŋaŋ wabɩtɩ mana ta saŋŋa bɩ tʋgɩ mɩŋ dɩ fʋ chʋʋsɩŋ vuodiekemba dɩ chʋʋsɩnana tɩŋgbaŋka!”

Yuoridagɩŋ 18:20

Nɩnɩŋ vuodiekemba dɩ bene arɩzanna ma, nɩ yallɩma sʋgɩfɩalɩŋ, dama Ŋmɩŋ chʋʋsɩ wa Babiloni tɩka. Ta nɩnɩŋ Ŋmɩŋ vuosi aŋaŋ Ŋmɩŋ naazʋalɩŋ aŋaŋ Masia tʋntʋntɩba, nɩ yallɩma sʋgɩfɩalɩŋ, dama Ŋmɩŋ chʋʋsɩ wa Babiloni tɩka yaa gamma wudiekemba ʋ yine nɩ wo wɩa.

Yuoridagɩŋ 18:24

Ŋmɩŋ datɩ wa Babiloni tɩŋ tɩbɩŋ dama ka kʋʋ wa Ŋmɩŋ naazʋalɩŋ aŋaŋ ʋ vuosi aŋaŋ vuodiekemba mana vuosi dɩ kʋnana tɩŋgbaŋka gie mana mana wɩa.”

Yuoridagɩŋ 19:2

Dama ʋ sarɩya diile yiwo wusie ta mʋ. Ʋ chʋʋsɩ wa hɔgʋ dieke dɩ yinene daakpana tʋʋmaha, ʋ vana tɩŋgbaŋka gie vuosi dɩ yie bɩaŋ aŋaŋ ba yinene dɩgɩntɩ tʋʋma aŋaŋ wa wa wɩa. Ŋmɩŋ datɩ wa ʋ tɩbɩŋ, dama ʋ kʋʋ wa wʋnɩŋ Ŋmɩŋ tʋntʋntɩŋ.”

Yuoridagɩŋ 3:10

Dama nɩ dɩna n mɩraha ta dii suguru n wɩa naa, n nan mɩŋŋɩ a pɔgɩlɩ nɩ mɩŋ amʋ nɩ kaaŋ keŋ juu wʋbɩa dieke dɩ bala ka keŋ magɩsɩ tɩŋgbaŋka gie vuosi mana naa.

Yuoridagɩŋ 3:7

Ta vuodieke die n yene wo dɩ bɩ balɩ mɩŋ dɩ n maagɩ wɩaha gie a yɩ ʋ dɩdɩɩsɩrɩba dɩ bene Filadalifia tɩŋ ma wa malaka dɩ: Wɩaha gie nyɩŋ wa vuodieke dɩ yine Kasɩtieŋ ta yi Wusietieŋ wo jigiŋ. Wʋnɩŋ ʋ yalla naakpɩɩŋ Davidi yiko safibinni, ta ʋ keŋ yuori sanʋaŋ vuoŋ wori a baaŋ bɩagɩ a ligi ke, ta ʋ keŋ ligi vuoŋ wori a baaŋ bɩagɩ a yuori ke.