Yuoridagɩŋ 19:9 - Ŋmiŋ Nʋahaaliŋ Gbaniŋ Kɔmiŋ

⁹ Womi malaka die dɩ balɩ a yɩ mɩŋ dɩ, “Maagɩ naa: ‘Sʋgɩfɩalɩŋ bie vuodiekemba ba wana dɩ ba keŋ a gʋtɩ dii Yiipɔlɩka hɔgʋhaalʋ wa banwʋla nyindiikehe.’ ” Die malakaka die dɩ bɩ balɩ a gʋtɩ dɩ, “Wɩaha gie yiwo Ŋmɩŋ wɩa, ta yi wusie.”

Yuoridagɩŋ 19:9 ပူးပေါင်းရင်းမြစ်များ

Luki 22:16

N bala nɩ, n kaaŋ bɩ dii he bɩbra a yaa ga tʋgɩ saŋŋa dieke wusie diile he dɩ bala dɩ yi Ŋmɩŋ naarɩ ma.”

1 Timoti 1:15

Wɩɩrɩ gie yiwo wusie amʋ tɩ tuoke ta yi yada dɩ Yisa Masia die keŋ tɩŋgbaŋka gie me dɩ ʋ gbatɩ wʋbɩayiiriŋ a taaŋ mɩŋ, ta die n wʋbɩatɩ die tɩanna wʋbɩayiiribe mana,

1 Timoti 4:9

Wɩɩrɩ gie yiwo wusie amʋ tɩ tuoke a dii.

2 Timoti 2:11

Wɩaha gie yiwo wusie dɩ: “Dɩɩ yi tɩ kpiye mɩŋ aŋaŋ wa tɩ nan keŋ yaa miivoli aŋaŋ wa.

Tatusi 3:8

Wɩaha gie yiwo wusie. N yaala fʋ nagɩ fʋ sʋŋanyile mana a dagɩma ba naa, ta vuodiekemba dɩ yine Ŋmɩŋ yada wa nan nagɩ ba saŋŋa mana a yie wʋvɩɩna. Wɩaha gie vɩɩna mɩŋ ta yaa nyʋarɩ a yɩa vuoŋ mana.

Yuoridagɩŋ 1:1

Wudieke Yisa Masia die dɩ yuorine a dagɩ maagɩna gbaŋkʋ gie me. Ŋmɩŋ die yɩna wa wɩɩrɩ mi dɩ ʋ dagɩ ʋ tʋntʋntɩba wudieke dɩ bala ka yi lele ke gie. Masia die tʋŋ wa ʋ malaka ʋ tʋntʋntʋ Jɔɔn jigiŋ, dɩ ʋ balɩ wa wɩaha gie mana.

Yuoridagɩŋ 1:19

Die wɩa, maagɩ nyindiekemba fʋ yene lele gie, aŋaŋ nyindiekemba dɩ bala a yi kʋaŋ chaaŋ.

Yuoridagɩŋ 10:4

Nɩɩnatɩŋkʋ kʋaŋ chaaŋ maŋ yi siri dɩ n maagɩ wudieke ʋ balala wa, ama ta wʋŋ lɔlɩŋ kaanɩ a nyɩŋ arɩzanna ma, dɩ n lɔbɩrɩ wudiekemba nɩɩnatɩŋ ayʋpɔyɩ dɩ balala wa aŋ ka bemme n sʋŋ ma ta n da maagɩ.

Yuoridagɩŋ 14:13

Womi maŋ bɩ wʋŋ lɔlɩŋ dɩ nyɩnna arɩzanna ma a bala dɩ, “Maagɩ naa; a nyɩŋ jinne yaa gamma sʋgɩfɩalɩŋ bie vuodiekemba dɩ kpine tɩ Yɔmʋtieŋ tʋʋma wɩa.” Ta Ŋmɩŋ Halɩkasɩka dɩ yiŋŋi balɩ dɩ, “Wusie, ba nan ye voosiŋ a nyɩŋ ba tʋnkpɩɩma ma dama ba tʋʋmaha nyʋarɩ nan dɩ dɩ ba.”

Yuoridagɩŋ 17:1

Womi malakasi ayʋpɔyɩ wa die dɩ pɔgɩlɩna tɩmbala ayʋpɔyɩ wa wʋnyɩ dɩ nyɩŋ arɩzanna ma a keŋ balɩ mɩŋ dɩ, “Keŋ aŋ n dagɩ fʋ Ŋmɩŋ dɩ balla ʋ keŋ datɩ hɔgʋ dieke dɩ dʋagɩnana dembisi tɩbɩŋ dene. Wʋnɩŋ ʋ yine tɩgɩkpɩɩŋ dieke dɩ gbigine mʋga pam wa.

Yuoridagɩŋ 17:17

Dama Ŋmɩŋ vana ba yaala a yie wudieke wʋnɩŋ ʋ yaalala ta yi nʋabalɩmɩŋ ta nagɩ ba yiko a yɩ haagɩŋ dɔmbɩakʋ dɩ ka pɔgɩlɩ vuosi a ga tʋgɩ saŋŋa dieke wʋnɩŋ Ŋmɩŋ wʋbalɩka dɩ baaŋ keŋ yi wusie.

Yuoridagɩŋ 2:1

Ta vuodieke die n yene wo dɩ balɩ mɩŋ dɩ n maagɩ wɩaha a yɩ ʋ dɩdɩɩsɩrɩ diekemba dɩ lagɩŋna a bie Efesusi tɩŋ ma wa malaka dɩ: Wɩaha gie nyɩŋ wa vuodieke dɩ pɔgɩlana chɩŋmarɩsɩ ayʋpɔyɩ ʋ nuudiigiŋ me wo, ta dɩ dɩa chʋŋ salɩma popolisi jigizielikiŋ ayʋpɔyɩ wa sʋkʋ.

Yuoridagɩŋ 2:12

Ta vuodieke die n yene wo dɩ bɩ balɩ mɩŋ dɩ n maagɩ wɩaha gie a yɩ ʋ dɩdɩɩsɩrɩ diekemba dɩ lagɩŋna a bie Pegamumi tɩŋ ma wa malaka dɩ: Wɩaha gie nyɩŋ wa vuodieke dɩ yalla takoobi dieke dɩ yalla nʋadiike ale wo jigiŋ.

Yuoridagɩŋ 2:18

Ta vuodieke die n yene wo dɩ bɩ balɩ mɩŋ dɩ n maagɩ wɩaha gie a yɩ ʋ dɩdɩɩsɩrɩ diekemba dɩ lagɩŋna a bie Tiatira tɩŋ ma wa malaka dɩ: Wɩaha gie nyɩŋ wa Ŋmɩŋ Bʋadembike vuodieke nine dɩ sɩna sɩba bolinyaaŋ, ta ʋ naatala dɩ nyɩgɩsa sɩba kʋʋtɩ dene wo jigiŋ.

Yuoridagɩŋ 2:8

Ta vuodieke die n yene wo dɩ bɩ balɩ mɩŋ dɩ n maagɩ wɩaha gie a yɩ ʋ dɩdɩɩsɩrɩ diekemba dɩ lagɩŋna a bie Simirina tɩŋ ma wa malaka dɩ: Wɩaha gie nyɩŋ wa vuodieke dɩ yine jaaŋ mana piiliŋ aŋaŋ ka kpatɩŋ wa jigiŋ, wʋnɩŋ die ʋ kpine ta bɩ hagɩ kuŋ me wo.

Yuoridagɩŋ 21:5

Womi vuodieke die dɩ kalla naagbaŋtɩ ma wa dɩ baarɩ dɩ, “Lele, n yi wo nyinti mana nyɩŋhaala.” Ta die bɩ balɩ a yɩ mɩŋ dɩ, “Maagɩ wɩaha gie dama wɩaha gie yiwo wusie ta vuoŋ nan bɩagɩ a tuohe a dii.”

Yuoridagɩŋ 22:6

Womi malakaka die dɩ bɩ balɩ dɩ, “Wɩaha gie yiwo wusie, ta vuoŋ dɩ nan bɩagɩ a tuohe dii. Ta tɩ Yɔmʋtieŋ Nabidie Ŋmɩŋ vuodieke dɩ nagɩna ʋ Halɩkasɩka a yɩa ʋ naazʋalɩŋ wa, wʋnɩŋ ʋ tʋnna ʋ malaka dɩ ʋ keŋ dagɩ ʋ tʋntʋntɩba wudieke dɩ bala ka yi leleke gie.”

Yuoridagɩŋ 3:1

Ta vuodieke die n yene wo dɩ bɩ balɩ mɩŋ dɩ n maagɩ wɩaha gie a yɩ ʋ dɩdɩɩsɩrɩba dɩ bene Saadisi tɩŋ ma wa malaka dɩ: Wɩaha gie nyɩŋ wa vuodieke dɩ pɔgɩlɩna haalɩtɩ ayʋpɔyɩ dɩ jɩanna Ŋmɩŋ wa ta yalla chɩŋmarɩsɩsɩ ayʋpɔyɩ wa jigiŋ. N sɩba wudieke nɩ yinene mɩŋ, nɩ sɩɩ sɩba vuodiekemba dɩ yine mɩŋ yada, ama wusie nɩŋ nɩ ka bɩ yi mɩŋ yada.

Yuoridagɩŋ 3:14

Ta vuodieke die n yene wo dɩ bɩ balɩ mɩŋ dɩ n maagɩ wɩaha gie a yɩ ʋ dɩdɩɩsɩrɩ diekemba dɩ lagɩŋna a bie Lodisia tɩŋ ma wa malaka dɩ: Wɩaha gie nyɩŋ wa vuodieke saaŋ dɩ yine Wusie wo jigiŋ, ta bɩ yi siaratieŋ dieke dɩ yine wusietieŋ ta mɩŋŋɩ yie siaravɩɩna wa, ta bɩ yi jadieke mana Ŋmɩŋ dɩ naanna sikpeŋtieŋ wo.

Yuoridagɩŋ 3:20

Nɩ wʋmma, n zie wo sanʋarɩ ma a kpaasa gbɩabɩkʋ, vuodieke mana dɩ wʋnna n lɔlɩŋ ta yuori gbɩabɩkʋ, n nan keŋ juu ta manɩŋ aŋaŋ wa nan lagɩŋ dii.

Yuoridagɩŋ 3:7

Ta vuodieke die n yene wo dɩ bɩ balɩ mɩŋ dɩ n maagɩ wɩaha gie a yɩ ʋ dɩdɩɩsɩrɩba dɩ bene Filadalifia tɩŋ ma wa malaka dɩ: Wɩaha gie nyɩŋ wa vuodieke dɩ yine Kasɩtieŋ ta yi Wusietieŋ wo jigiŋ. Wʋnɩŋ ʋ yalla naakpɩɩŋ Davidi yiko safibinni, ta ʋ keŋ yuori sanʋaŋ vuoŋ wori a baaŋ bɩagɩ a ligi ke, ta ʋ keŋ ligi vuoŋ wori a baaŋ bɩagɩ a yuori ke.