Yuoridagɩŋ 18:10 - Ŋmiŋ Nʋahaaliŋ Gbaniŋ Kɔmiŋ

¹⁰ Ba nan dɩ zie saasaa, dama ba chɩga ŋmaamɩŋ dɩ ba nan gʋtɩ dii ʋ wahala ka. Ba nan dɩ bala dɩ, “Wʋbɩaŋ, wʋbɩaŋ, Babiloni tɩgɩkpɩɩŋ, Ŋmɩŋ chʋʋsɩ fʋ bʋnyɩ.”

Yuoridagɩŋ 18:10 ပူးပေါင်းရင်းမြစ်များ

Yuoridagɩŋ 11:8

Ta ba nyɩŋgbanɩŋ nan dɩ dʋa tɩgɩkpɩɩka siekpɩɩkʋ ma jigidieke die ba kpaasɩna ba Yɔmʋtieŋ dagarɩkʋ ma wa. Vuosi yɩ wa tɩka mi saaŋ Sodomi yaa Ijipiti.

Yuoridagɩŋ 14:8

Die bʋmbʋŋaŋ malakaka dɩ tɩanna a ga wa, die malaka dieke dɩ gʋtɩna bule wo dɩaŋ dɩ keŋ nyɩŋ ŋmɩŋsikpeŋ a bala dɩ, “Babiloni, tɩgɩkpɩɩka nanya mɩŋ, die ʋ vaa wa vuota buuriŋ mana dɩ tʋŋ dɩgɩntɩ tʋʋma, die wɩa Ŋmɩŋ sɩnyɩɩrɩŋ dɩ hagɩ ʋ ma.”

Yuoridagɩŋ 16:19

Tɩŋgbaŋka dɔŋkʋ die dɩ vaa tɩgɩkpɩɩka dɩ puo bʋtaa, ta chʋʋsɩ tɩgɩkpɩɩmaha mana dɩ bene tɩŋgbaŋka gie me wo. Ama Ŋmɩŋ die ka daaŋ Babiloni tɩgɩkpɩɩka wʋbɩatɩ wɩa, ta vaa ka nyuu daaŋ dieke dɩ yine ʋ sɩnyɩɩrɩŋ daabʋ ta bie nyaaŋchibike me wo.

Yuoridagɩŋ 17:12

“Yɩɩla baŋ dieke fʋ yene wo zie a yɩ wa naalɩŋ baŋ ama ba ye ka dii naarɩ, ama banɩŋ aŋaŋ haagɩŋ dɔmbɩakʋ nan keŋ lagɩŋ a dii naarɩ a yʋasɩ saŋŋa bɩta.

Yuoridagɩŋ 18:18

ta faasɩ nata ʋ wɩa die ba yene bolibu dɩ dinene tɩka ta nyusi dɩ haga wa. Ta balɩ dɩ, “Tɩgɩkpɩɩŋ ye wori a yaa hagɩrɩŋ sɩba tɩka gie.”

Yuoridagɩŋ 18:19

Ta die yɔɔra tantɩ a yie ba sikpigile me aŋ ka dagɩ dɩ ba sʋŋ chʋʋsɩya mɩŋ ta kʋma ta die zɔɔlɩŋ ta bala dɩ, “Wʋbɩaŋ, wʋbɩaŋ haarɩ tɩgɩkpɩɩka, ʋ yine tɩgɩkpɩɩŋ dieke vuodiekemba dɩ yalla haarɩkpɩɩma ta dɔma mʋgɩkpɩɩrɩ ma a daa ta yalla wa dɩ ye ligire. Ta bʋnyɩ nyinti gie mana dɩ bɩa.”

Yuoridagɩŋ 18:21

Womi die malaka hagɩrɩtieŋ die dɩ kɔtɩ taŋkpeŋkpɩɩŋ ka mʋ sɩba nɩɩkpeŋkpɩɩŋ a nagɩ a taaŋ mʋgɩkpeŋkpɩɩkʋ ma ta baarɩ dɩ, “Naa Ŋmɩŋ dɩ nan nagɩ Babiloni tɩgɩkpɩɩka a taaŋ aŋ ka chʋʋsɩ, ta vuoŋ kaaŋ bɩ ye ke bɩbra.

Yuoridagɩŋ 18:8

Naa wɩa wahala nan keŋ keŋ ʋ ma bʋnyɩ ta yʋagɩtɩ aŋaŋ sʋgɩchʋʋsɩŋ aŋaŋ kɔŋ nan haarɩ wa, ta boliŋ dɩaŋ nan dii wo, dama tɩ Yɔmʋtieŋ Nabidie Ŋmɩŋ vuodieke dɩ bala ʋ dii wo ʋ sarɩyaka yiwo hagɩrɩtieŋ.”