Yuoridagɩŋ 14:11 - Ŋmiŋ Nʋahaaliŋ Gbaniŋ Kɔmiŋ

¹¹ Bolibu dɩ jʋnana ba wa nyusi nan dɩ jʋalɩ gara ŋmɩŋsikpeŋ yaa gamma haahuu. Vuodiekemba dɩ jɩanna haagɩŋ dɔmbɩakʋ aŋaŋ buubu dieke dɩ yine ka nɩasɩŋ ta yaa magɩlɩ dieke dɩ yine ʋ saarɩ nan dɩ die wahala yuŋ aŋaŋ ŋmɩntʋasɩ.”

Yuoridagɩŋ 14:11 ပူးပေါင်းရင်းမြစ်များ

Matiwo 11:28

“Nɩ keŋ n jigiŋ nɩnɩŋ vuodiekemba dɩ chiine chiidʋnsa aŋ n yɩ nɩ voosiŋ.

Matiwo 25:41

“Ka kʋaŋ chaaŋ n nan yiŋŋi a balɩ a yɩ vuodiekemba dɩ benne n nuugalɩ ka chaakʋ, ‘Nɩnɩŋ vuobɩatɩ gie, nɩ vɩɩna aŋaŋ tɩbɩdatɩŋ, nɩ chʋnna ga ta va mɩŋ. Nɩ gamma a ga juu boli dieke dɩ kana a ka kpise ta Ŋmɩŋ dɩ wʋnsɩna a gbarɩ Sitaani aŋaŋ ʋ vuosi wo.

Matiwo 25:46

Vuosi gie nan ga juu tɩbɩdatɩ dieke dɩ wone kpatɩŋ ma, ama ŋmɩŋchɩgɩrɩba nan ga juu miivoli dieke dɩ wone kpatɩŋ sʋŋ.”

Hiiburu Vuosi 1:8

Ama ta balɩ yɩ ʋ Bʋadembike dɩ: “Yiwo Ŋmɩŋ, ta fʋ naarɩ nan dɩ beri yaa gamma haahuu. Ta daansa fʋ vuosi aŋaŋ wusie.

Yuoridagɩŋ 11:15

Womi malaka dieke dɩ gʋtɩna bʋyʋpɔyɩ wa die dɩ wɩa ʋ kantaŋ, ta lɔlɩkpeŋkpɩɩma dɩ bala arɩzanna ma dɩ, “Tɩŋgbaŋka gie naarɩ mana bɩrɩŋ wa tɩ Yɔmʋtieŋ Nabidie Ŋmɩŋ aŋaŋ ʋ Vuovʋarɩkɩŋ Masia wa sɩɩtɩ, ta ʋ nan pɔgɩlɩ ba yaa gamma haahuu.”

Yuoridagɩŋ 13:12

Ta die zie haagɩŋ bʋmbʋŋaŋ dɔmbɩakʋ nɩŋŋa, ta die nagɩ haagɩŋ bʋmbʋŋaŋ dɔmbɩakʋ yiko dieke dɩ dala wa, ta mugisi tɩŋgbaŋka gie vuosi mana dɩ ba jɩama haagɩŋ bʋmbʋŋaŋ dɔmbɩakʋ dieke die dɩ yene daŋŋa ta kʋjagɩrɩ dɩ kpi wo.

Yuoridagɩŋ 13:15

Ta Ŋmɩŋ die dɩ yɩ haagɩŋ dɔmbɩakʋ dieke dɩ gʋtɩna bule wo hagɩrɩŋ ʋ bɩagɩ voosi miivoli a yɩ buu dieke dɩ sɩna sɩba bʋmbʋŋaŋ haagɩrɩ dɔmbɩakʋ, ta buubu dɩ bɩagɩ bala wɩa, ta kʋʋ vuodiekemba mana dɩ kana ka saagɩ jɩama ka wa.

Yuoridagɩŋ 13:17

Vuodieke nɩŋ mana die dɩ wone magɩlɩkʋ gie, ʋ kaaŋ bɩagɩ daa jaaŋ yaa a yaalɩ jaaŋ; magɩlɩkʋ die yiwo haagɩŋ dɔmbɩatɩ saaŋ yaa bɩɩsɩŋ dieke dɩ zene ʋ saarɩ naŋ ma.

Yuoridagɩŋ 14:9

Ta malaka dieke dɩ gʋtɩna bʋtaa wa ma die dɩ balɩ aŋaŋ lɔlɩkpeŋkpɩɩŋ dɩ, “Vuodiekemba dɩ jɩanna haagɩŋ dɔmbɩakʋ aŋaŋ buubu dieke dɩ yine ka nɩasɩŋ wa ta tuo magɩlɩkʋ ba die me yaa ba nuuŋ me wo,

Yuoridagɩŋ 18:18

ta faasɩ nata ʋ wɩa die ba yene bolibu dɩ dinene tɩka ta nyusi dɩ haga wa. Ta balɩ dɩ, “Tɩgɩkpɩɩŋ ye wori a yaa hagɩrɩŋ sɩba tɩka gie.”

Yuoridagɩŋ 18:9

Tɩŋgbaŋka gie naaŋ diekemba dɩ dʋagɩna aŋaŋ wa ta die ʋ nansɩbʋ aŋaŋ wa wa dɩ keŋ ye ʋ bolibu diile nyusi dɩ nyɩna wa, ba nan faasɩ kʋma ʋ wɩa.

Yuoridagɩŋ 19:3

Ta kpɩkpaakʋ dɩ bɩ nata a bala dɩ, “Haleluya, dama boli dieke dɩ dinene tɩka nyusi nan jʋalɩ gara ŋmɩŋsikpeŋ yaa gamma haahuu.”

Yuoridagɩŋ 20:10

Womi die ba nagɩ Sitaani vuodieke dɩ gaana vuosi gie wo a taaŋ yi boli dieke dɩ dinene aŋaŋ maafa jiribike me, jigidieke haagɩŋ dɔmbɩakʋ aŋaŋ ŋmɩnchɩbɩsɩ naazʋalɩba dɩ wone beri wo. Mi ba nan dɩ die wahala yuŋ aŋaŋ ŋmɩntʋasɩ yaa gamma haahuu.

Yuoridagɩŋ 22:5

Yuŋ kaaŋ bɩ beri bɩbra ta ba kaaŋ bɩ yaala popolisi yaa ŋmɩŋ chaanɩŋ, dama tɩ Yɔmʋtieŋ Nabidie Ŋmɩŋ nan yi ba chaanɩŋ. Ta ba nan yi naalɩŋ ta bemme yaa gamma haahuu.

Yuoridagɩŋ 7:12

“Wusie, pɩmpagɩŋ, aŋaŋ bɩrɩŋ aŋaŋ yɩaŋ aŋaŋ aŋwaasɩ aŋaŋ jɩlɩma aŋaŋ hagɩrɩŋ aŋaŋ yiko yiwo tɩ Nabidie Ŋmɩŋ sɩɩtɩ yaa gamma haahuu. Wusie.”