Matiwo 8:31 - Ŋmiŋ Nʋahaaliŋ Gbaniŋ Kɔmiŋ

³¹ Jɩmbɩatɩtɩ die dɩ jʋʋsɩ Yisa a baarɩ, “Fʋ keŋ yagɩ tɩ, fʋ vaa tɩ ga juu perukusisi me.”

Matiwo 8:31 ပူးပေါင်းရင်းမြစ်များ

Matiwo 4:24

Die ba mʋʋlɩ ʋ saaŋ Siria tɩŋgbaŋ mana mana ma ma. Naa chɩaŋ ma vuosi die dɩ chii vuodiekemba die dɩ yalla yʋagɩtɩ mana mana a keŋ ʋ jigiŋ; jɩmbɩatɩ die dɩ yalla bataŋ, bataŋ die dɩ yallɩ kpeŋkpeŋsi aŋaŋ vuodiekemba nyɩŋgbanɩŋ die dɩ kpine ta die ʋ gbaaŋ ba mana.

Matiwo 7:6

“Da nagɩ jadieke dɩ yine Ŋmɩŋ tʋaŋ a yɩ gbaasɩ, dama a baa a yiŋŋi a dʋŋ fʋ mɩŋ; da keŋ a nagɩ jadieke dɩ yalla nyʋarɩ a yɩ perukusi, dama a nan tɩbɩtɩbɩha aŋaŋ tantɩ.

Matiwo 8:30

Die perukusi a taŋ die ziene a gbigi mi a die.

Matiwo 8:32

Yisa die dɩ balɩ a yɩ ha, “Nɩ gamma.” Die wɩa die a nyɩŋ dembisi bale wo me, a ga a juu perukusisi sʋŋ; Die perukusisi mana dɩ chɩgɩ birrr sʋʋŋ tanɩ chɩaŋ a ga nan mʋgɩkpɩɩrɩ ma ta nyaabʋ dɩ dii he.

Maki 5:12

Jɩmbɩakʋ die dɩ jʋʋsɩ Yisa dɩ, “Vaa tɩ gamma perukusisi jigiŋ a ga juu ba sʋgɩtɩ.”

Maki 5:7

ta faasɩ a taaŋ keesiŋ a baarɩ dɩ, “Nabidie Ŋmɩŋ Bʋadembiŋ Yisa, bɩa fʋ yaala n jigiŋ, Ŋmɩŋ wɩa daa keŋ datɩ n tɩbɩŋ.”

Yuoridagɩŋ 12:12

Die wɩa, nɩnɩŋ vuodiekemba mana dɩ benne arɩzanna ma yallɩma sʋgɩfɩalɩŋ. Ama tɩŋgbaŋka gie vuosi aŋaŋ vuodiekemba dɩ benne mʋgɩkpɩɩrɩ ma wa wʋbɩaŋ bie nɩ ma, dama Sitaani keŋ sʋʋŋ wa nɩ jigiŋ, ta suuli aŋaŋ sɩnyɩɩrɩkpeŋkpɩɩŋ, dama ʋ sɩba dɩ ʋ saŋŋa ka bɩ dala.”