Matiwo 2:6 - Ŋmiŋ Nʋahaaliŋ Gbaniŋ Kɔmiŋ

⁶ ‘Fʋnɩŋ Betilehemi dɩ benne Judia tɩŋgbaŋ ma, ka yi tɩgɩbiŋ dama fʋ sʋŋ naaŋ wʋnyɩ dɩ baa ʋ nyɩŋ a keŋ a dɩ n vuosisi dɩ benne Izara tɩŋgbaŋka ma nɩŋŋa.’ ”

Matiwo 2:6 ပူးပေါင်းရင်းမြစ်များ

Matiwo 2:1

Die ba mɩɩrɩna Yisa tɩŋ kaanɩ ba wasɩnana Betilehemi, Judia tɩŋgbaŋ ma ma, saŋka mi Herodi die yine naaŋ. Die ba mɩɩrɩna Yisa kʋaŋ chaaŋ die dɩ ka yʋasɩya, dembisi bataŋ die dɩ nyɩŋ ŋmɩŋ pɔsɩŋ chaaŋ a keŋ Jerusalemi,

Matiwo 28:18

Die ʋ keŋ gbigi be a baarɩ dɩ, “Ŋmɩŋ yɩ mɩŋ wa ŋmɩŋsikpeŋ aŋaŋ tɩŋgbaŋka gie yiko mana mana mɩŋ.

Jɔɔn 21:16

Yisa die dɩ bɩ pɩasɩ wa bule me dɩ, “Simoni, fʋnɩŋ Jɔɔn bʋa, cho mɩŋ mɩŋ?” Ʋ yiŋŋi baarɩ dɩ, “Wa, n Yɔmʋtieŋ sɩba dɩ n cho fʋ mɩŋ.” Yisa dɩ balɩ a yɩ wa dɩ, “Daansɩma n yiise.”

Jɔɔn 7:42

Ŋmɩŋ gbaŋkʋ dagɩya dɩ Masia baa ʋ yiwo naaŋ Davidi haagɩŋ ta ba nan mɩɩrɩ wa Betilehemi ma tɩgɩ dieke die Davidi dɩ benne.”

Efesusi Vuosi 1:22

Ta Ŋmɩŋ dɩ nagɩ jaaŋ mana a yi ʋ nuusi me ta vʋarɩ wa dɩ ʋ yi Ŋmɩŋ vuovʋarɩka mana Sikpeŋtieŋ.

Kolosia Vuosi 1:18

Wʋnɩŋ ʋ yine ʋ vuosi mana sikpeŋ ta ʋ vuosi dɩaŋ dɩ yi ʋ nyɩŋgbanɩŋ. Ʋ vuosisi miivoli nyɩnna ʋ jigiŋ. Wʋnɩŋ ʋ yine Ŋmɩŋ Bʋa dembiŋ dieke dɩ kpine ta woliŋ hagɩ kuŋ me, dɩ ʋ nyɩɩna ma ʋ yi jaaŋ mana mana sikpeŋ tieŋ,

Hiiburu Vuosi 7:14

Vuoŋ mana wɔŋ sɩba a baarɩ wʋnɩŋ Yisa die nyɩŋ wa Juda buuriŋ ma, ta Mosisi die dɩ ka balɩ dɩ kɩkaabɩtɩba nan nyɩŋ ba buuriŋ ma.

Yuoridagɩŋ 11:15

Womi malaka dieke dɩ gʋtɩna bʋyʋpɔyɩ wa die dɩ wɩa ʋ kantaŋ, ta lɔlɩkpeŋkpɩɩma dɩ bala arɩzanna ma dɩ, “Tɩŋgbaŋka gie naarɩ mana bɩrɩŋ wa tɩ Yɔmʋtieŋ Nabidie Ŋmɩŋ aŋaŋ ʋ Vuovʋarɩkɩŋ Masia wa sɩɩtɩ, ta ʋ nan pɔgɩlɩ ba yaa gamma haahuu.”

Yuoridagɩŋ 7:17

ta Yiipɔlɩ dieke dɩ benne naagbaŋkʋ nɩŋŋa wa nan gbarɩ ba, ta yaa ba ga bulu dieke dɩ yɩnana miivoli wo jigiŋ, ta Ŋmɩŋ nan chɩɩtɩ ba nɩntaantɩ mana.”