Matiwo 11:3 - Ŋmiŋ Nʋahaaliŋ Gbaniŋ Kɔmiŋ

³ dɩ ba ga pɩasɩ wa, “Fʋnɩŋ fʋ yine vuodieke dɩ balla ʋ keŋ wo yaa tɩ chɩsɩma vuogaaŋ bɩbra?”

Matiwo 11:3 ပူးပေါင်းရင်းမြစ်များ

Matiwo 11:10

Jɔɔn wɩa die ba maagɩ Ŋmɩŋ gbaŋkʋ ma a baarɩ, ‘N tʋntʋntʋ wʋnna n baa n tʋŋ wa mɩŋ aŋ ʋ woliŋ dɩa fʋ nɩŋŋa a ga yuori sieku a yɩ fʋ.’ ”

Matiwo 11:4

Yisa die dɩ yiŋŋi a balɩ ba, “Nɩ yiŋŋi a ga balɩ Jɔɔn wudieke nɩ wʋnnana ta yese wudiekemba;

Matiwo 21:5

“Nɩ balɩ Zayɔni tɩka vuosi dɩ, ‘Ye, nɩ naaŋ wa kieŋ nɩ jigiŋ. Ʋ yiwo vuodieke dɩ sʋʋna ʋ gbaŋ tɩŋgbaŋ, ta jʋala boŋ dieke dɩ yi bonpɔlɩ.’ ”

Matiwo 21:9

Ta kpɩkpaaŋ dieke dɩ benne ʋ nɩŋŋa aŋaŋ vuodiekemba dɩ benne ʋ kʋaŋ dɩ nata a baarɩ, “Hozaana! Nɩ bɩrɩma Davidi haagɩrɩ gie. Ŋmɩŋ yi alibarika a yɩ vuodieke dɩ kennene ʋ saaŋ ma. Nɩ faasɩ natɩma hozaana ŋmɩŋsikpeŋ.”

Maki 11:9

Vuodiekemba die dɩ benne ʋ nɩŋŋa aŋaŋ ʋ kʋaŋ, die dɩ wa a piili keesiŋ, “Tɩ Yɔmʋtieŋ, hozaana gbatɩ tɩ a taaŋ lele. Ŋmɩŋ yi alibarika a yɩ vuodieke dɩ kienene wʋnɩŋ Ŋmɩŋ saaŋ ma.

Luki 19:38

“Ŋmɩŋ yi alibarika yi naaŋ dieke dɩ kienene Nabidie Ŋmɩŋ saaŋ ma. Sʋgɩdʋagɩŋ bemme arɩzanna ma, ta nɩ kɔtɩ Ŋmɩŋ saaŋ sikpeŋ.”

Jɔɔn 11:27

Die ʋ yiŋŋi baarɩ dɩ, “Wa, n Yɔmʋtieŋ, n yi yada dɩ fʋnɩŋ fʋ yine Ŋmɩŋ Vuovʋarɩkɩrɩ Masia wa ta bɩ yi Ŋmɩŋ Bʋa, vuodieke dɩ bala ʋ keŋ tɩŋgbaŋka gie wo.”

Jɔɔn 12:13

Die wɩa die ba chɩa vaatɩ a nyɩŋ ga dɩ ba tuoli wo sieŋ a faasɩ nata dɩ, “Hozaana, Ŋmɩŋ yi alibarika a yɩ vuodieke dɩ kienene wʋnɩŋ Ŋmɩŋ saaŋ ma! Ŋmɩŋ bɩ yi alibarika a yi Izara naaŋ wa ma.”

Jɔɔn 16:14

Ʋ nan vaa n ye bɩrɩŋ, dama ʋ nan nagɩ wa n wɩa a balɩ a yɩ nɩ.

Jɔɔn 4:21

Yisa dɩ balɩ yɩ wa dɩ, “N taa, yi n wɩɩrɩ gie yada, saŋŋa kieŋ ta vuota dɩ kaaŋ jɩaŋ tɩ Chɔɔŋ Ŋmɩŋ kunkogiri gie sikpeŋ yaa Jerusalemi ma.

Jɔɔn 6:14

Die vuodiekemba dɩ benne mi ta ye Yisa dɩ yine mamachi wʋkpɩɩka gie wo die dɩ baarɩ dɩ, “Wusie, daa wa seŋ yiwo Ŋmɩŋ naazʋa dieke Mosisi dɩ bala dɩ ʋ nan keŋ dʋnɩa ka gie me wo.”

Jɔɔn 7:31

Ama kpɩkpaakʋ sʋŋ vuosi pam die dɩ yiwo yada, ta baarɩ dɩ, “Ŋmɩŋ vuovʋarɩkɩrɩ Masia wa dɩ keŋ keŋ, ʋ nan tʋŋ mamachi wʋkpɩɩma a tɩaŋ daa wa gie dɩ tʋnna naa?”

Hiiburu Vuosi 10:37

Dɩ maagɩya Ŋmɩŋ gbaŋkʋ sʋŋ dɩ: “Dɩ tɩalɩ wa bɩta pilii ta vuodieke dɩ balla ʋ keŋ wo nan keŋ ʋ kaaŋ yʋasɩ.