Maki 1:2 - Ŋmiŋ Nʋahaaliŋ Gbaniŋ Kɔmiŋ

² Sɩba Ŋmɩŋ naazʋa Azaya die dɩ maagɩna die wo: “Ŋmɩŋ baarɩ dɩ, ‘Nɩ ye, n baaŋ n tʋŋ wa n tʋntʋntʋ aŋ ʋ woliŋ a dɩa fʋ nɩŋŋa a wʋnsɩ fʋ sieti a yɩ fʋ.’

Maki 1:2 ပူးပေါင်းရင်းမြစ်များ

Matiwo 11:10

Jɔɔn wɩa die ba maagɩ Ŋmɩŋ gbaŋkʋ ma a baarɩ, ‘N tʋntʋntʋ wʋnna n baa n tʋŋ wa mɩŋ aŋ ʋ woliŋ dɩa fʋ nɩŋŋa a ga yuori sieku a yɩ fʋ.’ ”

Matiwo 2:5

Die ba baarɩ, “Betilehemi tɩŋ, Judia tɩŋgbaŋ ma ma. Naa, Ŋmɩŋ naazʋalɩba die dɩ maagɩ.

Matiwo 26:24

Manɩŋ vuota Bʋa nan kpi sɩba Ŋmɩŋ gbaŋkʋ die dɩ dagɩna die wo, ama wʋbɩaŋ bie vuodieke dɩ bala ʋ posi n chɩaŋ wa ma! Ba tɩŋ ka mɩɩrɩ dɩ tieŋ gbaŋ dɩ tɩŋ nan dɩ kpɩa.”

Matiwo 26:31

Saŋka mi die Yisa dɩ balɩ a yɩ ba dɩ, “Yuku gie nɩ mana nan chɩgɩ ta va mɩŋ, dama dɩ maagɩya Ŋmɩŋ gbaŋkʋ ma dɩ ‘Ŋmɩŋ nan kʋʋ yiyagɩrʋ wa ta yiisehe ʋ yagɩnana wa jaasɩ jigiŋ mana.’

Luki 1:70

Kʋrɩŋ ma wa Nabidie Ŋmɩŋ die vaa wa ʋ naazʋalɩŋ kasɩmba dɩ balɩ naa dɩ,

Luki 1:76

Ta Fʋnɩŋ n bʋa, ba nan wa fʋ Nabidie Ŋmɩŋ naazʋa. Nan woliŋ tɩ Yɔmʋtieŋ nɩŋŋa a wʋnsɩ ʋ sieŋ a yɩ wa,

Luki 18:31

Womi Yisa die dɩ yaa ʋ kʋaŋandɩɩsɩrɩba baŋ aŋaŋ bale wo a nyɩŋ lʋgɩŋ a balɩ ba dɩ, “Nɩ wʋmma, tɩ gara Jerusalemi, jigidieke ba bala ba yi manɩŋ vuota Bʋa wudiekemba mana die Ŋmɩŋ naazʋalɩba dɩ maagɩna yaa gamma n wɩa wa,