Luki 11:2 - Ŋmiŋ Nʋahaaliŋ Gbaniŋ Kɔmiŋ

² Yisa die dɩ balɩ a yɩ ba dɩ, “Naa mʋna dɩ nɩ jʋʋsɩma Ŋmɩŋ; Tɩ Chʋa Ŋmɩŋ: Vaa aŋ ba yɩ fʋ saaŋ kasɩka jɩlɩma; Vaa aŋ fʋ naarɩ keŋ.

Luki 11:2 ပူးပေါင်းရင်းမြစ်များ

Matiwo 10:32

“Vuodieke mana dɩ a keŋ a vʋarɩ ʋ gbaŋ vuosi me dɩ ʋ yiwo n vuoŋ, die gbaŋ gbaŋ maŋ nan vʋarɩ wa yaalɩŋ ma n Chɔɔŋ Ŋmɩŋ dieke dɩ benne arɩzanna ma jigiŋ.

Matiwo 3:2

dɩ “Nɩ chɩgɩ a nyɩŋ nɩ tʋntʋmbɩatɩ ma dama Ŋmɩŋ naarɩ diile saŋŋa gbigiye mɩŋ.”

Matiwo 5:16

Nɩnɩŋ nɩ bie gie; nɩ chaaŋ a yɩ vuoŋ mana, ta ba ye nɩ tʋnvɩɩna ta bɩrɩma nɩ Chɔɔŋ Ŋmɩŋ dieke dɩ benne arɩzanna ma.

Luki 11:1

Daaŋ kaanɩ Yisa die dɩ ga jigiŋ kaanɩ a jʋʋsa Ŋmɩŋ, die ʋ kpatɩna wa ʋ kʋaŋandɩɩsɩrɩba wʋnyɩ die dɩ balɩ wa dɩ, “Tɩ Yɔmʋtieŋ dagɩ tɩ tɩ bala tɩ jʋʋsɩma Ŋmɩŋ dene sɩba Jɔɔn die dɩ dagɩna ʋ kʋaŋandɩɩsɩrɩba die wo.”

Romi vuosi 1:7

Die wɩa n maaga gbaŋkʋ gie a yɩa nɩ vuodiekemba mana dɩ benne Romi tɩŋ ma, ta Ŋmɩŋ dɩ cho nɩ ta wa nɩ dɩ nɩ yi ʋ gbaŋ gbaŋ ʋ vuosi wa. Tɩ Chɔɔŋ Ŋmɩŋ aŋaŋ tɩ Yɔmʋtieŋ Yisa Masia suŋŋi nɩ ta yɩ nɩ sʋgɩdʋagɩŋ.

Romi vuosi 8:15

Dama Halɩkasɩ dieke Ŋmɩŋ dɩ yɩna nɩ wa, ka yi nɩ bɩrɩŋ wa yɔŋɩsɩ aŋaŋ vuodiekemba dɩ chɩgɩnana ŋmaamɩŋ, ama ʋ yi nɩ bɩrɩŋ wa Ŋmɩŋ ballɩ, ta yɩ nɩ hagɩrɩŋ nɩ wasa Ŋmɩŋ dɩ, “Tɩ Chɔɔŋ.”

1 Korinti Vuosi 1:3

Tɩ Chɔɔŋ Nabidie Ŋmɩŋ aŋaŋ tɩ Yɔmʋtieŋ Yisa Masia suŋŋi nɩ ta bɩ yɩ nɩ sʋgɩdʋagɩŋ.

2 Korinti Vuosi 1:2

Tɩ Chɔɔŋ Ŋmɩŋ aŋaŋ tɩ Yɔmʋtieŋ Yisa Masia suŋŋi nɩ ta bɩ yɩ nɩ sʋgɩdʋagɩŋ.

Galasia Vuosi 1:4

Yisa Masia yine vuodieke die dɩ saagɩna tɩ Chɔɔŋ Ŋmɩŋ nʋaŋ ta kpi tɩ tʋntʋmbɩatɩ wɩa, dɩ ʋ gbatɩ tɩ a nyɩŋ tɩŋgbaŋka gie bɩaŋ yɔŋɩsɩ ma.

Efesusi Vuosi 1:2

Tɩ Chɔɔŋ Nabidie Ŋmɩŋ aŋaŋ tɩ Yɔmʋtieŋ Yisa Masia suŋŋi nɩ ta yɩ nɩ sʋgɩfɩalɩŋ.

Filipi Vuosi 1:2

Tɩ Chɔɔŋ Ŋmɩŋ aŋaŋ tɩ Yɔmʋtieŋ Yisa Masia suŋŋi nɩ, ta bɩ yɩ nɩ sʋgɩdʋagɩŋ.

Filipi Vuosi 4:20

Vuosi bɩrɩma tɩ Chɔɔŋ Ŋmɩŋ saaŋ yaa gamma haahuu. Wusie.

Kolosia Vuosi 1:2

a yɩa Ŋmɩŋ vuosi diekemba dɩ benne Kolosia tɩŋ ma, ta yi tɩ nɩmballɩ diekemba dɩ yine Yisa Masia yada wa. Tɩ Chɔɔŋ Nabidie Ŋmɩŋ suŋŋi nɩ, ta yɩ nɩ sʋgɩdʋagɩŋ.

1 Tesalonika Vuosi 1:1

Manɩŋ Pɔɔli aŋaŋ Silasi aŋaŋ Timoti maagɩnana gbaŋkʋ gie a yɩa Yisa Masia dɩdɩɩsɩrɩ diekemba dɩ benne Tesalonika tɩŋ ma ta yi tɩ Chɔɔŋ Ŋmɩŋ aŋaŋ tɩ Yɔmʋtieŋ Yisa Masia vuovʋarɩkaha; wʋnɩŋ Ŋmɩŋ suŋŋi nɩ, ta bɩ yɩ nɩ sʋgɩdʋagɩŋ.

1 Tesalonika Vuosi 1:3

Ŋmɩŋ, vuodieke dɩ yine tɩ Chɔɔŋ wa nɩŋŋa, tɩ tɩɩnsa nɩ yine wo yada ta tʋma tʋnvɩɩna, aŋaŋ nɩ choti die dɩ vana nɩ tʋma aŋaŋ nɩŋŋmɩna dene wo, ta nɩ tama dɩ bie tɩ Yɔmʋtieŋ Yisa Masia ma keŋ keŋ dene.

2 Tesalonika Vuosi 2:16

Tɩ Yɔmʋtieŋ Yisa Masia gbaŋ gbaŋ aŋaŋ tɩ Chɔɔŋ Ŋmɩŋ vuodieke dɩ chone tɩ ta suŋŋi tɩ a yɩ tɩ sʋgɩdʋagɩ dieke dɩ wone kpatɩkʋ aŋaŋ tama dieke dɩ vɩɩŋna ʋ zɔɔlɩnchɩgɩla wɩa wa,

Yuoridagɩŋ 11:15

Womi malaka dieke dɩ gʋtɩna bʋyʋpɔyɩ wa die dɩ wɩa ʋ kantaŋ, ta lɔlɩkpeŋkpɩɩma dɩ bala arɩzanna ma dɩ, “Tɩŋgbaŋka gie naarɩ mana bɩrɩŋ wa tɩ Yɔmʋtieŋ Nabidie Ŋmɩŋ aŋaŋ ʋ Vuovʋarɩkɩŋ Masia wa sɩɩtɩ, ta ʋ nan pɔgɩlɩ ba yaa gamma haahuu.”

Yuoridagɩŋ 15:4

Tɩ Yɔmʋtieŋ, mɩnɩa benne ta kaaŋ dɩ chɩga fʋ? Yaa ta kaaŋ bɩ kɔtɩ fʋ saaŋ? Dama fʋ nyɩɩna ma fʋ yine kasɩ. Buuriŋ mana nan keŋ a jɩaŋ fʋ dama vuoŋ mana ye fʋ tʋnvɩɩnaha mɩŋ.”

Yuoridagɩŋ 19:6

Ta maŋ bɩ wʋŋ dɔmɩŋ sɩba kpɩkpaaŋ dɩ lagɩsɩna a nata, ta die dɔŋkʋ dɩ sɩɩ sɩba nyaakpɩɩŋ dɩ palala ta bɩ dɔma sɩba nɩɩnatɩkpeŋkpɩɩŋ a bala dɩ, “Haleluya, dama tɩ Yɔmʋtieŋ Hagɩrɩtieŋ Nabidie Ŋmɩŋ yiwo Naaŋ.

Yuoridagɩŋ 20:4

Ta die bɩ ye naagbaŋtɩ arɩzanna ma, ta Ŋmɩŋ dɩ yɩ vuodiekemba dɩ kalla a ma wa yiko dɩ ba dii sarɩya. Ta bɩ ye vuodiekemba die dɩ mʋʋlɩnana wusie dieke Yisa Masia die dɩ yuorine a dagɩ wa aŋaŋ Ŋmɩŋ wɩaha ta ba gobi ba sikpigilehe wo haalɩtɩ. Banɩŋ die ba ka jɩaŋ haagɩŋ dɔmbɩakʋ yaa ka buubu dieke dɩ nɩasɩna ka, yaa ta tuo ka magɩlɩkʋ ba die me yaa ba nuusi me. Ta Ŋmɩŋ dɩ vaa ba yiŋŋi keŋ ba mɩsɩ ma ta yɩ ba sieŋ dɩ ba lagɩŋ dii naaŋ aŋaŋ Masia bɩna tusiŋ.