Jɔɔn 12:40 - Ŋmiŋ Nʋahaaliŋ Gbaniŋ Kɔmiŋ

⁴⁰ “Ŋmɩŋ vaa ba yɩɩŋ mɩŋ, ta ligi ba sʋŋanyile, amʋ ba nine kaaŋ dɩ yese, ta ba kaaŋ dɩ sɩba wɩaha chɩasɩ, ta yiŋŋi keŋ manɩŋ Ŋmɩŋ n jigiŋ aŋ n gbaaŋ ba.”

Jɔɔn 12:40 ပူးပေါင်းရင်းမြစ်များ

Matiwo 15:14

Die wɩa vaa ba aŋ ba ga dama ba sɩɩ sɩba yɩɩsɩ ta data taŋ. Yɩɩ dɩ a keŋ data ʋ chanchaaŋ sie ba mana nan guoliŋ me.”

Maki 4:12

Amʋ ‘Ba nan dɩ daansa a daansa ama ba kaaŋ ye jaaŋ; ba nan wʋŋ a bɩ wʋŋ a gʋtɩ ama ba kaaŋ dɩ sɩba ka chɩaŋ. Dama ba keŋ a sɩba a chɩasɩ ba nan yiŋŋi a keŋ Ŋmɩŋ jigiŋ, aŋ Ŋmɩŋ tɩŋ nagɩ ba tʋmbɩatɩ a chaa ba.’ ”

Maki 6:52

dama die ba ka sɩba die ʋ nagɩ paanʋsɩsɩ a yɩ vuosisi ba dii wo chɩaŋ. Ba sʋgɩtɩ ye ko bie wo lɩmɩŋ ma mɩŋ.

Luki 4:18

“Nabidie Ŋmɩŋ Haalɩŋ bie n ma, dama ʋ vʋarɩ mɩŋ mɩŋ dɩ n mʋʋlɩ wʋvɩɩnaha a yɩ zɔɔlɩntieliŋ. Ʋ tʋŋ mɩŋ mɩŋ dɩ ga balɩ yɔŋɩsɩ dɩ n nan vʋarɩ ba a nyɩŋ yɔrɩ, ta bɩ balɩ yɩɩsɩ dɩ ba nan ye, ta bɩ vʋarɩ vuodiekemba dɩ benne mugisiŋ me a taaŋ yɔrɩ,

Luki 8:10

Ʋ yiŋŋi a balɩ ba dɩ, “Nɩnɩŋ nɩŋ Ŋmɩŋ vaa nɩ sɩba ʋ naarɩ wʋlɔbɩrɩkɩrɩ mɩŋ, ama banɩŋ ba nɩŋ ʋ taana ba nandaga, dɩ ba daansɩ ama ba da keŋ ye, ta wʋŋ ama ta kaaŋ dɩ sɩba a chɩasɩ.”

Jɔɔn 12:39

Die vuosisi mi die ka bɩagɩ yi Yisa yada dama Ŋmɩŋ naazʋa Azaya gbaŋ die bɩ baarɩ dɩ:

Jɔɔn 9:39

Yisa die dɩ baarɩ dɩ, “Manɩŋ n keŋ wo tɩŋgbaŋka gie me dɩ n dii vuota sarɩya, amʋ vuodiekemba dɩ yɩɩŋna wa nan dɩ yese ta vuodiekemba dɩaŋ dɩ yesinene wo nan yɩɩŋ.”

Tʋʋma 15:3

Die vuodiekemba Yisa dɩdɩɩsɩrɩba dɩ tʋnna wa die dɩ daagɩ Fonisia aŋaŋ Samaria a bala yɩa Yisa dɩdɩɩsɩrɩba dɩ benne mi dɩ vuodiekemba dɩ kana ka yi Juu vuosi bataŋ tarɩgɩ wa ba beriŋ a bɩrɩŋ Yisa dɩdɩɩsɩrɩŋ. Wɩɩrɩ gie die dɩ yi Yisa dɩdɩɩsɩrɩba sʋgɩfɩalɩŋ pam.

Tʋʋma 28:26

Die ʋ baarɩ dɩ, ‘Ga a balɩ naa yɩ vuosi gie dɩ: Nɩ nan keŋ wʋŋ a bɩ wʋŋ ama dɩ kaaŋ dɩ sɩba a chɩaŋ; ta nɩ nan keŋ daansɩ a bɩ daansɩ ama nɩ kaaŋ ye,

Tʋʋma 3:19

“Die wɩa nɩ vaa nɩ tʋntʋmbɩatɩ ta yiŋŋi a keŋ Ŋmɩŋ jigiŋ amʋ ʋ nagɩ nɩ tʋmbɩatɩ a chaa nɩ,

Romi vuosi 9:18

Die wɩa, ʋ chɩga vuodiekemba ʋ yaalala dɩ ʋ chɩgɩ zɔɔlɩŋ, ta yie bataŋ tɩba dɩ ka wʋmma wɩa sɩba ʋ yaala dene.