ރާޢޫތު 3:13 - ކިތާބުލް މުޤައްދަސާ

¹³ މިތަނުގައި މިރޭ ހޭދަކޮށްލާ. ދެން ހެނދުނުން، އޭނާ ކަލެއާ އިންނަން އެއްބަސްވެއްޖެނަމަ އެވީ ރަނގަޅަށް. އޭނާއާ އިނދޭ. އެކަމަކު އޭނާ އިންނަން ނޫޅެފިނަމަ އަހަރެން ދިރިދެމިވޮޑިގެންވާ މާތްރަސްކަލާނގެ ގަންދީ ބުނަން ކަލެއާ އިންނާނަން. ފަތިސްވަންދެން މިތާ އޮވޭ.⁠“

ރާޢޫތު 3:13 ပူးပေါင်းရင်းမြစ်များ

ޢިބްރާނީންނަށް ސިޓީ 6:16

އަރާރުމެއްވެ ކަމެއް ހައްލު ކުރުމަށް ދެފަރާތެއްގެ ދެމެދުގައި ހުވައެއް ކުރެވޭ ހިނދު މީހުން ހުވާކޮށް އުޅެނީ އެމީހަކަށް ވުރެން މަތީ ފަރާތެއްގެ ނަންމަތީގައެވެ. އެކުރާ ހުވައިން އެމައްސަލަ ހައްލުވެދެއެވެ.

ރާޢޫތު 2:20

”⁠މާތްރަސްކަލާނގެ ބޫޢަޒަށް ރަޙުމަތް ލައްވާށި!⁠“ ނުޢުމީ ބުންޏެވެ. ”⁠އެކަލާނގެއީ ދިރިތިބި މީހުންނަށާއި މަރުވެފައިވާ މީހުންނަށް އޯގާވަންތަ ކަލާނގެ. ބޫޢަޒު އަކީ އަހަރެންގެ ގާތް ތިމާގެ މީހެއް. އަދި އޭނާ އަކީ އަހަރެމެންނަށް ބަލަދުއަރާ މީހުންގެ ތެރެއިން ވެސް ހިމެނޭ އެކަކު.⁠“

ރާޢޫތު 3:12

އަދި އަހަރެންނަކީ ކަލޭގެ ކަންތައް ބަލަހައްޓާން ޖެހޭ މީހާ ކަމުގައި ތިޔަބުނި ބުނުމަކީ ތެދު ވާހަކައެއް. ނަމަވެސް އަހަރެންނަށް ވުރެ ގާތް ތިމާގެ މީހަކު ކަލޭގެ މަރުހޫމް ފިރިމީހާގެ ވޭ.

ރާޢޫތު 4:5

ބޫޢަޒު އޭނާއަށް ބުންޏެވެ. ”⁠ކަލޭ އެބިން ނުޢުމީގެ އަތުން ގަންނަނީ ނަމަ ކަލޭ ނުޢުމީގެ ދަނބިދަރިފުޅު ރާޢޫތު އާއި ކައިވެނި ކޮށް އަދި އެކައިވެންޏަށް ފިރިހެން ދަރިއަކު ލިބިއްޖެނަމަ މިބިމުގެ ރަޖިސްޓަރީ އޮންނަން ވާނީ ރާޢޫތުގެ މަރްހޫމް ފިރިމީހާގެ ނަމުގައި.⁠“

ރާޢޫތު 4:6

އެމީހާ މީގެ ޖަވާބުގައި ބުންޏެވެ. ”⁠ކަންތައް އޮތީ ތިޔަހެން ކަމަށް ވާނަމަ އަހަރެން ތިޔަބިން ގަތުމަކަށް ނޭދެން. ސަބަބަކީ އަހަރެންގެ މިހާރު ވެސް އަނބި ދަރިން އެބަތިބި. އަދި ތިޔަ ބިން ރާޢޫތު އާއި އަހަރެންނަށް ލިބޭ ދަރިންގެ މެދުގައި ބަހަން ޖެހުމުން މައްސަލަ ޖެހޭނެ. ކަލޭ ތިޔަ ބިން ގަތުމަށް އަހަރެންގެ ފަރާތުން ލިބެން ޖެހޭ ހުއްދައެއް ވާނަމަ އެހުއްދައެއް އަހަރެން ކަލެއަށް ދީފީމު.⁠“