ހާމަކޮށްދެއްވުންތަކެއް 6:4 - ކިތާބުލް މުޤައްދަސާ

⁴ ދެން އެހެން އަހެއް ބޭރަށް އައެވެ. އެއީ ގަދަ ރަތް ކުލައިގެ އަހެކެވެ. އެ އަސް ދުއްވާ އަސްވާރަށް ދުނިޔެއަށް ހަނގުރާމަ ކުރިމަތި ކުރުވުމުގެ ބާރު ދެއްވާފައި ވިއެވެ. އެއީ މީސްތަކުން އެކަކު އަނެކަކު ގަތުލު ކުރުމަށެވެ. އޭނާއަށް ވަރަށް ދިގު ކަނޑިއެއް ލިބިފައި ވިއެވެ.

ހާމަކޮށްދެއްވުންތަކެއް 6:4 ပူးပေါင်းရင်းမြစ်များ

މައްތާ 10:34

”⁠އަހަރެން މި އައީ ދުނިޔޭގައި ސުލްޙަވެރިކަން ގާއިމުކުރުމަށް ކަމުގައި ހީ ނުކުރޭ. އަހަރެން އައީ ދުނިޔެއަށް ސުލްޙަވެރިކަން ގެނެސް ދިނުމަކަށް ނޫން. އެކަމަކު ބައިބައިކުރުމަށް.

މައްތާ 24:6

ހަނގުރާމައިގެ އަޑުފަށްގަނޑާއި އަދި ހަނގުރާމައިގެ ޚަބަރުތައް ތިޔަބައިމީހުންނަށް އަޑުއިވޭނެ. ނަމަވެސް އެކަންތަކާމެދު ކަންބޮޑުނުވޭ. އެއީ ކުރީކޮޅުގައި ހިނގަން ޖެހޭނެ ކަންތައްތައް. އެކަމަކު އެއީ ފަހުގެ ނިމުމުގެ ވަގުތު އައިސް ޖެހުމެއް ނޫން.

ޔޫޙަންނާ 19:11

އީސާގެފާނު ވިދާޅުވިއެވެ. ”⁠މާތްރަސްކަލާނގެ އެފަދައިން ހިންމަވައި އެ ބާރު ތިބޭފުޅާއަށް ނުދެއްވި ނަމަ، ތިބޭފުޅާއަކަށް އަޅުގަނޑާ މެދަކު އެއްވެސް ކަމެއް ނުކުރެއްވުނީސް. އެހެންކަމުން އަޅުގަނޑު ތިބޭފުޅާގެ އަރިހަށް ގެނައި މީހާގެ ފާފަ، ތިބޭފުޅާގެ ފާފައަށް ވުރެން މާ ބޮޑު.⁠“

ހާމަކޮށްދެއްވުންތަކެއް 12:3

ދެން އެހެން އަލާމާތެއް އުޑުން ފައުޅު ވިއެވެ. އެއީ ހަތް ބޮލާއި ދިހަ ދަޅު ވާ ރަތްކުލައިގެ ބޮޑު ޑްރޭގަނެކެވެ. އަދި އެ ހަތް ބޮލުން ކުރެ ކޮންމެ ބޮލެއްގައި ތާޖެއް ވިއެވެ.

ހާމަކޮށްދެއްވުންތަކެއް 13:10

އެއްވެސް މީހެއްގެ ތަޤުދީރުގައި ޙިސާރު ކުރެވިގެންވާނަމަ، އެ މީހަކު ޙިޟާރު ކުރެވިގެންދާނެ. އަދި ކަނޑިން ގަތުލު ކުރެވިގެންދާން ހުރިނަމަ، އެ މީހަކު ކަނޑިން ގަތުލު ކުރެވިގެންދާނެ. މި ހިނދު މާތްކަލާނގެ މުޤައްދަސް ކުރެއްވި މީސްތަކުން ކެތްތެރިކަމާއި އީމާންތެރިކަމުގައި ދެމި ތިބޭން ޖެހޭނެ.⁠“

ހާމަކޮށްދެއްވުންތަކެއް 17:3

އެއަށް ފަހު މާތްރަސްކަލާނގެ މާތްރޫޙުފުޅުގެ ބާރުން ހަނަފަސް ސަހަރާއެއްގެ ތެރެއަށް އެ މަލާއިކަތާ އަހަރެން ގެންދިޔައެވެ. ހަތް ބޮލާއި އަދި ދިހަ ދަޅު ހުރި ރަތްކުލައިގެ ދާއްބައެއްގެ މަތީގައި އިށީނދެ އިން އަންހެނަކު އަހަރެން ދުށީމެވެ. އެ ދާއްބައިގެ މުޅި ހަށިގަނޑު ފޮރުވިގެން ވަނީ މާތްރަސްކަލާނގެ ކިބަފުޅަށް ނިސްބަތް ކޮށް ލިޔެފައިވާ ކުފުރުގެ ބަސްތަކުންނެވެ.

ހާމަކޮށްދެއްވުންތަކެއް 17:6

މާތްކަލާނގެ މުޤައްދަސް ކުރެއްވި މީސްތަކުންނާއި އަދި ގަތުލު ކުރެވިގެންވީ މީސްތަކުންގެ ލޭ އެ އަންހެނާ ބޮނިކޮށް އަހަރެން ދުށީމެވެ. ސަބަބަކީ އެބައިމީހުންނީ އީސާގެފާނާއި މެދު ހެކިވަނިވި މީހުން ކަމުގައި ވީތީއެވެ. އަހަރެންނަށް އެ އަންހެނާ ފެނުނު ހިނދު އަހަރެން މުޅިން ޙައިރާންވެ ދިޔައެވެ.