ހާމަކޮށްދެއްވުންތަކެއް 4:7 - ކިތާބުލް މުޤައްދަސާ

⁷ ފުރަތަމަ މަޚުލޫގު ސިންގާއެއް ފަދައިން ވެއެވެ. ދެވަނަ މަޚުލޫގު ފިރިހެން ގެރިއެއް ފަދައިން ވެއެވެ. އަދި ތިންވަނަ މަޚުލޫގުގެ މޫނު އިންސާނެއްގެ މޫނާއި އެއްފަދަ ވެގެން ވެއެވެ. ހަތަރުވަނަ މަޚުލޫގު އުދުހޭ ބާޒެއް ފަދައިން ވެއެވެ.

ހާމަކޮށްދެއްވުންތަކެއް 4:7 ပူးပေါင်းရင်းမြစ်များ

ފެށުން 49:9

”⁠ޔަހޫޛާ ވަނީ ޒުވާން ސިންގާއެއް ފަދައިން. އަހަރެންގެ ދަރިޔާ! ސިންގާއެއް ޝިކާރަ ކުރުމަށް ފަހު، އަރާމު ކުރާފަދައިން ތިބާ ވެސް އަރާމު ކުރަމު. އަދި އެއްވެސް މީހަކަށް އޭނާ ހޭލެއްވުމުގެ ހިތްވަރެއް ލިބިފައިނުވޭމެ.⁠“

2 ޞަމޫއީލް 1:23

ޝާއުލްގެފާނުގެ ދެބަފައިން ދިރިތިބި އިރު ހުރިހާ އެންމެންގެ ލޯތްބާއި އިޙްތިރާމް ލިބުނެވެ. މަރުވެ ދިޔައީވެސް އެކު އެކީގައެވެ. އެދެމީހުން ބާޒަށް ވުރެން ވެސް ހަލުއްވެވެ. ސިންގާއަށް ވުރެން ވެސް ބާރުގަދައެވެ.

ހަރުބަސްތައް 28:2

ޤައުމުގައި ހަމައެއް ލަމައެއް ނެތިއްޔާ ސަރުކާރު ފަސޭހައިން ވެއްޓެއެވެ. އިލްމާއި ހުނަރާއެކު ވިސްނުންތެރިން ޤައުމަށް މަސަލަސްކަން ގެނެއެވެ.

ހާމަކޮށްދެއްވުންތަކެއް 4:6

ހަމައެހެންމެ ތަޚުތުގެ ކުރިމަތީގައި އަލިބިއްލޫރި އެއްފަދަ ބިއްލޫރީގެ ކަނޑެއް ވިއެވެ. ތަޚުތުގެ ވަށައިގެން އޭގެ ކޮންމެ ފަރާތެއްގައި ދިރިހުރި ހަތަރު މަޚުލޫގުން ތިއްބެވެ. އެއިން ކޮންމެ މަޚުލޫގެއްގެ ކުރިމައްޗާއި ފުރަގަސް ވަނީ ލޯތަކުން ފުރިފައެވެ.

ހާމަކޮށްދެއްވުންތަކެއް 6:3

އެއަށް ފަހު، އެކަންބަޅި ދެވަނަ ސިލު ވެސް ކަނޑާލިއެވެ. އަދި ދިރިހުރި މަޚުލޫގުންގެ ތެރެއިން ދެވަނަ މަޚުލޫގު މިފަދައިން ބުނި އަޑު އަހަރެން އެހީމެވެ. ”⁠އާދޭ!⁠“

ހާމަކޮށްދެއްވުންތަކެއް 6:5

އެއަށް ފަހު، ޅަކަންބަޅި ތިންވަނަ ސިލު ކަނޑާލިއެވެ. ދިރިހުރި ހަތަރު މަޚުލޫގުންގެ ތެރެއިން ތިންވަނަ މަޚުލޫގު މިފަދައިން ބުނި އަޑު އަހަރެން އެހީމެވެ. ”⁠އާދޭ!⁠“ އަހަރެން ބަލާލީމެވެ. އަދި އެތަނުގައި ކަޅު ކުލައިގެ އަހެއް އޮތެވެ. އެ އަސްމަތީގައި އިން އަސްވާރުގެ އަތުގައި ތިލަފަތެއް އޮތެވެ.

ހާމަކޮށްދެއްވުންތަކެއް 6:7

އެއަށް ފަހު، އެކަންބަޅި ހަތަރުވަނަ ސިލު ވެސް ކަނޑާލިއެވެ. އަދި ދިރިހުރި ހަތަރު މަޚުލޫގުންގެ ތެރެއިން ހަތަރުވަނަ މަޚުލޫގު މިފަދައިން ބުނި އަޑު އަހަރެން އެހީމެވެ. ”⁠އާދޭ!⁠“