ހާމަކޮށްދެއްވުންތަކެއް 21:18 - ކިތާބުލް މުޤައްދަސާ

¹⁸ އެ ސަހަރުގެ ފާރު ޢިމާރާތް ކޮށްފައި ވަނީ އަލިމަހުންނެވެ. އަދި މުޅި ސަހަރު ޢިމާރާތް ކޮށްފައި ވަނީ ބިއްލޫރި ފަދައިން ސާފުކޮށްފައިވާ ޚާލިސް ރަނުންނެވެ.

ހާމަކޮށްދެއްވުންތަކެއް 21:18 ပူးပေါင်းရင်းမြစ်များ

ހާމަކޮށްދެއްވުންތަކެއް 21:11

އަދި މާތްރަސްކަލާނގެ ނޫރުފުޅުން އެ މުޤައްދަސް ސަހަރު ބަބުޅަމުން ދިޔައެވެ. އެ މުޤައްދަސް ސަހަރު ބަބުޅަމުން ދިޔައީ އަގުބޮޑު ޖަވާހިރެއް ފަދައިން ސާފު އަލިބިއްލޫރި ފަދައިންނެވެ. އެ ސަހަރުގެ ބޮޑު އުސް ފާރުގައި ބާރަ ދޮރު ލެވިފައިވެއެވެ.

ހާމަކޮށްދެއްވުންތަކެއް 21:19

އެ ސަހަރުގެ ބިންގާ އަޅަފައި ވަނީ ބާރަ ގަލުންނެވެ. އަދި އެއިން ކޮންމެ ގަލަކަށް އަގުބޮޑު ޖަވާހިރެއް ބޭނުން ކޮށްފައި ވެއެވެ. ބިންގަލުގެ ގޮތުގައި ބެހެއްޓި ފުރަތަމަ ގަލަށް ބޭނުން ކޮށްފައި ވަނީ އަލިމަހެކެވެ. ދެވަނަ ގަލަށް ބޭނުން ކޮށްފައި ވަނީ ނީލަމެކެވެ. ތިންވަނަ ގަލަށް ބޭނުން ކޮށްފައި ވަނީ ޢަގީދެކެވެ. ހަތަރުވަނަ ގަލަށް ބޭނުން ކޮށްފައި ވަނީ ޒުމައްރުދު އެކެވެ.

ހާމަކޮށްދެއްވުންތަކެއް 21:21

ބާރަ ދޮރުގެ ތެރެއިން ކޮންމެ ދޮރެއް ހަދާފައި ވަނީ މުތަކުންނެވެ. ސަހަރުގެ މަގުތައް ހަދާފައި ވަނީ ސާފު ބިއްލޫރި ފަދައިން ސާފުކޮށްފައިވާ ޚާލިސް ރަނުންނެވެ.

ހާމަކޮށްދެއްވުންތަކެއް 4:6

ހަމައެހެންމެ ތަޚުތުގެ ކުރިމަތީގައި އަލިބިއްލޫރި އެއްފަދަ ބިއްލޫރީގެ ކަނޑެއް ވިއެވެ. ތަޚުތުގެ ވަށައިގެން އޭގެ ކޮންމެ ފަރާތެއްގައި ދިރިހުރި ހަތަރު މަޚުލޫގުން ތިއްބެވެ. އެއިން ކޮންމެ މަޚުލޫގެއްގެ ކުރިމައްޗާއި ފުރަގަސް ވަނީ ލޯތަކުން ފުރިފައެވެ.