ހާމަކޮށްދެއްވުންތަކެއް 19:8 - ކިތާބުލް މުޤައްދަސާ

⁸ އެކަނބުލޭގެ ލާން ދެވިފައިވާ ކައިވެނީގެ ހެދުން ވަނީ ސާފު ހުދު ލިނެން ފޮތިން.⁠“ އެ ލިނެން ފޮތި ދައްކައިދެނީ މާތްކަލާނގެ މުޤައްދަސް ކުރެއްވި މީސްތަކުންގެ ހެޔޮ އަމަލުތަކެވެ.

ހާމަކޮށްދެއްވުންތަކެއް 19:8 ပူးပေါင်းရင်းမြစ်များ

ހަރުބަސްތައް 31:22

އޭނާ އެނދުތަންމަތި ތައްޔާރު ކުރާނެއެވެ. ލާނީ ރީތި ފަށުވި ލިބާހެވެ. ބޭރުން އަޅާނީ ދަނބުކުލައިގެ ފޭރާމެކެވެ.

މައްތާ 17:2

ދެން އެ ހިނދު އަސްޙާބީންގެ ކުރިފުޅުމަތީގައި އީސާގެފާނުގެ ސިފަފުޅު ބަދަލުވެ ވަޑައިގެންނެވިއެވެ. އެކަލޭގެފާނުގެ މޫނުފުޅު އިރުފަދައިން އުޖާލާކަމާއިއެކު ބަބުޅަމުން ދިޔައެވެ. އަދި އެކަލޭގެފާނު ތުރުކުރައްވައިގެން ހުންނެވި ހެދުންކޮޅު ނޫރެއްފަދައިން އަލިވެގެންދިޔައެވެ.

މައްތާ 22:12

ރަސްގެފާނު އެމީހާއަށް ބުނުއްވި. ’⁠ރަޙުމަތްތެރިޔާ، ތިބާއަށް މިތަނަށް އައުމުގެ ހުއްދަ ލިބުނީ ކިހިނަކުން؟ ތިބާ ހެދުން އަޅައިގެން ތިޔަހުރީ ކައިވެނީގެ ވަލީމާތަކަށް އެކަށީގެންވާ ހެދުމެއް ނޫން.⁠‘ ނަމަވެސް އެމީހާ އެއްވެސް އެއްޗެއް ނުބުނެ ހަނު ހިމޭނުން ހުރި.

މަރުކުސް 9:3

އަދި އެކަލޭގެފާނު ތުރުކުރައްވައިގެން ހުންނެވި ހެދުންކޮޅު ހުދުކުލައިން ވިދާ ބަބުޅަން ފެށިއެވެ. އަދި އެފަދަ ހުދުކުލައެއް ފެނިގެން ނުވާ މިންވަރަށް ހުދުވެގެން ދިޔައެވެ.

ލޫކާސް 24:4

މިބައިމީހުން މި ވީ ކީއްކަން ނޭނގި ހައިރާންވެފައި ތިއްބާ ކުއްލިއަކަށް އެތާނގައި ވާ ދެބޭކަލަކު އެމީހުންގެ ކައިރީގައި ވިއެވެ. މިބޭކަލުންގެ ހެދުންކޮޅު ވިދާ ބަބުޅަމުން ދިޔައެވެ.

މަންދޫބުންގެ މަސައްކަތް 1:10

އެމީހުން އެކަލޭގެފާނު އުފުއްލެވުނު ދިމާ މައްޗަށް ބަލަނިކޮށް ކުއްލިއަކަށް އެމީހުންގެ ކައިރީގައި ހުދު ހެދުމެއްގައިވާ ދެ ފިރިހެނަކު ވާތަން ފެނުނެވެ.

ހާމަކޮށްދެއްވުންތަކެއް 15:4

ސާހިބުވަންތަ ރަސްކަލާކޮ! އިނބަ ކަލާނގެ ނަންފުޅަށް ގަދަރާއި ޙަމްދު ނުކުރާނީ ކާކު؟ އިނބަރަސްކަލާނގެ މަތިވެރިކަމާއި ދެކޮޅު ހަދާނީ ކާކު؟ ހަމައެކަނި މާތްކުރެވިގެން ވަނީ އިނބަރަސްކަލާނގެމެ. އެންމެހާ ޤައުމުތަކެއް އައިސް އިނބަރަސްކަލާނގެ ކިބަފުޅަށް އަޅުކަން ކުރާނެ. ސަބަބަކީ އިނބަރަސްކަލާނގެ އަދުލުވެރި ގޮތްތައް އެމީހުންނަށް ފެނުނީތީ ވެސްމެ.⁠“

ހާމަކޮށްދެއްވުންތަކެއް 15:6

ހަތް އާފާތްތައް ހިފަހައްޓަވައިގެން ތިއްބެވި ހަތް މަލާއިކަތުން މާތްކަލާނގެ ގެކޮޅުން ބޭރަށް ނުކުމެ ވަޑައިގަތެވެ. އެ މަލާއިކަތުން ތުރުކުރައްވައިގެން ތިއްބެވި ސާފު ލިނެން ފޮތީގެ ފޭރާން ކޮޅުތައް ބަބުޅަމުން ދިޔައެވެ. އެ މަލާއިކަތުންގެ މޭމަތިފުޅުގެ ވަށައިގެން ރަން ބާސްކީލިތަކެއް އެޅުވިގެން ވިއެވެ.

ހާމަކޮށްދެއްވުންތަކެއް 19:14

ސުވަރުގޭގެ ލަޝްކަރު ހުދު ކުލައިގެ އަސްތަކުގެ މަތީގައި އެކަލޭގެފާނުގެ ފަހަތްޕުޅުން ދިޔައެވެ. އަދި އެ ލަޝްކަރު ތިބީ ސާފު ހުދު ކުލައިގެ ލިނެން ފޮތީގެ ހެދުމުގައެވެ.

ހާމަކޮށްދެއްވުންތަކެއް 3:18

އުއްތާފައިވާ ޚާލިސް ރަން އަހަރެންގެ އަތުން ގަތުމަށް ތިޔަބައިމީހުންނަށް އަހަރެން ނަސޭޙަތްތެރިވަން. އެހެނީ ތިޔަބައިމީހުން ޙަޤީޤަތުގައި މުއްސަނދި ވުމަށް. އަދި އަހަރެންގެ އަތުން ތިޔަބައިމީހުން ފޭރާން ލުމަށްޓަކައި ހުދު ފޭރާން ގަނެ ތިޔަބައިމީހުންގެ ލަދުވެތިކަމާއި އައުރަ ނިވާ ކުރޭ. އަދި ލޮލަށް އަޅާ ބޭހެއް ގަނެ ތިޔަބައިމީހުންގެ ލޮލުގައި އުނގުޅާ. އޭރުން ތިޔަބައިމީހުންނަށް ފެންނާނެ.