ހާމަކޮށްދެއްވުންތަކެއް 18:14 - ކިތާބުލް މުޤައްދަސާ

¹⁴ ސައުދާގަރުން އެ ސަހަރަށް ބުނާނެއެވެ. ”⁠ތިބާގެ އަތުގައިވާ އެދެވިގެންވާ އެންމެހާ ތަކެތި ވަނީ ނެތި ގޮސްފަ. އަދި ތިބާގެ ލައްޒަތާއި އުޖާލާކަން ވަނީ ނެތިގޮސްފަ. އަދި ކުރިއަށް އޮތްތަނުގައި ތިބާއަށް އެތަކެތި އިތުރަށް ލިބިގެން ވެސް ނުވާނެމެ!⁠“

ހާމަކޮށްދެއްވުންތަކެއް 18:14 ပူးပေါင်းရင်းမြစ်များ

މައްތާ 11:8

ތިޔަބައިމީހުން ބަލަން ދިޔައީ ކޮންކަހަލަ މީހެއް؟ އަގުބޮޑު މޮޅު ހެދުމެއް ލައިގެން ހުރި މީހަކު ތަ؟ ނޫން. އަގުބޮޑު ހެދުންތައް އަޅައިގެންވާ މުއްސަނދިން ތިބޭނީ ގަނޑުވަރުތަކުގައި.

ލޫކާސް 12:20

ފަހެ މާތްރަސްކަލާނގެ ވަޙީ ކުރެއްވި. ’⁠އޭ ބުދިއެއް ނެތް ނުވިސްނޭ މީހާއޭ. ހަމަ މި ރޭ ތިމަންކަލާނގެ ކަލޭގެ ފުރާނަ ގެންދަވާނަމޭ. ދެން ކަލޭގެ އަމިއްލަ ފައިދާއަށްޓަކައި ރައްކާ ކޮށް ބަހައްޓައިފައިވާ ހުރިހާ ތަކެތި ލިބޭނީ ކާކަށް ހޭ؟⁠‘⁠“

ލޫކާސް 16:25

އިބްރާހީމްގެފާނު ވިދާޅުވި. ’⁠ދަރިފުޅާއޭ. ހަނދާން ވޭހޭ؟ ކަލޭ ދުނިޔޭގައި އުޅުނުއިރު ކަލެއަށް ރަނގަޅު ގޮތްތައް ދިމާވިއޭ. އަދި ލާޒަރުއަށް ވަރަށް ދެރަ ނުބައި ގޮތްތައް ދިމާވިއޭ. މިހާރު މިތާނގައި އޭނާއަށް ވަނީ ހަމަޖެހުން ލިބިފައޭ. އަދި ކަލޭ ތިޔަވަނީ ވޭނުގައޭ.

ޔާމިޒުގެ ސިޓީ 4:2

ކަލޭމެންނަށް ލިބިގެންނުވާ ތަކެއްޗަށް އެދުންވެރިވާތީއެވެ. އަނެކުންނަށް ލިބިފައިވާ ތަކެއްޗާއިމެދު ކަލޭމެން ޙަސަދަވެރިވެ މީސްތަކުން މަރައި އެތަކެތި ހޯދުމަށް ދަހިވެތި ވާތީއެވެ. ނަމަވެސް ކަލޭމެން ލިބުމަށް އެދޭ ތަކެތި ކަލޭމެންނަށް ނުމެލިބޭނެއެވެ. އެހެންވީމާ ކަލޭމެން އެކަކު އަނެކަކަށް އަރާރުންވެ އަދި ތަޅާފޮޅަނީއެވެ. ކަލޭމެން ލިބުމަށް އެދިގެންވާ ތަކެތި ކަލޭމެންނަށް ލިބިގެންނުވާ ސަބަބަކީ އެ ތަކެތި ލިބުމަށް އެދި މާތްރަސްކަލާނގެ ކިބަފުޅަށް ނުދަންނަވާތީއެވެ.

ހާމަކޮށްދެއްވުންތަކެއް 18:13

އަދި ފޮނިތޮއްޓާއި، ހަވާދާއި، ހުވަނދާއި، ދުންއަޅާނޭ ހުވަނދާއި، މީރުވަސްދުވާ ތަކެއްޗާއި، މޭބިސްކަދުރުގެ ރަލާއި، އަދި ތެލާއި، ފުށާއި، ގޮދަނާއި، ކަންބަޅިއާއި، ގެރިއާއި، އަހާއި، އަސްގާޑިޔަލާއި، އަޅުންގެ ގޮތުގައި ވިއްކާ އިންސާނުންނާއި މިއިން އެއްވެސް އެއްޗެއް މީހަކު ނުގަންނާތީއެވެ.

ހާމަކޮށްދެއްވުންތަކެއް 18:15

އެ ސަހަރުގައި ވިޔަފާރިކުރި ސައުދާގަރުން މުއްސަނދިވެ ދިޔައެވެ. އެމީހުން ތިބޭނީ މާ ދުރުގައެވެ. އެހެނީ އެސަހަރުގެ ވޭންތަކުގައި ޙިއްސާ ނުކުރެވިގެންނެވެ. އެބައިމީހުން ހިތްދަތިވެ ރޯނެއެވެ.