ހާމަކޮށްދެއްވުންތަކެއް 13:13 - ކިތާބުލް މުޤައްދަސާ

¹³ އަދި ބިމު ދާއްބަ ވަރަށް ގަދަ މުޢުޖިޒާތްތައް ދައްކަމުން ގެންދިޔައެވެ. އޭތި ދުނިޔޭގައި ތިބި މީސްތަކުންގެ ކުރިމަތީގައި އުޑުން އަލިފާން ބިމަށް ފޮނުވިއެވެ.

ހާމަކޮށްދެއްވުންތަކެއް 13:13 ပူးပေါင်းရင်းမြစ်များ

ނެރުއްވުން 7:22

އެކަމަކު ރަސްގެފާނުގެ ފަންޑިތަވެރިން ވެސް އެމީހުންގެ ސިހުރުގެ ބާރުން އެކަންތައް ހަމަ އެ ގޮތަށް ކޮށްފިއެވެ. އެހެންވެ އިހުނެކޭ އެއްވަރަށް ފިރުޢައުނު ބޯ ހަރުވިއެވެ. މާތްރަސްކަލާނގެ ވަޙީކުރެއްވި ފަދައިން ފިރުޢައުނު މޫސާގެފާނާއި ހާރޫނުގެފާނުގެ ބަސްފުޅެއް ނުއެއްސެވިއެވެ.

ނެރުއްވުން 8:7

އެކަމަކު ފިރުޢައުނުގެ ސިހުރުވެރިން ވެސް އެމީހުންގެ ސިހުރުގެ ބާރުން މިޞްރު ބިމަށް ހަމަ އެ ގޮތަށް ބޮއްތައް އަރުވައިފިއެވެ.

ނެރުއްވުން 9:11

ސިހުރުވެރިންނަށް ވެސް މޫސާގެފާނުގެ ކުރިފުޅުމައްޗަކަށް ނާދެވުނެވެ. އެއީ އެމީހުންގެ މުޅި ގައިގައި ވެސް އެހެނިހެން މިޞްރުގެ މީހުންނެކޭ އެއްފަދައިން ފޮޅުތައް ނަގާފައި ހުރީމައެވެ.

މައްތާ 16:1

ފަރީސީންނާއި ސާދުސީންގެ ބަޔަކު އީސާގެފާނު ދަންތުރައެއްގައި ޖެއްސުމުގެ މަގުސަދުގައި އެކަލޭގެފާނުގެ އަރިހަށް އައިސް އެބައިމީހުންނަށް މުޢުޖިޒާތީ ޢަލާމާތެއް ދައްކަވައި ދެއްވުމަށް އެދުނެވެ.

މައްތާ 24:24

ދޮގު މަސީޙުންނާއި ދޮގު ނަބީން ފެނިގެންދާނެ. އަދި އެމީހުން މަތިވެރި މުޢުޖިޒާތާއި އަލާމާތްތައް ދައްކައި މީސްތަކުން ޙައިރާންކުރުވައި އެމީހުންނަށް ވެގެންވަންޏާ މާތްރަސްކަލާނގެ ޚިޔާރު ކުރައްވާފައިވާ މީހުން ވެސް މޮޔަހައްދަން އުޅޭނެ.

މަރުކުސް 13:22

ދޮގު މަސީޙުންނާއި ދޮގު ނަބީން ފެނިގެންދާނެ. އަދި އެމީހުން މުޢުޖިޒާތާއި އަލާމާތްތައް ދައްކައި މީސްތަކުން ޙައިރާންކުރުވައި އެމީހުންނަށް ވެގެންވަންޏާ މާތްރަސްކަލާނގެ ޚިޔާރު ކުރެއްވި މީހުން ވެސް މޮޔަހައްދަން އުޅޭނެ.

ތިމޮތީއަށް ދެވަނަ ސިޓީ 3:8

އަދި މިފަދަ އެދުރުން ތެދާއިމެދު ދެކޮޅުހަދާނެއެވެ. މި ބުނެވިދިޔަ ފަދައިން ޔައްނީސް އާއި ޔަމްބިރީސް މޫސާގެފާނާއި ދެކޮޅުވެރި ވިއެވެ. އަދި މިފަދަ މީހުންނަކީ ތެދު ޙަޤީޤަތާއި އިދިކޮޅު ޢަދާވާތްތެރިންނެވެ. އެބައިމީހުންގެ ބުއްދިވަނީ ފާޙިޝް ޚިޔާލުތަކުން ފުރިފައެވެ. އެމީހުންގެ ކިބައިން ފެނުނީ އަސްލެއް ނުވާ އީމާންތެރިކަމެކެވެ.

ހާމަކޮށްދެއްވުންތަކެއް 11:5

އެބައިމީހުންނަށް އަނިޔާވެރިވުމަށް އެއްވެސް މީހަކު މަސައްކަތް ކޮށްފިނަމަ އެދެމީހުންގެ އަނގައިން އަލިފާން އަންނާނެއެވެ. އަދި އެ އަލިފާނުގައި އެ މީހުންގެ ޢަދުއްވުން އަނދައިދެއެވެ. އަދި އެ ދެ ހެކިވެރިންނަށް އަނިޔާވެރި ވުމަށް މަސައްކަތްކުރާ ކޮންމެ މީހަކު ވިޔަސް އެ ބަޔަކު ގަތުލު ވެދެއެވެ.

ހާމަކޮށްދެއްވުންތަކެއް 16:14

މި ނުބައި ތިން ރޫޙަށް ޝައިތާނީ ޖާދޫތައް ދެއްކުމުގެ ބާރު ލިބިގެން ވިއެވެ. މި ނުބައި ތިން ރޫޙު ދުނިޔޭގައި ތިބި އެންމެހާ ރަސްރަސްކަލުންގެ ކައިރިއަށް ގޮސް ކުޅަދުންވަންތަ މާތްރަސްކަލާނގެ އާއި ދެކޮޅަށް ހަނގުރާމަ ކުރެއްވުމަށް އެބައިމީހުން ގެނެއެވެ. ނަމަވެސް އެދުވަހަކީ މާތްރަސްކަލާނގެ ކިބަފުޅަށް މަތިވެރި ކާމިޔާބީ ލިބޭނޭ ދުވަހެވެ.

ހާމަކޮށްދެއްވުންތަކެއް 19:20

އަދި ކަނޑުދާއްބަ އަތުލައިގަނެ އެ އެއްޗާއި އެއްބައިވެ އޭތީގެ ޙާޟިރުގައި އޭތީގެ ސިލު ޖަހައި އަދި އޭތީގެ ސޫރައަށް އަޅުކަންކުރި ފަރާތްތަކަށް މުޢުޖިޒާތްތައް ދައްކައި މަކަރު ހެދި ދޮގުވެރި ނަބީކަލޭގެއާއި އެކުގައި އޭތި ވެސް ހުރަގެއަށް ލެވުނެވެ. އެ ކަނޑުދާއްބައާއި ދޮގުވެރި ނަބީކަލޭގެ ދިރިތިއްބައި ކައްސަނދުވާނިން އަނދައަނދާ ހުރި އަލިފާނުގެ ބޮޑުފުން ކުޅިއަށް އެއްލައި ލެވުނެވެ.

ހާމަކޮށްދެއްވުންތަކެއް 20:9

އެބައިމީހުން މުޅި ދުނިޔޭގެ ތެރެއަށް ފެތުރިގެން ދާނެއެވެ. މާތްކަލާނގެ މުޤައްދަސް ކުރެއްވި މީސްތަކުންގެ ވަށައިގެންނާއި އެކަލާނގެ ލޯބިވެ ވޮޑިގެންވާ ސަހަރުގެ ވަށައިގެން މިބައިމީހުން ތިބޭނެއެވެ. ނަމަވެސް އުޑުން އަލިފާން ބިމަށް ފޮނުއްވައި އެބައިމީހުންގެ ލަޝްކަރު ނެތިކުރައްވާނެއެވެ.