ހާމަކޮށްދެއްވުންތަކެއް 13:11 - ކިތާބުލް މުޤައްދަސާ

¹¹ އެއަށް ފަހު، އެހެން ދާއްބައެއް ބިމުން ނުކުތްތަން އަހަރެން ދުށީމެވެ. ޅަކަންބަޅިއެއް ފަދައިން އޭގައި ދެ ދަޅުވިއެވެ. ނަމަވެސް އޭތި ވާހަކަ ދައްކަނީ ޑްރޭގަނަކު ވާހަކަ ދައްކާ ފަދައިންނެވެ.

ހާމަކޮށްދެއްވުންތަކެއް 13:11 ပူးပေါင်းရင်းမြစ်များ

މައްތާ 7:15

”⁠ދޮގު ނަބިއްޔުންނާއި މެދު ސަމާލުވޭ! އެފަދަ މީހުން ތިޔަބައިމީހުންގެ ކައިރިއަށް އަންނާނީ ކަންބަޅިއެއް ފަދައިން މަޑުމައިތިރި ކަމާއެކު. އެކަމަކު އެފަދަ މީހުންނީ ނުރައްކާތެރި ވަލު ހިޔަޅުތަކެއް ފަދަ ބައެއް.

ތިސަލޯނިކާގެ މަސީޙީންނަށް ދެވަނަ ސިޓީ 2:4

އަދި މީސްތަކުން އަޅުކަން ކުރާ ކޮންމެ އެއްޗަކާއި އޭނާ ދެކޮޅުވެރިވެ އެ ފަރާތްތަކުގެ މައްޗަށް ބާރުވެރިވެ އޭނާއަށް އަޅުކަން ކުރުމަށް ބުނާނެއެވެ. އަދި އެކަލާނގެ ބޮޑު ދުޝްމަން ފަރާތް ބައިތުލް މަޤްދިސްއަށް ގޮސް އެތަނުގައި އިށީނދެގެން އިނދެ ތިމަންނައަކީ މާތް ކަލާނގެ ކަމަށް އޭނާ ދަޢުވާ ކުރާނެއެވެ.

ހާމަކޮށްދެއްވުންތަކެއް 11:7

މި ދެ ހެކިވެރިން މާތްރަސްކަލާނގެ ޚަބަރުފުޅު އިއްވަވައި ނިމުމުން ފޫނެތް ފުން ވަޅުގަނޑުގެ ތެރެއިން ދާއްބައެއް ނުކުމެ، އެ ދެމީހުންނާއި ދެކޮޅަށް ހަނގުރާމަ ކުރުމަށް އަންނާނެއެވެ. އެ ދެމީހުންގެ މައްޗަށް އެދާއްބަ ފަތަޙަ ހޯދައި އެދެމީހުން ގަތުލު ކުރާނެއެވެ.

ހާމަކޮށްދެއްވުންތަކެއް 12:17

އެއަށް ފަހު، އެ އެކަނބުލޭގެދެކެ ޑްރޭގަން ނުހަނު ރުޅި އައެވެ. އަދި އެކަނބުލޭގެ ދަރިންނާއި ދެކޮޅަށް ޑްރޭގަން ހަނގުރާމަ ކުރިއެވެ. އެއީ މާތްރަސްކަލާނގެ އެންމެހާ އަމުރުފުޅުތަކަށް ބޯލަނބައި، އީސާގެފާނަށް އީމާންވެ އެކަލޭގެފާނުގެ މައްޗަށް ހެކިދޭ ހުރިހާ އެންމެން ވެސްމެއެވެ.

ހާމަކޮށްދެއްވުންތަކެއް 13:1

އެއަށް ފަހު، ކަނޑުން ދާއްބައެއް އަރައިގެން އަންނަނިކޮށް އަހަރެން ދުށީމެވެ. އެދާއްބާގައި ހަތް ބޮލާއި ދިހަ ދަޅު ވިއެވެ. އޭގެ ކޮންމެ ދަޅެއްގައި ތާޖެއް ވިއެވެ. އަދި އޭގެ ކޮންމެ ބޮލެއްގައި ކުފުރު ނަމެއް ލިޔެވިފައިވިއެވެ.

ހާމަކޮށްދެއްވުންތަކެއް 13:17

އެއްވެސް މީހަކަށް ކަނޑު ދާއްބައިގެ ފާހަގަ ނުޖަހައި ގަނެވިއްކުމުގެ ހުއްދައެއް ނުވެއެވެ. މިފާހަގަ އަކީ އެދާއްބައިގެ ނަން ނުވަތަ އޭތީގެ ނަމުގެ ނަމްބަރެވެ.

ހާމަކޮށްދެއްވުންތަކެއް 13:4

ހުރިހާ އެންމެން ޑްރޭގަނަށް އަޅުކަން ކުރިއެވެ. ސަބަބަކީ އޭއްޗަށް ލިބިގެންވާ އަމުރުވެރިކަން ކަނޑު ދާއްބައަށް ދިނުމުންނެވެ. މީސްތަކުން ކަނޑު ދާއްބައަށް ވެސް މިފަދައިން ބުނެ އަޅުކަން ކުރިއެވެ. ”⁠ކަނޑު ދާއްބަ ވައްތަރުވަނީ ކޮން އެއްޗަކާހެއްޔެވެ؟ އެ އެއްޗާއި ދެކޮޅަށް ހަނގުރާމަ ކުރެވޭނީ ކާކަށް ހެއްޔެވެ؟⁠“

ހާމަކޮށްދެއްވުންތަކެއް 16:13

އެއަށް ފަހު، ބޮއްތަކެއްގެ ސިފައިގައި ހުރި ނުބައި ތިން ރޫޙު އަހަރެން ދުށީމެވެ. އެއީ ޑްރޭގަންގެ އަނގައިން ނުކުތް ނުބައި ރޫޙާއި، ކަނޑު ދާއްބައިގެ އަނގައިން ނުކުތް ނުބައި ރޫޙާއި އަދި ދޮގުވެރި ނަބިއްޔާގެ އަނގައިން ނުކުތް ނުބައި ރޫހެވެ.

ހާމަކޮށްދެއްވުންތަކެއް 17:6

މާތްކަލާނގެ މުޤައްދަސް ކުރެއްވި މީސްތަކުންނާއި އަދި ގަތުލު ކުރެވިގެންވީ މީސްތަކުންގެ ލޭ އެ އަންހެނާ ބޮނިކޮށް އަހަރެން ދުށީމެވެ. ސަބަބަކީ އެބައިމީހުންނީ އީސާގެފާނާއި މެދު ހެކިވަނިވި މީހުން ކަމުގައި ވީތީއެވެ. އަހަރެންނަށް އެ އަންހެނާ ފެނުނު ހިނދު އަހަރެން މުޅިން ޙައިރާންވެ ދިޔައެވެ.

ހާމަކޮށްދެއްވުންތަކެއް 17:8

ތިބާއަށް މިހާރު ތިޔަ ފެންނަ ދާއްބައަކީ އެއްއިރެއްގައި ދިރިއުޅެފައިވާ، އެކަމަކު މިހާރު ދިރިނޫޅޭ އެއްޗެއް. އޭތި ފޫނެތް ފުން ވަޅުގަނޑުން އަލުން ނުކުމެގެން އަންނާނެ. އެކަމަކު އޭތި ނައްތާލެވޭނެ. ބިންމަތީގައި ތިބި އެބައެއްގެ ނަންތައް ޙަޔާތުގެ ފޮތުގައި ލިޔެވިފައި ނުވާ މީހުންނަށް، މިއީ ހައިރާންވާ ވަރުގެ ކަމެއް. އެހެނީ އެފޮތުގައި ލިޔެވިފައިވާ ނަންތަކަކީ ޚަލްޤު ކުރެއްވުމުގެ މާކުރީގައިވެސް ލިޔެވިފައިވާ ނަންތަކެއް. އެމީހުން ހައިރާންވަނީ އެއް އިރެއްގައި ދިރި އުޅެފައިވާ، އެކަމަކު މިހާރު ދިރި ނޫޅޭ ދާއްބައެއް އަލުން ދިރިގެން އަންނަތަން ފެނުމުން.