ހާމަކޮށްދެއްވުންތަކެއް 12:1 - ކިތާބުލް މުޤައްދަސާ

¹ އެއަށް ފަހު، ވަރަށް މުހިންމު އަލާމާތެއް އުޑުން ފައުޅުވެގެން ދިޔައެވެ. އަންހެނަކު އެތާގައިވިއެވެ. އެކަނބުލޭގެ ލައިގެންހުރި ފޭރާމަކީ އިރެވެ. އަދި އެ އެކަނބުލޭގެ ފައިތިލަ ދަށުގައި ހަނދުވިއެވެ. އަދި އެކަނބުލޭގެ ބޮލުގައި ބާރަ ތަރީގެ ތާޖެއް ވިއެވެ.

ހާމަކޮށްދެއްވުންތަކެއް 12:1 ပူးပေါင်းရင်းမြစ်များ

މައްތާ 12:38

އެއަށް ފަހު ދީނުގެ ދަންނަބޭކަލުންނާއި ބައެއް ފަރީސީން އީސާގެފާނަށް ދެންނެވިއެވެ. ”⁠އެދުރު ކަލޭގެފާނު، އަހަރެމެން ބޭނުންވަނީ ކަލޭގެފާނު އަހަރެމެންނަށް މުޢުޖިޒާތީ ޢަލާމާތެއް ދައްކަވައި ދެއްވުމަށް.⁠“

މައްތާ 24:30

އެ ހިނދު އިންސާނާގެ ދަރިކަލުން ވަޑައިގަންނަވާކަމުގެ ނިޝާން އުޑުން ފެންނާނެ. އިންސާނާގެ ދަރިކަލުން އެކަލޭގެފާނުގެ މަތިވެރި ނޫރުފުޅާއި ގަދަފަދަ ބާރަފުޅާ އެކު އުޑުން ވިލާގަނޑެއްގެ ތެރެއިން ވަޑައިގަންނަވާހިނދު ދުނިޔޭގެ އެންމެހާ ޤައުމުތަކުގެ މީހުން ހިތާމަ ކުރާނެ.

މަރުކުސް 13:25

އުޑުން ތަރިތައް ފައިބާނެ. އަދި އުޑުގެ ބާރުތައް ހެލުންގަނޑަކުން ހެލިގެން ދާނެ.

ލޫކާސް 21:11

ދުނިޔޭގެ އެކި ހިސާބުތަކަށް ބޮޑެތި ބިންހެލުންތައް ވެސް އަންނާނެ. ބޮޑެތި ތަދުތަކާއި ނުބައި ރޯގާތައް ވެސް އަންނާނެ. ބިރުވެރި ކަންތައްތަކާއި އުޑުން އަންނަ އަލާމާތްތައް ވެސް ފެންނާނެ.

ލޫކާސް 21:25

އިރާއި ހަނދާއި ތަރިތަކުގައި ވެސް އަލާމާތްތައް ވާނެ. ދުނިޔޭގެ ކަނޑު ގަދަވެ ރާޅު ބޮޑުވެ ތޫންފާންތައް އައިސް މީސްތަކުން ވަރަށް ބޮޑަށް ބިރުގަނެ ހައިރާންވާނެ.

ޔޫޙަންނާ 3:29

އަނބިމީހާއާ ކައިވެނި ކުރާނީ ފިރިމީހާ. ރައްޓެހިމީހާ ހުންނާނީ ކައިވެނި ބަސްތައް އަޑުއިވޭ ހިސާބު އެ އުފަލުގައި ބައިވެރިވުން މަތީގައި. އެހެންކަމުން އަހަރެން މިހިރީ އެކަލޭގެފާނުގެ ކާމިޔާބީއާ މެދު އުފަލުން ފުރިފައި.

މަންދޫބުންގެ މަސައްކަތް 2:19

ތިމަންކަލާނގެ އުޑުގައި އަޖައިބުވާ ފަދަ ކަންތައްތަކާއި ބިމުގައި އަލާމާތްތައް ވެސް އެދުވަސްވަރު ދައްކަވާނަމޭ. ދުނިޔޭގައި ލޭ އޮހޮރުމާއި، އަލިފާނާއި ދުން ވާނޭ.

ގަލާތިޔާގެ މަސީޙީންނަށް ސިޓީ 3:27

ކަލޭމެން ތައުބާގެ ހިނެވުމުން ހިނައިގަތް ހިނދު، ގައިގައި ލީ ހެދުމެއް ފަދައިން، ކަލޭމެންގެ ގައިގައި ވެސް އީސާގެފާނު ހެދުމެއް ފަދައިން ލެވިގެން ދިޔައެވެ.

ގަލާތިޔާގެ މަސީޙީންނަށް ސިޓީ 4:26

ނަމަވެސް މިނިވަނެއްގެ ގޮތުގައިވި އަނބި ސާރާގެ މިސާލަކީ ސުވަރުގޭގައި ވާފަދަ ޖެރޫސަލަމެވެ. އަދި އެއީ އަހަރެމެން އީސާގެފާނަށް އީމާންވެތިބި އެންމެންގެ މަންމައެވެ.

ގަލާތިޔާގެ މަސީޙީންނަށް ސިޓީ 6:14

އަހަރެން އެފަދަ ދެއްކުންތެރި ކަމެއް ކުރުމަކަށް ދުވަހަކު ވެސް މާތްރަސްކަލާނގެ ނުހިންމަވާށިއެވެ. އެއީ އަހަރެން ބަލައިގަންނަހާ ވެސް ކަމަކީ އަހަރެމެންގެ މާތްސާހިބާ އީސާ އަލްމަސީޙު ސަލީބުގައި ވެވަޑައިގެންނެވި އަވަހާރަ ވުމެވެ. އެ އަވަހާރަ ވުމުގެ ސަބަބުން މިދުނިޔޭގެ މައްޗަށް އަހަރެންގެ ކިބައިގައި އޮތްހާ އެދުމެއް މަރުވެ ނެތިވެ ހިނގައްޖެއެވެ. އަދި މިދުނިޔެ އަހަރެންގެ ކިބައަކުން ވެސް އެދޭ އެދުމެއް ނުވެއެވެ.

އެފޭސުސްގެ މަސީޙީންނަށް ސިޓީ 5:32

މިބަސްފުޅުތަކުގައި ވަންހަނާވެގެންވީ ވަރަށް ބޮޑު ސިއްރެއް އުނގަންނައި ދެއްވާފައިވެއެވެ. މި ބަސްފުޅުތައް އުނގަންނައި ދެއްވަނީ އަލްމަސީޙާއި މަސީޙީ ޖަމާޢަތާއި ދެމެދުގައިވާ ގުޅުމުގެ މައްޗަށްކަން އަހަރެންނަށް ދޭހަވެއެވެ.

ހާމަކޮށްދެއްވުންތަކެއް 1:20

ތިބާއަށް އަހަރެންގެ ކަނާއަތުގައި ވަނިކޮށް ފެނުނު ހަތްތަރިއާއި، އަދި ދިއްލާފައިވާ ބައްތި ބަހައްޓާ ރަނުގެ ހަތް ހަރުގެ ފޮރުވިފައިވާ މާނައަކީ މިއީ. އެ ހަތްތަރި ރަމްޒު ކޮށްދެނީ މަސީޙީ ހަތް ޖަމާޢަތުގެ މަލާއިކަތުން. އަދި ދިއްލާފައިވާ ބައްތި ބަހައްޓާ ރަނުގެ ހަތް ހަރު ރަމްޒު ކޮށްދެނީ މަސީޙީ ހަތް ޖަމާޢަތް.⁠“

ހާމަކޮށްދެއްވުންތަކެއް 11:19

އުޑުގައި ހުރި މާތްކަލާނގެ ގެކޮޅު ވަނީ ހުޅުވިފައެވެ. އަދި ޢަހުދުނާމާ ފޮށިކޮޅު ވެސް އެތަނުން ފެނުނެވެ. އެއަށް ފަހު، ހޮނުގެ ވިދުވަރާއި ގުގުރީގެ ބާރު އަޑާއި ބިންހެލުން އައެވެ. އަދި ގަނޑުފެނުގެ ބަރު ގުޅަގުޅަ ވެހުނެވެ.

ހާމަކޮށްދެއްވުންތަކެއް 12:3

ދެން އެހެން އަލާމާތެއް އުޑުން ފައުޅު ވިއެވެ. އެއީ ހަތް ބޮލާއި ދިހަ ދަޅު ވާ ރަތްކުލައިގެ ބޮޑު ޑްރޭގަނެކެވެ. އަދި އެ ހަތް ބޮލުން ކުރެ ކޮންމެ ބޮލެއްގައި ތާޖެއް ވިއެވެ.

ހާމަކޮށްދެއްވުންތަކެއް 15:1

އެއަށް ފަހު، އުޑުން އަލާމާތެއް އަހަރެން ދުށީމެވެ. އެއީ މަތިވެރި އަދި ޙައިރާން ކުރުވަނިވި ކަމެކެވެ. ހަތް މަލާއިކަތުން އެކަލާނގެ އެންމެފަހުން ފޮނުއްވާނޭ ހަތް މުސީބާތް ހިފަހައްޓަވައިގެން ތިއްބެވިއެވެ. ސަބަބަކީ އެއީ މާތްރަސްކަލާނގެ ކޯފާވެ ވޮޑިގެންނެވުމުގެ އެންމެ ފަހުގެ ތަސައްވުރު ވެސް މެއެވެ.

ހާމަކޮށްދެއްވުންތަކެއް 21:14

ސަހަރުގެ ފާރު ރާނާފައި ވަނީ ބިންގަލުގައި ބާރަ ގާ ޖަހައިގެންނެވެ. އެއިން ކޮންމެ ގަލެއްގައި ޅަކަންބަޅީގެ ބާރަ މަންދޫބުންގެ ނަން ލިޔެވިގެންވިއެވެ.

ހާމަކޮށްދެއްވުންތަކެއް 21:23

އެ ސަހަރަށް އަލިކަން ލިބިދިނުމަށް އިރާއި ހަނދު ބޭނުމެއް ނުވެއެވެ. ސަބަބަކީ މާތްރަސްކަލާނގެ ނޫރުފުޅު އެ ސަހަރުގައި ބަބުޅަމުން ދެއެވެ. އަދި އެ ސަހަރުގެ ބައްތިއަކީ ޅަކަންބަޅި ކަމުގައި ވުމެވެ.