ހާމަކޮށްދެއްވުންތަކެއް 10:11 - ކިތާބުލް މުޤައްދަސާ

¹¹ އެއަށް ފަހު، އަހަރެންނަށް އެންގެވިއެވެ. ”⁠އަދި އިތުރަށް ގިނަ ޤައުމުތަކަށާއި، ނަސްލުތަކަށާއި ބަހުރުވަތަކާއި ރަސްރަސްކަލުންނާއި މެދު މާތްރަސްކަލާނގެ ދެއްވި ޣައިބުގެ ޚަބަރުފުޅު އިޢުލާންކުރޭ.⁠“

ހާމަކޮށްދެއްވުންތަކެއް 10:11 ပူးပေါင်းရင်းမြစ်များ

ހާމަކޮށްދެއްވުންތަކެއް 10:10

އަހަރެން އެމަލާއިކަތާގެ އަތްޕުޅުން އެކުޑަ ފޮތް ނަގައި އޭތި ކާލީމެވެ. އަދި އަހަރެންގެ އަނގަޔަށް މާމުޔަށް ވުރެން ފޮނިރަހަ ލިބިދިނެވެ. ނަމަވެސް އަހަރެން އޭތި ދިރުވައިލުމަށް ފަހު، އަހަރެންގެ ބަނޑު ތެރެ ހިތި ވެގެން ދިޔައެވެ.

ހާމަކޮށްދެއްވުންތަކެއް 11:1

އެއަށް ފަހު، އަހަރެންގެ އަތަށް މިންއަޅާނޭ ދަނޑިއެއް ދިނުމަށް ފަހު، އަހަރެންނަށް އެންގެވިއެވެ. ”⁠ބައިތުލް މަޤްދިސްގައްޔާއި ޤުރުބާން ހުށަހެޅުމަށް ހުންނަ ޚާއްސަ އަށީގެ ވެސް މިން ނަގާ. އަދި ބައިތުލް މަޤްދިސްގައި އަޅުކަން ކުރަން ތިބި މީހުންގެ އަދަދު ވެސް ގުނާ.

ހާމަކޮށްދެއްވުންތަކެއް 11:9

އެންމެހައި ނަސްލުތަކުންނާއި، ޤަބީލާތަކާއި، ބަހުރުވަތަކުންނާއި އަދި ޤައުމުތަކުން އައި މީހުން އެ ދެ ހެކިންގެ ހަށިގަނޑަށް ތިން ދުވަސް ބައި ވަންދެން ބަލަން ތިބޭނެއެވެ. އަދި އެބައިމީހުން ވަޅުލުމަށް އިންކާރު ކުރާނެއެވެ.

ހާމަކޮށްދެއްވުންތަކެއް 14:6

އެއަށް ފަހު، ދުނިޔޭގައި ތިބި މީސްތަކުންނާއި، އެންމެހައި ޤައުމުތަކާއި، އެންމެހައި ޤަބީލާތަކާއި، އެންމެހައި ބަހުރުވަތަކުންނާއި އަދި އެންމެހައި ނަސްލުތަކަށް ދާއިމީ ހެޔޮޚަބަރުފުޅު އިޢުލާންކުރަމުން ވަރަށް މަތިން ވައިގެ ތެރޭގައި އުދުހެމުން ގެންދިޔަ މަލާއިކަތަކު އަހަރެން ދުށީމެވެ.

ހާމަކޮށްދެއްވުންތަކެއް 17:10

އަދި އެއީ ހަތް ރަސްކަލުން ވެސް މެ. އޭގެ ތެރެއިން ފަސް ރަސްކަލުން ވަނީ ނެތި ގޮސްފައި. އަދި އޭގެތެރެއިން އެއް ރަސްކަލަކު މިހާރު ވެސް ދުނިޔޭގައި އުޅެމުން ގެންދޭ. އަދި ދެން ހުރި ރަސްގެފާނު އަދި ނާދޭ. އެ ރަސްގެފާނު އައުމުން އޭނާގެ ވެރިކަން އޮންނާނީ ކުރު މުއްދަތެއްގައި.

ހާމަކޮށްދެއްވުންތަކެއް 17:12

ތިބާ ދުށް ދިހަ ދަޅަކީ އިތުރު ދިހަ ރަސްކަލުން. އެބައިމީހުންނަށް އަދި ބާރެއް ލިބިގެން ނުވޭ. އަދި ދާއްބައާއި އެކުގައި އެބައިމީހުން ވެރިކަން ކުރާނީ އެއްމެ ގަޑިއެއްހާ ކުރު ވަގުތުކޮޅެއްގައި.

ހާމަކޮށްދެއްވުންތަކެއް 17:15

އެއަށް ފަހު އެ މަލާއިކަތާ އަހަރެންނަށް ވިދާޅުވިއެވެ. ”⁠ތިބާ ދުށް އެ ފާޙިޝް އަންހެނާ އިށީނދެގެން އިން ކޯރުތަކަކީ ނަސްލުތަކާއި، ގަބީލާތަކާއި، ޤައުމުތަކާއި އަދި ބަހުރުވަތައް ވެސްމެ.

ހާމަކޮށްދެއްވުންތަކެއް 5:9

އެބައިމީހުން އާ ސަނާގެ ލަވައެއް ކިޔެވެ: ”⁠ފޮތް ނެގުމަށް އެކަށީގެން ވަނީ ކަލޭގެފާނު. އަދި ސިލު ކަނޑާލުމަށް ވެސްމެ. ކަލޭގެފާނު ވީ ގަތުލު ކުރެވިފަ. އަދި ކަލޭގެފާނު އަވަހާރަވެ ވަޑައިގެން ޤުރުބާންވި، އަދި ކަލޭގެފާނުގެ ލެއިން ކަލޭގެފާނު މާތްކަލާނގެއަށްޓަކައި މީހުން ގަނެދެއްވައިފީމު. އޭގެތެރޭގައި އެންމެހައި ޤަބީލާތަކުންނާއި، ބަހުރުވަތަކުންނާއި، ނަސްލުތަކުންނާއި، ޤައުމުތަކުން އައި މީހުން ހިމެނޭ.