ހާމަކޮށްދެއްވުންތަކެއް 1:13 - ކިތާބުލް މުޤައްދަސާ

¹³ އަދި އެ ތަކެތީގެ މެދުގައި އިންސާނާގެ ދަރިކަލުން ފަދަ މީހަކު ވިއެވެ. އެމީހަކު ލައިގެން ހުރި ރިދާކޮޅު އެމީހެއްގެ ފައިތިލައާއި ހަމައަށް ދިގުވެގެންވިއެވެ. އަދި މޭމަތީގައި ވަށައިގެން ރަން ބާސްކީއްޔެއް އަޅާފައިވިއެވެ.

ހާމަކޮށްދެއްވުންތަކެއް 1:13 ပူးပေါင်းရင်းမြစ်များ

ނެރުއްވުން 39:5

އަދި ޒީނަތްތެރި ކުރެވިފައިވާ ކަމަރު ވެސް ހަދާފައި ވަނީ މޮޅު ލިނެން ފޮތިންނެވެ. އެވެސް ވަނީ ރަނާއި ނުލާއި ދަނބާއި ގަދަރަތް ރޮދިން ޖަރީކޮށްފައެވެ. އެއީ ވެސް މާތްރަސްކަލާނގެ މޫސާގެފާނަށް އެންގެވި ފަދައިންނެވެ.

ޢިބްރާނީންނަށް ސިޓީ 4:15

އެ އުއްތަމަ އިމާމު އަހަރެމެންގެ ބަލިފައި ދެނެވަޑައިގަންނަވަ އެވެ. އެހެނީ އަހަރެމެންނާ ކުރިމަތިވި ހުރިހާ އިމްތިހާނެއް އެކަލޭގެފާނާ ވެސް ވަނީ ކުރިމަތިވެފައެވެ. ވިޔަސް އެކަލޭގެފާނު ފާފައެއް ނުކުރައްވައެވެ.

ހާމަކޮށްދެއްވުންތަކެއް 14:14

އެއަށް ފަހު، އަހަރެން ބަލައިލީމެވެ. އަދި އަހަރެންގެ ކުރިމަތީގައި ހުދު ކުލައިގެ ވިލާގަނޑެއް ވަނިކޮށް އަހަރެން ދުށީމެވެ. އަދި އެ ހުދު ކުލައިގެ ވިލާގަނޑުގައި އިށީނދެ ވަޑައިގެން އިންނެވީ އިންސާނާގެ ދަރިކަލުން ހެން ހީވާ މީހެކެވެ. އެކަލޭގެފާނުގެ އިސްތަށިފުޅުގައި ރަނުގެ ތާޖެއް ވިއެވެ. އަދި ވަރަށް ތޫނު ބަޅުވަޅިއެއް އެކަލޭގެފާނުގެ އަތްޕުޅުގައި އޮތެވެ.

ހާމަކޮށްދެއްވުންތަކެއް 15:6

ހަތް އާފާތްތައް ހިފަހައްޓަވައިގެން ތިއްބެވި ހަތް މަލާއިކަތުން މާތްކަލާނގެ ގެކޮޅުން ބޭރަށް ނުކުމެ ވަޑައިގަތެވެ. އެ މަލާއިކަތުން ތުރުކުރައްވައިގެން ތިއްބެވި ސާފު ލިނެން ފޮތީގެ ފޭރާން ކޮޅުތައް ބަބުޅަމުން ދިޔައެވެ. އެ މަލާއިކަތުންގެ މޭމަތިފުޅުގެ ވަށައިގެން ރަން ބާސްކީލިތަކެއް އެޅުވިގެން ވިއެވެ.

ހާމަކޮށްދެއްވުންތަކެއް 2:1

”⁠އެފޭސުސްގެ މަސީޙީ ޖަމާޢަތުގެ މަލާއިކަތާއަށް ލިޔޭ: މި ޚަބަރަކީ ކަނާއަތުން ހަތް ތަރި ހިފަހައްޓައިގެން ހުރެ ބައްތި އަޅުވާ ރަނުގެ ހަތް ހަރުގެ މެދުގައި ހިނގަމުން ދިޔަ ފަރާތުން ދިން ޚަބަރެއް.