މަރުކުސް 9:50 - ކިތާބުލް މުޤައްދަސާ

⁵⁰ ލޮނަކީ ރަނގަޅު އެއްޗެއް. އެހެނަސް ލޮނުން ލޮނުރަހަ ކެނޑިއްޖެނަމަ ތިޔަބައިމީހުންނަށް އޭގެ ތާސީރު އަލުން އަނބުރާ ގެނެވޭނެތަ؟ ތިޔަބައިމީހުން ވެސް އެއްބަޔަކު އަނެއްބަޔަކާއެކު ލޮނުހެޔޮ ގޮތުގައި އެއްބައިވަންތަކަން ގާއިމުކޮށް އަދި އެކަކު އަނެކަކާއެކު ސުލްޙަވެރިކަން މަތީ ދުނިޔެ ވޭތުކުރެވޭތޯ ބަލާ.⁠“

މަރުކުސް 9:50 ပူးပေါင်းရင်းမြစ်များ

މައްތާ 5:13

”⁠ތިޔަބައިމީހުންނަކީ މި ދުނިޔޭގައިވާ މީހުންނަށް ލޮނުފަދަ ބައެއް. ނަމަވެސް ލޮނުން އޭގެ ލޮނުރަހަ ކެނޑިއްޖެނަމަ އޭގެ ތާސީރުކަން އަލުން އަނބުރައެއް ނުގެނެވޭނެ. އޭރުން އެ އުކާލައި އަދި އޭގެމަތީގައި ހިނގުން ފިޔަވައި އޭގެ އިތުރު ބޭނުމެއް ނޯންނާނެ.

މަރުކުސް 9:34

ނަމަވެސް އެބޭކަލުން އެކަލޭގެފާނަށް ޖަވާބެއް ނުދެއްވައެވެ. ސަބަބަކީ އެރަށަށް އައި މަގުމަތީގައި އެބޭކަލުންގެ މެދުގައި ޚިލާފު އުފެދި ދެބަސްވެވުނީ އެބޭކަލުންގެ މެދުގައި އެންމެ މަތިވެރިވާނީ ކޮންބޭކަލެއް ކަމާއިމެދުގައެވެ.

މަރުކުސް 9:49

އެހެންވީމާ، ހުރިހާ އެންމެންނަށް އަލިފާނުން ލޮނުލައި ދެވޭނެ.

ގަލާތިޔާގެ މަސީޙީންނަށް ސިޓީ 5:22

ނަމަވެސް އަހަރެމެންގެ ދިރިއުޅުމުގެ މައްޗަށް ބާރުފޯރުވާ ފަރާތަކީ މާތްރޫޙުފުޅު ކަމުގައި ވަނީނަމަ އެރޫޙުފުޅުގެ ސަބަބުން އަހަރެމެންގެ ދިރިއުޅުމުގައި މިފަދަ ސިފަތަކާއި އަމަލުތައް ވާނެ: ލޯބިވުން، އުފާވެރިކަން، ފުރާނައިގެ ހިތްހަމަޖެހުން، ކެތްތެރިކަން، ހިތްހެޔޮކަން، ރަނގަޅުކަން، ތެދުވެރިކަން،

އެފޭސުސްގެ މަސީޙީންނަށް ސިޓީ 4:29

ހަޑިހުތުރު ބަސްތަކުން ތިޔަބައިމީހުންގެ ދޫ ރައްކާތެރިކުރާށެވެ. ވަގުތާ ޙާލަތަށް ބަލައި މީހުންނަށް ފައިދާހުރި ހެޔޮބަސްތަކުން މުޚާތަބުކުރާށެވެ. އޭރުން އެބަސްތަކުގެ އަޑުއިވޭ ފަރާތްތަކަށް ހިތްވަރު ލިބިދޭނެއެވެ.

ފިލިއްޕީގެ މަސީޙީންނަށް ސިޓީ 1:27

މި ހިނދު، އަހަރެންނަށް ދެވުނަސް އަދި ނުދެވުނަސް އެންމެ މުހިންމު ކަމަކީ ތިޔަބައިމީހުންގެ ދިރިއުޅުން އިންޖީލުގައި އަލްމަސީޙު އެދިވަޑައިގަންނަވާ ގޮތަށް ބިނާ ކުރުމެވެ. އޭރުން ތިޔަބައިމީހުން އެއްބައިވަންތަ ކަމާއެކުގައި ފުރިހަމައަށް ގާއިމުވެ ތިބެ ކުރިޔަށް ދިޔައީ އިންޖީލުގައި އަލްމަސީޙު އެންގެވި މަގުސަދާ އެއްގޮތްވާ ގޮތުގެ މަތިން އެންމެންއެކީގައި އީމާންތެރިކަމުގެ ރޫޙުގައި ހިތްވަރު ކުރަމުން ދާ ކަން އަހަރެންނަށް އެނގޭނެއެވެ.

ކުލޫއްސީގެ މަސީޙީންނަށް ސިޓީ 3:12

ތިޔަބައިމީހުންނަކީ މާތްކަލާނގެ ހޮއްވަވާފައިވާ ބަޔަކަށްވެ އެކަލާނގެ ލޯބިވެވޮޑިގަންނަވާ ބަޔަކަށް ވާތީ ތިޔަބައިމީހުންގެ ކިބައިގައި ހިތްހެޔޮކަމާއި، ރަހުމާއި، އޯގާވެރިކަމާއި، ހިތްތިރިކަމާއި، މަޑުމައިތިރިކަމާއި، އަދި ކެތްތެރިކަމުގެ ފޭރާމުން ފޭރާން ލާށެވެ.

ކުލޫއްސީގެ މަސީޙީންނަށް ސިޓީ 4:6

ހިތްގައިމުކަމާއި ޝައުގުވެރިކަން އެކުލެވޭ ގޮތުގައި އެމީހުންނާ ވާހަކަ ދައްކާށެވެ. އޭރުން އެމީހުންގެ ސުވާލުތަކަށް ރަނގަޅުގޮތުގައި ޖަވާބު ދެވޭނެއެވެ.

ތިސަލޯނިކާގެ މަސީޙީންނަށް ފުރަތަމަ ސިޓީ 5:13

އެބައިމީހުން ކުރި މަސައްކަތާއި މެދު ލޯތްބަކާއިއެކު އެބައިމީހުންނަށް ޚާއްސަގޮތެއްގައި ޤަދަރު ކުރާށެވެ. ތިޔަބައިމީހުންގެ މެދުގައި އެކަކު އަނެކަކަށް ސުލްޙައިގައިވާށެވެ.

ތިމޮތީއަށް ދެވަނަ ސިޓީ 2:22

ޒުވާންކަމުގެ ފާހިޝް އެދުންތަކުން އުފެދިދާނެ ވަސްވާސްތަކުން އެކަހެރިވާށެވެ. އެއާ ޚިލާފަށް ސާފު ހިތަކުން ދުޢާ ކުރާ މީހުންނާއި އެކުގައި ޞާލިޙު، ވަފާތެރި އީމާނަކާއި ލޮބުވެތި ސުލްޙަވެރި ދިރިއުޅުމެއް އުޅެމުން ދާށެވެ.

ޢިބްރާނީންނަށް ސިޓީ 12:14

ކަލޭމެން ސުލްޙަވެރިކަމާއެކު އެންމެންނާއެކު އެކުއުޅެވޭތޯ ބަލާށެވެ. އަދި ތާހިރު މުޤައްދަސް ދިރިއުޅުމެއް އުޅޭށެވެ. އެފަދަ ދިރިއުޅުމެއް ނޫޅެ މާތްރަސްކަލާނގެ ޙަޟްރަތަކަށް ނުދެވޭނެއެވެ.

ޔާމިޒުގެ ސިޓީ 1:20

ސަބަބަކީ މާތްރަސްކަލާނގެ އެދިވޮޑިގަންނަވާފަދަ އިޚުލާސްތެރި ޙަޔާތެއްގައި ވުމަށް ކަލޭމެންނަށް ރުޅި އެހީތެރިވެ ނުދޭނޭތީއެވެ.

ޕަތަރަސްގެ ފުރަތަމަ ސިޓީ 3:8

ޚުލާސާގޮތެއްގައި ލިޔަމެވެ. ތިޔަބައިމީހުން އެއްވިސްނުމެއްގައި ތިބެ، އެކަކު އަނެކަކާ މެދު ހަމްދަރުދީވެ، އެކަކު އަނެކަކަށް ނިއަނެތިކަމާއި ހިތްތިރިކަމާއެކު ހިތުގެ ފުންމިނުން ލޯބިވާށެވެ.