މަރުކުސް 6:36 - ކިތާބުލް މުޤައްދަސާ

³⁶ މީސްތަކުން ފޮނުވާލައްވާ، އޭރުން އެބައިމީހުންނަށް މިތާ ކައިރީގައިވާ އަވަށްތަކުން ނޫނީ މި ސަރަހައްދުގެ ދަނޑުތަކުން ކާނޭ އެއްޗެއް ގަނެވިދާނެ.⁠“

މަރުކުސް 6:36 ပူးပေါင်းရင်းမြစ်များ

މައްތާ 15:23

ނަމަވެސް އެ އަންހެނާއަށް އީސާގެފާނު އެއްވެސް ޖަވާބެއް ނުދެއްވާ ހަމަހިމޭނުން ހުންނެވިއެވެ. ވީމާ އީސާގެފާނުގެ އަސްޙާބީން އެކަލޭގެފާނުގެ އަރިހަށް އައިސް އާދޭސް ދެންނެވިއެވެ. ”⁠އެ އަންހެނާއަށް މިތަނުން ދިއުމަށް ވިދާޅުވޭ. އެ އަންހެނާ އެއަންނަނީ އަޅުގަނޑުމެންގެ ފަސްފަހަތުން ނުނެއްޓި ހަޅޭއްލަވަމުން.⁠“

މައްތާ 16:22

އީސާގެފާނު އެއްފަރާތަށް ގެންދަވާ އެ ވާހަކަތައް ހުއްޓުވުމަށް ޕަތަރަސް އެކަލޭގެފާނަށް ދެންނެވިއެވެ. ”⁠މާތްސާހިބާ. މާތްރަސްކަލާނގެ ކަލޭގެފާނު އެފަދަ ކޮންމެ ކަމަކުން ސަލާމަތްކޮށްދެއްވާނެ! އެފަދަ އެއްވެސް ކަމެއް ކަލޭގެފާނާއި ދިމަލެއް ނުވާނެ!⁠“

މަރުކުސް 3:21

އަދި މީސްތަކުން އެކަލޭގެފާނާއި ދިމާލަށް ”⁠އޭނާ ވަނީ ބުއްދި ފިލައިގެންގޮސްފަ!⁠“ ކަމުގައި ބުނަމުން ގެންދާ ޚަބަރު އެކަލޭގެފާނުގެ އާއިލާއަށް ލިބުމުގެ ސަބަބުން އެމީހުންގެ ބެލުމުގެދަށަށް އެކަލޭގެފާނު ގެންދިއުމަށް މަސައްކަތް ކުރެއްވިއެވެ.

މަރުކުސް 5:31

އެ ހިނދު އެކަލޭގެފާނުގެ އަސްޙާބީން ޖަވާބުދެއްވިއެވެ. ”⁠ބައްލަވާ. ކިހާ މީހުންނެއްތޯ މިތަނުގެވަށައިގެން މިވަނީ. ކާކުތޯ އަތްލީ ތިޔަ ވިދާޅުވެލެއްވީ ކީއްވެތޯ؟⁠“

މަރުކުސް 6:35

އަދި އިރުއޮއްސުމާއި ކައިރިވެފައި ވަނިކޮށް އަސްޙާބީން އެކަލޭގެފާނުގެ އަރިހުގައި ދެންނެވިއެވެ. ”⁠މިއީ މީހުން އުޅޭ ސަރަހައްދެއް ވެސް ނޫން. އަދި މިހާރު މާލަސްވެއްޖެ.

މަރުކުސް 6:37

އެ ހިނދު އީސާގެފާނު ވިދާޅުވިއެވެ. ”⁠ތިޔަބައިމީހުން، އެމީހުންނަށް ކާނޭ ކޮންމެވެސް އެއްޗެއް ދީ!⁠“ އެބޭކަލުން ދެންނެވިއެވެ. ”⁠ކަލޭގެފާނު ތިޔަ އެދިލައްވަނީ އެބައިމީހުންގެ ކެއުމަށް ރޮއްޓާއި އެހެނިހެން ތަކެތި ގަތުމަށް އަޅުގަނޑުމެން ގޮސް ދުއިސައްތަ ރިހި ލާރި ޚަރަދު ކުރެއްވުމަށްތޯ؟⁠“