މަރުކުސް 6:17 - ކިތާބުލް މުޤައްދަސާ

^17-18 ހެރޮދު އޭނާގެ އަމުރަށް ޔަޙުޔާގެފާނު ހައްޔަރުކުރައްވާ ޖަލުގައި ބެހެއްޓިއެވެ. މި ގޮތަށް ހެރޮދު އަމަލުކުރި ސަބަބަކީ ހެރޮދު ކައިވެނި ކުރި އަންހެނާ، ހެރޯދިޔާސްއަކީ އޭނާގެ ކޮއްކޮ ފިލިޕުގެ އަނބިމީހާ ކަމުގައި ވުމާއި ޔަޙުޔާގެފާނު ހެރޮދަށް ކުރުނުކުރައްވާ ވިދާޅުވުމުންނެވެ. ”⁠ތިބާގެ ކޮއްކޮގެ އަންހެނުންނާއި އިނުމަކީ ތިބާއަށް ހުއްދަވެގެންވާ ކަމެއް ނޫން!⁠“

މަރުކުސް 6:17 ပူးပေါင်းရင်းမြစ်များ

މައްތާ 11:2

އެ ހިނދު ޔަޙުޔާގެފާނު ޖަލުގައި ހުންނަވަނިކޮށް އަލްމަސީޙު ކުރައްވަމުން ގެންދަވާ މަސައްކަތްޕުޅުގެ ޚަބަރު އެކަލޭގެފާނަށް ލިބިވަޑައިގެންނެވިއެވެ. އަދި ޔަޙުޔާގެފާނުގެ އަސްޙާބީން އީސާގެފާނުގެ އަރިހަށް ފޮނުވައި ސުވާލު ކުރެއްވިއެވެ.

މައްތާ 4:12

ޔަޙުޔާގެފާނު ޖަލުގައި ހައްޔަރު ކުރެވުނު ޚަބަރު އީސާގެފާނަށް ލިބިވަޑައިގެންނެވުމުން އެކަލޭގެފާނު ގަލީލީއަށް އެނބުރިވަޑައިގެންނެވިއެވެ.

މަރުކުސް 6:16

މި ޚަބަރު ހެރޮދު ރަސްގެފާނަށް ލިބުމާއެކު ބުންޏެވެ. ”⁠އޭނާ އަކީ ޔަޙުޔާގެފާނޭ! އޭނާގެ ބޮލާއި ކަނދުރާ ވަކިކޮށްލީ އަހަރެން، އެކަމަކު އޭނާ އަލުން ދިރިގެން އައީ އޭ!⁠“ މިކަން ހިނގައިދިޔައީ މިފަދައިންނެވެ.

ލޫކާސް 3:1

ކައިސަރު ތިބޭރިޔުސްގެ ވެރިކަމުގެ ފަނަރަވަނަ އަހަރުގައި ޕޮންތިޔުސް ޕިލާތުސް ޖުދެއާގެ ގަވަރުނަރަކަށް ހުންނެވި އިރު ގަލީލީގެ ވެރިއަކަށް ހުންނެވީ ހެރޮދު އެވެ. ހަމަ އެދުވަސްވަރު އޭނާގެ ބޭބެ ފިލިޕު އިތުރެޔާ އާއި ތުރަކޯނިތިސްގެ ވެރިއަކަށް ހުންނެވިއެވެ. އަދި އަބީލީނާގެ ވެރިއަކަށް އޭރު ހުންނެވީ ލިސަނިޔާހު އެވެ.