މަރުކުސް 4:4 - ކިތާބުލް މުޤައްދަސާ

⁴ އޭނާ އޮށްތައް އުކަމުން ދިޔަ އިރު އޭގެ ތެރެއިން ބައެއް އޮށް މީހުން ހިނގާ މަގުމައްޗަށް އެޅުނު. އަދި ދޫނިތައް އައިސް އެ އޮށްތައް ކައި ހުސްކުރި.

މަރުކުސް 4:4 ပူးပေါင်းရင်းမြစ်များ

މައްތާ 13:19

މަގުމައްޗަށް އެޅުނު އޮށްތަކަކީ މާތްރަސްކަލާނގެ ރަސްކަންފުޅާއި ބެހޭ ޚަބަރުފުޅު އަޑުއިވުނު މީހުން. ނަމަވެސް އެ ބަސްފުޅުގެ މާނަ އެބައިމީހުންނަކަށް އެނގިގެންނުވި. ވީމާ ޝައިތާނާ އައިސް އެބައިމީހުންގެ ހިތްތަކުގައި ވާ އެކަލާނގެ ބަސްފުޅު އަތުލައިގަތް.

މައްތާ 13:4

އޭނާ ދަނޑަށް އޮށްތައް އުކަމުން ގެންދިޔަ އިރު އޭގެ ތެރެއިން ބައެއް އޮށްތައް މީހުން ހިނގާ މަގުމައްޗަށް އެޅުނު. އަދި އެ އޮށްތައް ދޫނިތައް ކައި ހުސްކުރި.

މަރުކުސް 4:15

ބައެއް މީހުންނަކީ ހިނގާ މަގުގެ މައްޗަށް އެޅުނު އޮށްތައް ފަދަ ބައެއް. އެމީހުންނަށް މާތްރަސްކަލާނގެ ބަސްފުޅު އަޑުއިވޭ. އެހެނަސް ޝައިތާނާ އެމީހުންގެ ކިބައިން އެބަސްފަޅު އަވަހަށް އަތުލައިގަނޭ.

މަރުކުސް 4:3

”⁠ކަނުލައި އަޑުއަނހާ! ދަނޑުވެރިއަކު ގޮވާން ކުރުމަށްޓަކައި އޭނާގެ ދަނޑަށް އޮށް އުކަމުން ގެންދިޔަ.

މަރުކުސް 4:5

އޭގެ ތެރެއިން ބައެއް އޮށް ފަސްމަދު ހިލަ ބިމުގެ މައްޗަށް އެޅުނު. ފަސްގަނޑުގެ ތިލަކަމުން މި އޮށްތަކުން އަވަސް ކަމާއެކު ގަސްފެޅި.

ލޫކާސް 8:12

ހިނގާ މަގު މައްޗަށް އޮހުނު އޮށްތަކުގެ މިސާލަކީ މާތްރަސްކަލާނގެ ބަސްފުޅުތަކުގެ އަޑު އިވުނު ނަމަވެސް އިބިލީސް އެމީހުންގެ ހިތްތަކުގައި ވާ އެކަލާނގެ ބަސްފުޅުތައް އަތުލުމުން އެމީހުން އެބަސްފުޅުތައް ގަބޫލު ނުކުރުމުގެ ސަބަބުން ދިންނެވުން ނުލިބޭ މީހުންގެ މިސާލު.

ލޫކާސް 8:5

”⁠އެއްދުވަހަކު ދަނޑުވެރިއަކު އޭނާގެ ދަނޑުގައި ގޮވާން ކުރުމަށް އޮށް އިންދުމަށްޓަކައި ދިޔަ. އޭނާ އެ އޮށްތައް އުކަމުން ދިޔައިރު ބައެއް އޮށް މީހުން ހިނގާ މަގު މައްޗަށް އޮހުނު. އެއޮށްތައް ހިނގާ މީހުންގެ ފައިން އެރި ހަލާކުވެ އަދި ދޫނިތައް ކެއުމުގެ ސަބަބުން ނެތި ހިނގައްޖެ.