މަރުކުސް 3:5 - ކިތާބުލް މުޤައްދަސާ

⁵ އީސާގެފާނު ކޯފާވެވަޑައިގެންހުންނަވާ ވަށައިގެންވީ މީސްތަކުންނާއި ދިމާއަށް ބައްލަވައި ލެއްވިއެވެ. ނަމަވެސް އެމީހުންގެ ގޮތްދޫނުކުރުމާއި ހިތްހަރު ކަމުގެ ސަބަބުން އެމީހުންނާއި މެދު އެކަލޭގެފާނު އެވަގުތު ވެސް ހިތާމަ ކުރެއްވިއެވެ. ދެން އަތް ވައުވެފައި ވީ ފިރިހެނާއަށް އެކަލޭގެފާނު ވިދާޅުވިއެވެ. ”⁠ތިބާގެ އަތް ދަމާލާ.⁠“ އެ ފިރިހެނާ އޭނާގެ އަތް ދަމާލިއެވެ. އަދި އޭނާގެ އަތް ފުރިހަމައަށް ރަނގަޅު ވިއެވެ.

މަރުކުސް 3:5 ပူးပေါင်းရင်းမြစ်များ

ފެށުން 6:6

މާތްރަސްކަލާނގެ އިންސާނުން ހެއްދެވުނީތީ އެކަމާ ހިތާމަފުޅު ކުރެއްވިއެވެ. އެކަލާނގެ ހިތްޕުޅުވަނީ ވޭނުން ފުރިފައެވެ.

މައްތާ 12:13

ދެން އެމީހާއަށް އީސާގެފާނު ވިދާޅުވިއެވެ. ”⁠ތިބާގެ އަތް ދަމާލާ.⁠“ އެމީހާ އޭނާގެ އަތް ދަމާލިއެވެ. އަދި އޭނާގެ އަނެއް އަތެކޭ އެއްފަދައިން އެ އަތް ރަނގަޅުވެއްޖެއެވެ.

މަރުކުސް 3:4

އެއަށް ފަހު އެމީހުންނާ އެކަލޭގެފާނު ސުވާލު ކުރެއްވިއެވެ. ”⁠ސަބަތުގެ ދުވަހެއްގައި އަހަރެމެންގެ ޤާނޫނު ހުއްދަ ކުރަނީ ކޮންކަމެއް ކުރުމަށް؟ އެހީތެރިވެ ދިނުމަށްތަ؟ ނޫނީ އަނިޔާވެރި ވުމަށްތަ؟ މީހެއްގެ ފުރާނަ ސަލާމަތް ކުރުމަށްތަ؟ ނޫނީ އެ ފުރާނައެއް ނެތިކޮށްލުމަށްތަ؟⁠“ ނަމަވެސް އެމީހުން އެއްވެސް އެއްޗެއް ނުބުނެއެވެ.

ލޫކާސް 13:15

މާތްސާހިބާ ވިދާޅުވިއެވެ. ”⁠ކަލޭމެންނަކީ މުނާފިޤުންގެ ބައެއް! ކަލޭމެންގެ ތެރެއިން ކޮންމެ މީހަކު ވެސް އޭނާގެ ގެރި ނޫނީ ހިމާރު ފެން ބޮވައިގަންފި ނަމަ ސަބަތުގެ ދުވަހުގައި ވިޔަސް އެ އެތި މޮހައިލައި އެއަށް ފެން ދިނުމަށްޓަކައި ނުގެންދާނަން ތަ؟

ލޫކާސް 17:14

އީސާގެފާނު މިބައިމީހުން ދެކެވަޑައިގެން ވިދާޅުވިއެވެ. ”⁠ކަލޭމެންގެ ހަށިގަނޑު އިމާމުންނަށް ދައްކަން ދޭ.⁠“ މިބައިމީހުން އިމާމުންގެ ގާތަށް ދާން ދިޔަ މަގުމަތީ މިބައިމީހުންގެ ބަލި ފަސޭހަވެ ސާފުތާހިރު ވެއްޖެއެވެ.

ލޫކާސް 6:10

އީސާގެފާނު ވަށައިގެން އެނބުރިވަޑައިގަތް އެންމެންގެ މޫނުތަކަށް ބައްލަވާ ލެއްވިއެވެ. ދެން އަތް ވާވެފައިވާ މީހާއަށް އީސާގެފާނު ވިދާޅުވިއެވެ. ”⁠އަތް ދަމާލާ.⁠“ މިމީހާ އީސާގެފާނު އެވިދާޅުވި ފަދައިން ކަން ކުރިއެވެ. ހަމަ އެވަގުތު އޭނާގެ އަތުގައި ބާރުޖެހި މުޅިން ރަނގަޅު ވެގެން ދިޔައެވެ.

ޔޫޙަންނާ 9:7

އީސާގެފާނު އެމީހާއަށް ވިދާޅުވިއެވެ. ”⁠ސިލުވާމު (މިބަހުގެ މާނައަކީ ފޮނުވި) އޭކިޔުނު ވެވަށް ގޮސް އެވެވުން ލޯ ދޮވެލާ.⁠“ އެމީހާ އެވެވަށް ގޮސް ލޯ ދޮވެގެން އައި އިރު އޭނާގެ ލޮލަށް ވަނީ އަލިވެފައެވެ.

އެފޭސުސްގެ މަސީޙީންނަށް ސިޓީ 4:18

އެބައިމީހުންގެ ވިސްނުން ވަނީ މުޅިން އަނދިރިވެފައެވެ. އެހެނީ އެބައިމީހުންގެ ގޮތްދޫނުކުރުމާއި ޖާހިލުކަމުގެ ސަބަބުން މާތްރަސްކަލާނގެ އެބައިމީހުންނަށް ދެއްވާ ޙަޔާތު އެބައިމީހުންނަށް ވަނީ ގެއްލެނި ވެގެންނެވެ.

އެފޭސުސްގެ މަސީޙީންނަށް ސިޓީ 4:26

ފާފަވެރި ވެދާފަދަ މިންވަރަށް ތިޔަބައިމީހުން ރުޅި ނާންނާށެވެ. އަދި ރުޅިވެރިކަމުގައި ތިއްބާމެ އިރު އޮއްސުނަ ނުދޭށެވެ.

އެފޭސުސްގެ މަސީޙީންނަށް ސިޓީ 4:30

އަދި ތިޔަބައިމީހުންގެ އަމަލުތަކުގެ ސަބަބުން މާތްރަސްކަލާނގެ މާތްރޫޙުފުޅަށް ހިތްދަތިކަން ލިބުނަ ނުދޭށެވެ. އެ ރޫޙުފުޅަކީ ތިޔަބައިމީހުން ޤިޔާމަތް ދުވަހުން ފާފަތަކުން މިނިވަން ކޮށް ދެއްވާނެކަމުގެ ޔަޤީންކަން ލިއްބައިދޭ ފާހަގައެވެ.

ޢިބްރާނީންނަށް ސިޓީ 3:10

އެމީހުންދެކެ ފޫހިވެގެން ތިމަންކަލާނގެ މިހެން ވަޙީކުރެއްވީމެވެ. ’⁠އެމީހުންގެ ހިތްތައް ތިމަންކަލާނގެއާ ދުރަށް އަނބުރައެވެ. ތިމަންކަލާނގެ އަންގަވާގޮތެއް އެމީހުން ނަހަދައެވެ.⁠‘

ޢިބްރާނީންނަށް ސިޓީ 3:17

ސާޅީސް އަހަރުވަންދެން މާތްރަސްކަލާނގެ ކޯފާ އިސްކުރުވީ ކޮން ބައެއްހެއްޔެވެ؟ އެއީ ހަނަފަސް ސަހަރާގެ ތެރޭގައި ފާފަވެރިވެގަނެ އެތާ މަރުވި މީހުން ނޫންހެއްޔެވެ؟

ޢިބްރާނީންނަށް ސިޓީ 5:9

މިގޮތުގެ މަތިން އެކަލޭގެފާނު ފުރިހަމަވެ ވަޑައިގަތެވެ. އަދި އެކަލޭގެފާނަށް ކިޔަމަންތެރިވާ އެންމެހާ މީސްތަކުންނަށް ދާއިމީ ދިންނެވުން ދެއްވުމުގެ ވަސީލަތަކީ އެކަލޭގެފާނު ކަމުގައި ހަމަޖެހިގެން ދިޔައެވެ.

ހާމަކޮށްދެއްވުންތަކެއް 6:16

ފަރުބަދަތަކާއި ހިލަތަކަށް އެބައިމީހުން ގޮވަމުން ގެންދިޔައެވެ. ”⁠ތަޚުތުގައި އިންނެވި ފަރާތުގެ ލޯފުޅަށާއި އަދި ޅަކަންބަޅީގެ ކޯފާއަށް އަހަރެމެން ނުފެންނާނޭ ފަދައިން އަހަރެމެންގެ މައްޗަށް ފައިބައިގެންދޭ.

1 ޞަމޫއީލް 20:34

ޔޫނަތައިން އައި ރުޅީގައި އޭނާ އިން ގޮނޑިން ތެދުވިއެވެ. އޭނާ ކެއުން ހުއްޓާލައި ޖާފަތް ދޫކޮށް ހިނގައްޖެއެވެ. އޭނާ ހުރީ ދާއޫދާ މެދު ބައްޕާފުޅު މިކަންތައް ކުރައްވާ ލަދުގަންނަން ޖެހޭ ފަދަ ގޮތާ މެދު ނުރުހިފަ އެވެ.