މަރުކުސް 15:15 - ކިތާބުލް މުޤައްދަސާ

¹⁵ އެއްވެފައިވާ މީސްތަކުންގެ ހިތްހަމަ ޖައްސައި ދިނުމުގެ ގޮތުން ޕިލާތުސް ބަރައްބާސް މިނިވަން ކޮށްދިނުމަށް ފަހު އީސާގެފާނުގެ ހަށިކޮޅުގައި ޗާބޫކުން ތެޅުމަށް ބުނެ ސަލީބަށް އެރުމަށްޓަކައި ސިފައިންނާއި ޙަވާލު ކުރިއެވެ.

މަރުކުސް 15:15 ပူးပေါင်းရင်းမြစ်များ

ހަރުބަސްތައް 29:25

މީހުން ދެކެ ބިރުގަތުމަކީ ނުރައްކާތެރި ދަންތުރައެކެވެ. މާތްރަސްކަލާނގެ ކިބަފުޅަށް ވަކީލު ކުރުމުން އަމާން ކަން ލިބެއެވެ.

މައްތާ 20:19

އެއަށް ފަހު ބަނީއިސްރާއީލުން ނޫން ދަރިކޮޅުގެ މީސްތަކުންނާއި އޭނާ ޙަވާލު ކުރެވާނެ. އަދި އެބައިމީހުން އޭނާއަށް މަލާމާތާއި ފުރައްސާރަކޮށް ހަދާނެ. އަދި އެބައިމީހުން އޭނާގެ ގައިގައި ހަންމުށިން ތެޅުމަށް ފަހު ސަލީބަށް އަރުވާނެ. އެކަމަކު އޭނާ އަވަހާރަ ވުމަށް ފަހު ތިންވަނައަށް ވާ ދުވަހު އަލުން ދިރިގެން ތެދުވާނެ.⁠“

މައްތާ 27:26

ދެން އެބައިމީހުންނަށް ޓަކައި ބަރައްބާސް މިނިވަން ކުރިއެވެ. އަދި އީސާގެފާނުގެ ހަށިކޮޅުގައި ހަންމުށި އެޅުމަށް ފަހު ސަލީބަށް އެރުވުމަށް ޓަކައި ރޯމަނުންގެ ސިފައިންނާއި ޙަވާލު ކުރިއެވެ.

މަރުކުސް 10:34

އެބައިމީހުން އޭނާއަށް މަލާމާތްކޮށް ހީނހަދައި އޭނާ ގަޔަށް ކުޅުޖަހާނެ. އެބައިމީހުން އޭނާގެ ގައިގައި ހަންމުށިން ތަޅުމަށް ފަހު މަރާލާނެ. އަކަމަކު ތިން ދުވަސް ފަހުން އޭނާ އަލުން ދިރިގެން ތެދުވާނެ.⁠“

މަރުކުސް 15:14

އެ ހިނދު ޕިލާތުސް ބުންޏެވެ. ”⁠އޭނާ ކުރީ ކޮން ކުށެއް؟⁠“ ހިނދެއް ހިނދަކަށް މީސްތަކުންގެ އަޑުގަދަވެ ގޮވަމުން ދިޔައެވެ. ”⁠އޭނާ ސަލީބަށް އަރުވާ!⁠“

ލޫކާސް 18:33

ހަންމުށިން އެކަލޭގެފާނުގެ ގައިކޮޅުގައި ތަޅާ އަނިޔާކޮށް އަދި އެކަލޭގެފާނު އަވަހާރަ ކޮށްލާނެ. ނަމަވެސް އަވަހާރަ ކޮށް ލެވޭތާ ތިންވަނައަށް ވާ ދުވަހު އެކަލޭގެފާނު އަލުން ދިރި ވަޑައިގަންނަވާނެ.⁠“

ލޫކާސް 23:16

ވީމާ އޭނާގެ ގައިގައި ހަންމުށި އެޅުމަށް ފަހު މިނިވަން ކުރުމަށް އަހަރެން ޙުކުމްކުރާނަން.⁠“

ޔޫޙަންނާ 19:1

ދެން ޕިލާތުސްގެ އަމުރަށް އީސާގެފާނުގެ ގައިކޮޅުގައި ޗާބޫކަކުން ތެޅިއެވެ.

ޔޫޙަންނާ 19:16

ދެން ޕިލާތުސް އީސާގެފާނު ސަލީބަށް އެރުވުމަށް ސިފައިންނާއި ހަވާލުކުރިއެވެ. ދެން ރޯމުގެސިފައިން އީސާގެފާނު ގޮވައިގެން އެތަނުން ދިޔައެވެ.

މަންދޫބުންގެ މަސައްކަތް 24:27

މިހެން ގޮސް ދެ އަހަރު ދުވަސް ފާއިތުވެދިޔައެވެ. ދެން އެއަށް ފަހު ޕޮރުސިޔުސް ފެސްތުސް އެ ރަށުގެ ގަވަރުނަރު ކަމުގައި ކަނޑައެޅުނެވެ. އެކަމު ފެލިކުސް ބަނީއިސްރާއީލު ވެރިންގެ ރުހުން ހޯދުމަށްޓަކައި ޕައުލް ޖަލުގައި ބެހެއްޓިއެވެ.

މަންދޫބުންގެ މަސައްކަތް 25:9

ފެސްތުސް ވެސް ބަނީއިސްރާއީލު މީހުންގެ ރުހުން ހޯދުމުގެ ގޮތުން ޕައުލްއަށް ވިދާޅުވިއެވެ. ”⁠އަހަރެންގެ ކުރިމަތީގައި މި ކަންތައްތަކުގެ ޝަރީއަތް ބެލުމަށް ޖެރޫސަލަމަށް ދިއުމަށް ކަލޭ ގަބޫލު ތަ؟⁠“

ގަލާތިޔާގެ މަސީޙީންނަށް ސިޓީ 1:19

ދެން އިތުރުން އަހަރެން ބައްދަލުކުރި މަންދޫބަކީ އަޅުގަނޑުމެންގެ މާތްސާހިބާ އީސާގެފާނުގެ ކޮއްކޯފުޅު ޔާމިޒުއެވެ.

ޕަތަރަސްގެ ފުރަތަމަ ސިޓީ 2:24

އަހަރެމެންގެ ފާފަ ތައް ފޮހެދެއްވުމަށްޓަކައި އެކަލޭގެފާނުގެ އަމިއްލަ ޒާތުފުޅަށް ވޭނާ ކުރިމަތިލައްވައި ސަލީބަށް އެރުވިދިޔައެވެ. އެހެންވީމާ އަހަރެމެން ފާފަ ކުރުން ހުއްޓާލައި ޞާލިޙު ގޮތުގައި ޙަޔާތް ވޭތުކުރަމާހިނގާށެވެ. ތިޔަބައިމީހުންނަށް މި ފަސޭހަކަން ލިބިދިނީ އެކަލޭގެފާނުގެ ޒަޚަމްތަކުންނެވެ!