މަރުކުސް 14:67 - ކިތާބުލް މުޤައްދަސާ

⁶⁷ މި އަންހެނާއަށް ޕަތަރަސް އޭނާގެ ހަށިގަނޑަށް ހޫނުކުރަން އެތަނުގައި އިންދާ ފެނުނެވެ. އެ ހިނދު މި އަންހެނާ ފަރުވާތެރި ކަމާއެކު ޕަތަރަސްއަށް ބަލާލައިފައި ބުންޏެވެ. ”⁠ކަލެއަކީ ވެސް ނާޒަރަތުގެ އީސާ އާއި އެކުގައި އުޅުނު މީހެއް.⁠“

މަރުކުސް 14:67 ပူးပေါင်းရင်းမြစ်များ

މައްތާ 2:23

އެމީހުން ގޮސް ތިބީ ނާޒަރަތު ކިޔާ ސަހަރުގައެވެ. އެހެންކަމުން ނަބީބޭކަލުންނަށް މާތްރަސްކަލާނގެ އެންގެވި މިއެންގެވުން އެފަދައިން ހިނގަދިޔައެވެ. ”⁠އެކަލޭގެފާނަށް ނިސްބަތް ކުރެވޭނީ ނާޒަރަތުގެ މީހާ މިނަމުން.⁠“

މައްތާ 21:11

އެއްވެފައިވާ މީސްތަކުން ޖަވާބު ދިނެވެ. ”⁠މިއީ ގަލީލީގެ ނާޒަރަތުން ވަޑައިގެންނެވި ނަބިއްޔާ އީސާގެފާނު.⁠“

މަރުކުސް 1:24

”⁠އޭ. ނާޒަރަތުގެ އީސާ، ކަލޭގެފާނު ތިޔަ އުޅުއްވަނީ އަހަރެމެންނަށް ކީއްކުރައްވަން؟ ކަލޭގެފާނު މިތަނަށް ތިޔަ ވަޑައިގަތީ އަހަރެމެން ނެތިކޮށްލައްވަންތަ؟ އަހަރެންނަށް ކަލޭގެފާނަކީ ކޮން ބޭކަލެއްކަން އެނގޭ. ކަލޭގެފާނީ މާތްރަސްކަލާނގެ މަތިވެރިކުރައްވައި ޚާއްސަ ކުރެއްވި ފަރާތް!⁠“

މަރުކުސް 10:47

އޭނާއަށް ނާޒަރަތުގެ އީސާގެފާނު ކަމުގައި އަޑުއިވި އޭނާ ގޮވަން ފެށިއެވެ. ”⁠އޭ އީސާގެފާނު! އޭ ދާއޫދުގެފާނުގެ ދަރިކަލުން! އަޅުގަނޑުގެ މައްޗަށް ރަޙުމްކުރައްވާ!⁠“

މަރުކުސް 14:54

ޕަތަރަސް ކުޑަ ތަންކޮޅެއް ދުރުން މިކަންތައްތައް ބަލަމުން ގޮސް އުއްތަމަ އިމާމުގެ ގޯތިތެރެއަށް ވަނެވެ. އެތަނުގައި އިށީނދެގެންތިބި ފާރަވެރިންގެ ކައިރީގައި އޭނާ އިށީނދެ އެތަނުގައި ރޯކުރެވިފައިވީ އަލީފާނުން އޭނާގެ ހަށިގަނޑަށް ހޫނު ކުރަމުން ގެންދިޔައެވެ.

ޔޫޙަންނާ 18:18

އޭރު ފިނިގަދަކަމުން ހީކަރުވާތީ ސިފައިންނާއި ގޭގެ ނޯކަރުން އަނގުރު އަލިފާންގަނޑެއް ރޯކުރިއެވެ. އެމީހުން ތިބީ އެއަލިފާންގަނޑުގެ ވަށައިގެން ހޫނު ކުރާށެވެ. އެވަގުތު ޕަތަރަސް ވެސް ގޮސް އެއަލިފާންގަނޑުގެ ކައިރިއަށް ހުއްޓުނެވެ.

ޔޫޙަންނާ 19:19

އީސާގެފާނާއި މެދު ކުރެވުނު ދައުވާ ހާމަކޮށް ދިނުމުގެ ގޮތުން ސަލީބުގައި ބޯޑެއް ހަރުކޮށް އޭގައި ”⁠ނާޒަރަތުގެ އީސާ، ބަނީއިސްރާއީލުގެ ރަސްގެފާނު⁠“ މިހެން ލިޔުމަށް ޕިލާތުސް އެންގިއެވެ.

މަންދޫބުންގެ މަސައްކަތް 10:38

މާތްރަސްކަލާނގެ ނާޒަރަތުގެ އީސާގެފާނަށް މާތްރޫޙުފުޅު ދެއްވާ ބާރުދެއްވިއޭ. އެކަލޭގެފާނު މީސްތަކުންނަށް ހެޔޮކަންތަކާއި އޯގާތެރި ކަންތައް ކޮށްދެއްވަމުން އަދި ޝައިތާނާގެ ބާރުގެ ދަށުގައި ވެފައި ވީ މީސްތަކުން ސަލާމަތް ކުރައްވަމުން ވަޑައިގެންނެވި އިރު މާތްރަސްކަލާނގެ އެކަލޭގެފާނާއި އެކުގައި ވިއޭ.