މައްތާ 23:27 - ކިތާބުލް މުޤައްދަސާ

²⁷ ދީނުގެ ދަންނަބޭކަލުނާއި ފަރީސީންނަށް ހިތާމަ ހުރި! ކަލޭމެންނަކީ މުނާފިޤު ބައެއް! ކަލޭމެންނަކީ ހުދުކުލަ ލެވިފައިވާ މަހާނަތަކެއް ފަދަ ބައެއް. އެ މަހާނަތަކުގެ ބޭރު ރީތި ކަމުގައި ވިޔަސް އެ މަހާނަތަކުގެ އެތެރޭގައި ވަނީ މަރުވެފައިވާ މީސްތަކުންގެ ކަށިތަކުންނާއި ނަޖިހުން ފުރިފަ.

މައްތާ 23:27 ပူးပေါင်းရင်းမြစ်များ

ހަރުބަސްތައް 26:23

މުށި ގުޅިއެއްގެ ބޭރުގައި ލާފައި ހުންނަ އޮފެއް ފަދައިން އޮމާން ބަސްތައް މަކަރުވެރި ނިޔަތް ފޮރުވައެވެ.

މައްތާ 23:28

ކަލޭމެން ވެސް ވަނީ އެފަދައިންމެ. މީސްތަކުންނަށް ކަލޭމެން ފެންނަ ހިނދު ކަލޭމެންނަކީ ސާލިޙު ބައެއް ކަމުގައި ހީވޭ. ނަމަވެސް ކަލޭމެންގެ އެތެރެފުށް ވަނީ މުނާފިޤުކަމާއި އެންމެހާ ނުބައި ނުލަފާ ކަންތައްތަކުން ފުރިފަ.

ލޫކާސް 11:44

ކަލޭމެންގެ މައްޗަށް ހިތާމަ ހުރި. ކަލޭމެންނަކީ މާހާނައެއް ނުޖަހާ ހުންނަ ކަށްވަޅުތަކެކޭ އެއްގޮތް. މީހުން ނޭނގިގޮސް އޭގެ މަތީ ހިނގާ ހަދާ.⁠“

މަންދޫބުންގެ މަސައްކަތް 23:3

ޕައުލް އަނާނިޔާހު އަށް ބުންޏެވެ. ”⁠ހުދު ދަވާދުލެވިފައިވާ ފާރެއް ފަދައިން ކަލޭ ވެސް ބޭރުފުށުން ވަރަށް ރީތިވެފަ ރަނގަޅު. އެކަމަކު މާތްރަސްކަލާނގެ ކަލެއަށް ވެސް އަޒާބު ދެއްވާނެ. އެއީ ކަލޭ ތިޔަ ގޮނޑީގައި އިށީނދެގެން ތީނީ އަހަރެންނާއި މެދު ޤާނޫނާއި ގަވާއިދުގެ މަތިން ޝަރީއަތް ކުރަން އެކަމަކު އެހެންމީހުންނަށް ތިޔަ އަންގަނީ ޤާނޫނާއި ގަވާއިދާއި ޚިލާފުވެ އަހަރެންގެ ގައިގައި ޖަހަން. ވީއިރު ކަލޭ ތިޔައީ ކޮންކަހަލަ ގާޒީއެއް ތަ؟⁠“

ގަލާތިޔާގެ މަސީޙީންނަށް ސިޓީ 6:12

ކަލޭމެންނަށް ޚިތާނު ކުރުމަށް މަޖުބޫރުކުރަމުން އެދާ މީހުން އެކަން އެކުރަނީ ހަމައެކަނި މީހުންގެ ކުރިމަތީގައި މާ ރަނގަޅުބަޔަކަށް ވުމަށެވެ. އެމީހުން އެގޮތަށް އެކަންތައް ކުރަނީ އަލްމަސީޙު ދެއްކެވި ގޮތަށް ކަންތައް އުގަންނައި ދިނުމުން އެމީހުންނަށް ލިބިދާނެ އަނިޔާއަކުން ސަލާމަތް ވެ ގަތުމަށެވެ.