މައްތާ 21:10 - ކިތާބުލް މުޤައްދަސާ

¹⁰ އީސާގެފާނު ޖެރޫސަލަމަށް ވަދެވަޑައިގެންނެވި ހިނދު އެ ސަހަރުގައި ތިބި ހުރިހާ އެންމެން ޙައިރާންވެ އެކަކު އަނެކަކަށް ބުންޏެވެ. ”⁠މިއީ ކޮންބޭކަލެއްބާ؟⁠“

މައްތާ 21:10 ပူးပေါင်းရင်းမြစ်များ

މައްތާ 2:3

ހެރޮދު ރަސްގެފާނަށާއި ޖެރޫސަލަމުގައި ތިބި އެހެނިހެން މީސްތަކުންނަށް މި ޚަބަރު އިވުމުން، މިކަމާ ހުރިހާ އެންމެން ނުހަނު ކަންބޮޑުވިއެވެ.

މައްތާ 21:11

އެއްވެފައިވާ މީސްތަކުން ޖަވާބު ދިނެވެ. ”⁠މިއީ ގަލީލީގެ ނާޒަރަތުން ވަޑައިގެންނެވި ނަބިއްޔާ އީސާގެފާނު.⁠“

މައްތާ 21:9

އަދި އެއްބަޔަކު އީސާގެފާނުގެ ކުރިފުޅުމަތީގައި އަދި އަނެއް ބަޔަކު އެކަލޭގެފާނުގެ ފަހަތްޕުޅުގައި މިފަދައިން ގޮވަމުން ދިޔައެވެ. ”⁠ދާއޫދުގެފާނުގެ ދަރިކަލުންނަށް ޙަމްދުހުރި! މާތްރަސްކަލާނގެ ނަންފުޅުގައި ވަޑައިގަންނަވާ ސާހިބުވަންތަ ފަރާތަށް ރަޙުމަތް ލައްވާނދޭ! އުޑުގައި ވޮޑިގެންވާ ރަސްކަލާނގެ ކިބަފުޅަށް ޙަމްދުހުރި!⁠“

ލޫކާސް 20:2

އެމީހުން އެކަލޭގެފާނާއި ސުވާލު ކުރިއެވެ. ”⁠ކަލޭ ތިޔަ ކިޔަވައި ދޭ އެއްޗެތި ތިޔަ ކިޔަވައި ދެނީ ކޮންތާނކުން ކާކު ދިން ހުއްދައަކުން؟ ކަލެއަށް ތިޔަކަންތައްތައް ކުރުމަށް ބާރު ދިނީ ކާކު؟⁠“

ލޫކާސް 5:21

އެތާތިބި ދީނުގެ ދަންނަބޭކަލުންނާއި ފަރީސީނުގެ ހިތަށްއެރިއެވެ. ”⁠ކުފުރުވެރި ބަސްތައް ބުނާ މިމީހަކީ މީކާކު؟ މާތްރަސްކަލާނގެ ފިޔަވާ ފާފަ ފުއްސެވޭނެ ފަރާތަކީ ކޮބާ؟⁠“

ލޫކާސް 7:49

އެގޭގައި ވީ އެހެން މެހުމާނުން މިތަން ދެކެ ބުންޏެވެ. ”⁠މިއީ މީހުންގެ ފާފަތައް ވެސް ފުއްސަވާ ދެވޭ ވަރުގެ މީހެއް، އަނެއްކާ މިއީ ކާކުބާ؟⁠“

ލޫކާސް 9:9

ހެރޮދު ވިދާޅުވިއެވެ. ”⁠އެކަމަކު އަހަރެން ޔަޙުޔާ ގަތުލުކުރުމަށް އެންގިން. އެހެންވީއިރު އަހަންނަށް މި އިވެނީ ކާކާއި ބެހޭ ވާހަކަތަކެއް؟⁠“ ދެން އޭނާ އެމީހަކާއި ބެހޭގޮތުން ވާހަކަތައް މި އިވޭ މީހަކީ ކާކުތޯ ބެލުމަށް މަސައްކަތް ކުރިއެވެ.

ޔޫޙަންނާ 2:18

ބަނީއިސްރާއީލުގެ ވެރިން އީސާގެފާނަށް ބުންޏެވެ. ”⁠މިފަދަ ކަންތައްތައް ކުރަން ކަލެއަށް ހުއްދަ ލިބިގެންވާކަން ހާމަ ކޮށްދިނުމަށް ނިކަން އަހަރެމެންނަށް މުޢުޖިޒާތެއް ދައްކަބަލަ!⁠“

މަންދޫބުންގެ މަސައްކަތް 9:5

ޝާއުލް ބުންޏެވެ. ”⁠ސާހިބާ ތިޔައީ ކޮން ބޭކަލެއް؟⁠“ ދެން އޭނާއަށް މިހެން ބުނެވުނު އަޑު އިވުނެވެ. ”⁠މިއީ ކަލޭ އަނިޔާ ދިނުމަށް ތިޔަ އުޅޭ އީސާގެފާނު.

ރާޢޫތު 1:19

ނުޢުމީ އާއި ރާޢޫތުއަށް ބައިތުލަޙަމްއަށް އާދެވުނުއިރު އެއަވަށުގެ އެންމެން ވެސް އެދެމީހުން ފެނި އަޖައިބު ވިއެވެ. އަދި އެކަކު އަނެކަކަށް ބުންޏެވެ. ”⁠މިއީ ހަމަ އެ ނުޢުމީ ތަ؟⁠“

1 ޞަމޫއީލް 16:4

ޞަމޫއީލްގެފާނު މާތްރަސްކަލާނގެ އެންގެވި ގޮތަށް ކަންތައް ކުރެއްވިއެވެ. އެކަލޭގެފާނު ބައިތުލަޙަމަށް ވަޑައިގަތުމުން ބައްދަލު ކުރުމަށް ދިޔަ އެރަށުގެ ބޮޑުން ބިރުން ތުރުތުރުލައިގަތެވެ. ”⁠ކަލޭގެފާނު ތިޔަ ވަޑައިގެންނެވީ އަމާންކަން މަތީގައި ތޯ؟⁠“