މައްތާ 16:14 - ކިތާބުލް މުޤައްދަސާ

¹⁴ އެބޭކަލުން ޖަވާބުގައި ދެންނެވިއެވެ. ”⁠ބައެއްމީހުން ކަލޭގެފާނީ ޔަޙުޔާގެފާނު ކަމުގައި ބުނޭ. އަނެއް ބައިމީހުން އިލްޔާސްގެފާނު ކަމުގައި ބުނޭ. އަދި އަނެއް ބައިމީހުން ކަލޭގެފާނީ އިރްމިޔާ ކަމުގައި ނޫނީ ކޮންމެވެސް އެހެން ނަބީބޭކަލެއް ކަމުގައި ބުނެ އުޅޭ.⁠“

މައްތާ 16:14 ပူးပေါင်းရင်းမြစ်များ

މައްތާ 14:2

އޭނާގެ ޚާދިމުންނަށް އޭނާ ބުންޏެވެ. ”⁠އީސާގެފާނަކީ ޔަޙުޔާގެފާނު. އޭނާ މަރުވުމަށް ފަހު އަލުން ދިރިގެން އައީ. އެފަދަ މުޢުޖިޒާތްތައް އޭނާއަށް އެ ދެއްކެނީ އެހެން ވެގެން.⁠“

މައްތާ 16:15

އެކަލޭގެފާނު އެމީހުން ކުރެން އެއްސެވިއެވެ. ”⁠ތިޔަބައިމީހުންނަށް ފެންނަ ގޮތުގައި އަހަރެންނަކީ ކާކު؟⁠“

މައްތާ 17:10

އެ އަސްޙާބީން އެކަލޭގެފާނަށް ދެންނެވިއެވެ. ”⁠ދީނުގެ ދަންނަބޭކަލުން އިލްޔާސްގެފާނު ފުރަތަމަ ވަޑައިގަންނަވާނެކަމަށް އެ ވިދާޅުވަނީ ކީއްވެތޯ؟⁠“

މައްތާ 3:1

އެދުވަސްވަރު ޖުދެއާ ސަހަރާގެ ތެރެއިން ޔަޙުޔާގެފާނު މީސްތަކުންނަށް ގޮވާލައްވަމުން ގެންދެވިއެވެ. ”⁠ތައުބާވޭ! ސަބަބަކީ މާތްރަސްކަލާނގެ ރަސްކަންފުޅު ވަނީ ކައިރީގައި ކަމަށް ވާތީ.⁠“

މަރުކުސް 6:15

އަނެއް ބަޔަކު ދުށް ގޮތުގައި އީސާގެފާނަކީ އިލްޔާސްގެފާނެވެ. ނޫނީ އިހު ޒަމާނުގައި އުޅުއްވި ނަބީބޭކަލެއްފަދަ ބޭކަލެއް ކަމުގައެވެ.

މަރުކުސް 8:28

”⁠ބައެއް މީހުން ބުނަނީ ކަލޭގެފާނީ ޔަޙުޔާގެފާނު ކަމަށް. އަނެއް ބަޔަކު ބުނަނީ ކަލޭގެފާނީ އިލްޔާސްގެފާނު ކަމުގައި. އަދި ބައެއް ފަރާތްތަކުން ކަލޭގެފާނީ ކޮންމެވެސް ނަބީބޭކަލެއް ކަމުގައި ބުނޭ.⁠“ އަސްޙާބީން ޖަވާބު ދެއްވިއެވެ.

ލޫކާސް 9:8

އަދި އަނެއްބައިމީހުން ބުނަނީ އިލްޔާސްގެފާނު ފާޅުވީ ކަމުގައެވެ. އަދި އަނެއްބަޔަކު މާކުރީ ޒަމާނެއްގެ ރަސޫލުބޭކަލަކު އަލުން ދިރުއްވައިފިއޭ ވެސް ބުނެއުޅުނެވެ.

ޔޫޙަންނާ 1:21

ދެން އެމީހުން ބުންޏެވެ. ”⁠އެހެންވީއިރު ކަލޭގެފާނު ތީ ކޮންބޭކަލެއްތޯ؟ ތިޔައީ ނަބީ އިލްޔާސްގެފާނު ތޯ؟⁠“ ޔަޙުޔާގެފާނު ވިދާޅުވިއެވެ. ”⁠ނޫން އަހަރެން މިއީ އިލްޔާސްގެފާނެއް ވެސް ނޫން.⁠“ ”⁠ވީއިރު ތިޔައީ ފޮނުއްވޭނެ ޚާއްސަ ރަސޫލާތޯ؟⁠“ ޔަޙުޔާގެފާނު ވިދާޅުވިއެވެ. ”⁠ނޫން އެހެންނެއް ވެސް ނޫން.⁠“

ޔޫޙަންނާ 7:12

އެތަނަށް އެއްވެފައިތިބި މީސްތަކުންގެ މެދުގައި އީސާގެފާނާއި ބޭހޭގޮތުން ތަފާތު ވާހަކަތައް ސިއްރު ސިއްރުން ދެކެވެމުން ދިޔައެވެ. އެއްބަޔަކު ބުންޏެވެ. ”⁠އެކަލޭގެފާނަކީ ވަރަށް ރަނގަޅު މާތް ބޭކަލެއް.⁠“ އަދި އަނެއްބަޔަކު ބުންޏެވެ. ”⁠ކޮންތާނކު، އޭނާއަކީ މީހުން މަގުފުރައްދަން އުޅޭ މީހެއް.⁠“

ޔޫޙަންނާ 9:17

ދެން އެމީހުން ލޮލުގެ އަލިކަން ލިބުނު މި މީހާއާއި އިތުރަށް ސުވާލު ކުރިއެވެ. ”⁠އޭނާ ފަސޭހަކޮށް އަލިކޮށް ދިނީ ކަލޭގެ ލޯ. ވީއިރު ކަލޭ އޭނާއާ ދޭތެރޭ ބުނަނީ ކީކޭތަ؟⁠“ އެމީހާ ޖަވާބުގައި ބުންޏެވެ. ”⁠އަޅުގަނޑު ބުނާނީ އެމީހާ އެއީ ހަމަ ރަސޫލުބޭކަލެކޭ.⁠“