މައްތާ 10:10 - ކިތާބުލް މުޤައްދަސާ

¹⁰ އަދި ދަތުރަށް ޓަކައި އިތުރު އެއްވެސް އެއްޗެއް ނުގެންދާތި. ދަތުރު ދަބަހެއް ވިޔަސް ނޫނީ އިތުރު ހެދުމެއް ވިޔަސް، ނޫނީ ފައިވާނެއް ވިޔަސް ނޫނީ ހިނގާ މަގުގައި ބޭނުން ކުރާ އަސާއެއް ވިޔަސް ގެންގޮސްގެން ނުވާނެ. މަސައްކަތްތެރިންނަށް އެބައިމީހުންގެ ރޯދި ޙައްޤުވެގެން ވާނެ.

މައްތާ 10:10 ပူးပေါင်းရင်းမြစ်များ

މައްތާ 10:11

ތިޔަބައިމީހުން ސަހަރަކަށް ނުވަތަ އަވަށަކަށް ވަދެވުމުން އެތަނުން ތިޔަބައިމީހުންނަށް މެހުމާންދާރީ އަދާކުރާނޭ ފަދަ މީހަކު ހޯދާތި. އަދި ފުރަން ވެއްޖައުމަށް ދާންދެން އެ ގެއެއްގައި ތިބޭތި.

ލޫކާސް 3:11

ޔަޙުޔާގެފާނު ވިދާޅުވިއެވެ. ”⁠ކަލޭމެންގެ ތެރެއިން މީހަކު އަތުގައި ދެގަނޑެތި އޮތްނަމަ އަތުގައި ލާނޭ އެއްޗެއް ނެތް މީހާ އަށް އޭގެން އެއްގަނޑެތި ދީ. އަދި އެމީހެއްގެ އަތުގައި ކާނެ އެއްޗެތި ވާ މީހާ އެ އެއްޗެތި ނެތް މީހަކަށް އެހީވޭ.⁠“

ލޫކާސް 9:3

އެކަލޭގެފާނު އެމީހުންނަށް ވިދާޅުވިއެވެ. ”⁠ދަތުރަށްޓަކައި އެއްވެސް އެއްޗެއް ނުގެންދާތި. ހިނގާ މަގުމަތީ ބޭނުންކުރާނެ އަސައެއް ވެސް، ދަބަހެއް ވެސް، ކާއެއްޗެއް ވެސް، ފައިސާ ވެސް އަދި ލައިގެންހުރި ގަމީސް ފިޔަވާ އެހެން ގަމީހެއް ވެސް ނުގެންދާތި.

ތިމޮތީއަށް ދެވަނަ ސިޓީ 4:13

ތިބާ އަންނައިރު ތުރުއަސްގެ ކަރިޕޫހު އަތަށް އަހަރެން ދީފައިވާ އަހަރެންގެ ކޯޓް ގެނެސް ދޭށެވެ. ތިބާ އަންނައިރު އަހަރެންގެ ފަތްތޫރަތައް ހަނދާން ނައްތާނުލާ ގެނެސް ދިނުމަށް އެދެމެވެ. އަދި ޚާއްސަކޮށް ކަންބަޅި ހަމުގައި ތައްޔާރުކޮށްފައިވާ ފަތްފުށްތަކެވެ.

1 ޞަމޫއީލް 17:40

މިހެން ކިޔާފައި އޭނާ ބަކަރި ބަލަހައްޓަން ގެންގުޅޭ ދަނޑިގަނޑު ނަގައިފިއެވެ. ދެން އެތާ އައްސޭރިފަށުން އޮމާން ފަސް ގާބުރި ނަގައިފިއެވެ. އޭނާ މި ގާ ބުރިތައް އޭނާ ގެންގުޅޭ ސުންބުލި ގަނޑަކަށް ލައިގެން އޭނާގެ އަތުގައި އޮތް ސާޅަނގައެއް ހިފައިގެން ގޮސް ޖުލިޔާތު ކުރިމައްޗަށް އެބަ ހުރެ ނުކުތެވެ.

1 ޞަމޫއީލް 9:7

”⁠އެ އަވަށަށް ވެސް ދެވިދާނެ. އެކަމަކު ދިޔަޔަސް ތިޔަ ބުނާ ނަބީ ބޭކަލަކު ފައިންޕުޅު ފެނިދާނެތަ؟ އަހަރެމެން ގެނައި ކާއެތިކޮޅު ވެސް މިހިރީ ހުސްވެފައި. އެ ކަލޭގެފާނަށް އަހަރެމެން ދޭނީ ކޮން އެއްޗެއް؟⁠“