ލޫކާސް 16:3 - ކިތާބުލް މުޤައްދަސާ

³ މި މެނޭޖަރު ހިތާ ހިތާ ބުނި. ’⁠އަހަރެން ހަދާނީ ކިހިނެއްބާއޭ؟ މަގޭ ވެރިމީހާ މަ މި ވަޒީފާއިން ވަކިކުރަނީއޭ. އަހަރެންނަކީ ބިންކޮނެވޭ ވަރުގެ ހަށިގަނޑުގައި ބާރު ހުރި މީހެއް ނޫނޭ. އަދި އަހަރެން ސަލާންޖަހަން ލަދުގަނޭ.

ލޫކާސް 16:3 ပူးပေါင်းရင်းမြစ်များ

ހަރުބަސްތައް 13:4

ކަންނެތް މީހާ ކިތަންމެ ބޭނުންވިޔަސް އެކައްޗެއް ވެސް ނުލިބެއެވެ. ބުރަ މަސައްކަތް ކުރާ މީހާއަށް ހުރިހާ އެއްޗެއް ލިބެއެވެ.

ހަރުބަސްތައް 15:19

ކަންނެތް މީހާގެ މަގުގައި ހުންނާނީ ކަށިކުނބުރެވެ. ޞާލިޙު މީހާގެ މަގު އޮންނާނީ ސާފުވެ ހާމައަށެވެ.

ހަރުބަސްތައް 18:9

ކަންނެތް މީހާއެކޭ ފަނާކުރާ މީހެކޭ ތަފާތެއް ނެތެވެ.

ހަރުބަސްތައް 19:15

ކަންނެތް މީހުންނަށް ގުގުރިދަމައި ނިދާލެވިދާނެއެވެ. އެކަމަކު ކަންނެތްކަމުން ލިބޭނީ ބަނޑުހައިކަމެވެ.

ހަރުބަސްތައް 20:4

ރަނގަޅު މޫސުމުގައި ދަނޑު ނުހައްދާ ކަންނެތް މީހާ ކަނޑާނެ ގޮވާމެއް ނުހުންނާނެއެވެ. އޭނާ ކާނެ އެއްޗެއް ވެސް ނުހުންނާނެއެވެ.

ހަރުބަސްތައް 29:21

ޚާދިމަކަށް ކުޑައިރުން ފެށިގެން ބޭނުންހާ އެއްޗެއް ދީ ބޭނުން ކަމެއް ކޮށްދީގެން އުޅޭނަމަ ބޮޑުވެގެން އޭނާ ޣައްދާރު ވެދާނެއެވެ.

މައްތާ 20:8

ދުވަސް ނިމުމުން، މަސައްކަތްތެރިންގެ ތެރެއިން އިސްކޮށްހުރި މީހާއަށް މޭބިސްކަދުރު ދަނޑުގެ ވެރިޔާ ބުނި. ’⁠މަސައްކަތްކުރި އެންމެންނަށް ގޮވާ. އަދި އެމީހުންނަށް އުޖޫރަވެސް ދީ. ފަށާނީ އެންމެފަހުން އައި މީހާއިން ފެށިގެން އަދި ނިންމާނީ އެންމެ ފުރަތަމަ އައި މީހާއަށް.⁠‘

މަރުކުސް 10:46

އެއަށް ފަހު އީސާގެފާނާއި އަސްޙާބީން ޖެރިކޯ އަށް ވަޑައިގެންނެވުމަށް ފަހު އެއަވަށުން އެބޭކަލުން ފުރާ ވަޑައިގެންނެވި ހިނދު އެކަލޭގެފާނުގެ ފަހަތްޕުޅުން ގިނަ ޢަދަދެއްގެ މީސްތަކުން އައެވެ. އެ އަވަށުގެ މަގެއްގެ އެއްފަރާތުގައި ލޯފަން ސަލާންޖަހާ މީހެއް ކަމުގައިވާ ތިމޭހުގެ ފިރިހެންދަރި ބަރުތިމޭހު ވިއެވެ.

ލޫކާސް 12:17

މި ދަނޑުވެރިޔާ ހިތަށްއެރި. ’⁠އަހަރެންނަށް ލިބިފައިމިވާ ހުރިހާ ތަކެތި ރައްކާ ކުރާނޭ ތަނެއް މިގުދަންތަކަކު ނެތް. ކުރާނީ ކީއްބާ؟⁠‘

ލޫކާސް 16:2

ދެން އޭނާ އެ މެނޭޖަރު ގެނެސް ބުނި. ’⁠ކަލެއާއި ބެހޭގޮތުން އަހަރެންނަށް މިއިވެނީ ކޮން ޚަބަރުތަކެއް ހޭ؟ ކަލޭ ވިޔަފާރީގެ ކަންތައް ހިންގި ގޮތުގެ މައުލޫމާތުގެ ބަޔާނެއް ލިޔާށޭ. އަދި އެއަށް ފަހު ކަލޭ ތިޔަވަނީ އަހަރެންގެ މެނޭޖަރެއްގެ ވަޒީފާއިން ވަކިކޮށްފައޭ.⁠‘

ލޫކާސް 16:20

މި މުއްސަނދި މީހާގެ ދޮރާށި ކައިރީގައި ކޮންމެދުވަހަކު ވަރަށް ފަޤީރަކު ގެނެސް ބޭއްވިފައި އޮވޭ. މި ފަގީރު މީހާގެނަމަކީ ލާޒަރު. އޭނާ އެތާ އޮންނަނީ އެއީ މި މުއްސަނދި މީހާ ކާއިރު މޭޒުމަތިން އޮހޭ ބާކީ ކާއެތިކޮޅު ލިބޭނެ ކަމުގެ އުންމީދުގަ. މި ލާޒަރުގެ މުޅި ހަށިގަނޑު ވަނީ ފާރުތަކުން ފުރިފަ. ކުއްތާތައް އައިސް އޭނާގެ ފާރުތަކުގައި ދޫކާތާ ހަދާ.

ލޫކާސް 16:22

އެއްދުވަހަކު މިލާޒަރު މަރުވެއްޖެ. ދެން މަލާއިކަތުން އޭނާގެ ފުރާނަ ސުވަރުގެއަށް އިބްރާހީމްގެފާނުގެ އަރިހަށް ގެންދެވި. މި މުއްސަނދި މީހާ ވެސް މަރުވި. އަދި އޭނާގެ ހަށިގަނޑު ވަޅުލެވުނު.

ލޫކާސް 16:4

އާނއެކޭ. ހަދާނެ ގޮތެއް އެނގިއްޖެއޭ. އޭރުން އަހަރެންގެ ވަޒީފާ ގެއްލުނަސް މިތާގެ މީހުން އަހަރެންނަށް ތާއީދުކޮށް އެމީހުންގެ ގޭގެއަށް އަހަންނަށް ދަޢުވަތު ދޭނެއޭ.⁠‘

ލޫކާސް 18:4

ދުވަސްކޮޅަކު އޭނާ މިކަމާއި ދެކޮޅު ހެދި. ނަމަވެސް މި އަންހެން މީހާ ހުއްޓުމެއް ނެތި އަންނަމުން ދިޔަ. ދެން އެއްދުވަހަކު އޭނާގެ ހިތަށްއެރި. ’⁠އަހަރެން މާތްރަސްކަލާނގެ އާއި އަދި އިންސާނުންނާއި މެދު އަޅާނުލި ކަމުގައި ވިޔަސް

ޔޫޙަންނާ 9:8

މިމީހާގެ ގޭދޮށު މީހުންނާއި އަދި ލޯ އަނދިރި ސަލާންޖަހާ މީހެއްގެ ގޮތުގައި އޭނާ ފެނިފައިވާ މީހުން އެކަކު އަނެކަކަށް ބުންޏެވެ. ”⁠މިހިރަ ދަނީ އެ ލޯ އަނދިރި ސަލާންޖަހާ މީހާއެއް ނޫންތަ؟⁠“

މަންދޫބުންގެ މަސައްކަތް 3:2

ބައިތުލް މަޤްދިސްގެ އެއް ދޮރާށި ކަމުގައި ވީ ރީތި ދޮރާއްޓޭ ކިޔުނު ދޮރާށި ކާރީގައި ވިހޭއްސުރެން ދެ ފައި ވާވެފައިވީ މީހަކު ވިއެވެ. ކޮންމެސް މީހަކު މިމީހާ ކޮންމެ ދުވަހަކު ވެސް އެތަނަށް ގެނެއެވެ. މިމީހާ އެ ދޮރާށީގެ ކައިރީގައި އިންނަނީ ބައިތުލް މަޤްދިސަށް އަޅުކަން ކުރަން އަންނަ މީހުންނަށް ސަލާން ޖެހުމަށެވެ.

މަންދޫބުންގެ މަސައްކަތް 9:6

ތެދުވޭ. ތެދުވެ ރަށުތެރެއަށް ދޭ. އެ ރަށުގައި މީހަކު ކަލޭ ކަންތައް ކުރަންވީ ގޮތް ކަލެއަށް ބުނެދޭނެ.⁠“

ތިސަލޯނިކާގެ މަސީޙީންނަށް ދެވަނަ ސިޓީ 3:11

ނަމަވެސް ތިޔަބައިމީހުންގެ ތެރެއިން ބައެއް ފަރާތްތައް މަސައްކަތް ކުރުމަށް އިންކާރުކޮށް ބޭކާރު ގޮތުގައި ވަގުތު ހޭދަ ކުރާ ވާހަކަ އަހަރެމެން އަޑުއެހީމެވެ. އަދި އެފަރާތްތަކާއި ނުބެހޭ ކަންތައްތަކުގައި ޝާމިލުވެ ކަން ބަލަމުން ދާ ބައެއް ކަމުގެ އަޑު ވެސް އަހަރެމެން އެހީމެވެ.