ޔޫޙަންނާ 8:9 - ކިތާބުލް މުޤައްދަސާ

⁹ އީސާގެފާނުގެ މިބަސްފުޅު އިވުމުން އެތާނގައި ތިބި މީހުންގެ ތެރެއިން ފުރަތަމަ މުސްކުޅިން އޭގެ ފަހުން ޒުވާނުން އެތަނުން ދާން ފެށިއެވެ. މިހެން ދަމުން ގޮސް މަޑުމަޑުން އެތާނގައި ތިބި އެންމެންމެ އެތަނުން ހިނގައްޖެއެވެ. އޭރު އެތާނގައި އީސާގެފާނުގެ ކުރިފުޅުމަތީ ހުރީ ހަމައެކަނި އެ އަންހެންމީހާއެވެ.

ޔޫޙަންނާ 8:9 ပူးပေါင်းရင်းမြစ်များ

ލޫކާސް 13:17

އެތާނގައި ތިބި މީސްތަކުންގެ ތެރެއިން އީސާގެފާނާއި ދެކޮޅުހެދި މީސްތަކުން އެކަލޭގެފާނުގެ މިބަސްފުޅުގެ ސަބަބުން އަމިއްލަ ނަފްސުގެ މައްޗަށް ލަދުގަތެވެ. ނަމަވެސް އެހެން ހުރިހާ މީސްތަކުން އެކަލޭގެފާނު ކުރައްވަމުން މިގެންދަވާ ހައިރާން ކުރުވަނިވި ކަންތަކުގެ ސަބަބުން ވަރަށް ބޮޑަށް އުފާވިއެވެ.

ޔޫޙަންނާ 8:10

ދެން އީސާގެފާނު ތެދުވެވަޑައިގެން އެ އަންހެންމީހާއަށް ވިދާޅުވިއެވެ. ”⁠އޭ އަންހެނާ! ކޮބައިތަ އެ އެންމެންތައް. އޭގެ ތެރޭން އެކަކު ވެސް ކަލޭ ކުށްވެރި ކުރަން ނޫޅެ ދިޔައީތަ؟⁠“

ޔޫޙަންނާ 8:12

މީގެ ތަންކޮޅެއްފަހުން އީސާގެފާނު އަނެއްކާވެސް މީސްތަކުންނާ މުޚާތަބުކޮށް ވާހަކަފުޅު ދައްކަވައި ވިދާޅުވިއެވެ. ”⁠އަހަރެން މިއީ ދުނިޔޭގެ އަލިކަން. ކަލޭމެން އަހަރެން ހިނގާ މަގުން ހިނގާ ކަމުގައި ވަނީނަމަ ކަލޭމެން އަނދިރީގެ ތެރޭގައި ތަނެއް ދޮރެއް ނުފެނި އުޅޭކަށް ނުޖެހޭނެ. އެއީ ކަލޭމެން އަހަރެން ދައްކާ މަގުން ހިނގަނީ ނަމަ ދިރިހުރުމުގެ އަލި ކަލޭމެންނާއި އެކުގައި ވާނެ.⁠“

ޔޫޙަންނާ 8:2

އަނެއްދުވަހުގެ ފަތިހު އެކަލޭގެފާނު އަނެއްކާވެސް ބައިތުލް މަޤްދިސްއަށް ވަޑައިގެންފިއެވެ. އެވަގުތު އެތައް ބައިވަރު ބަޔަކު އެކަލޭގެފާނުގެ އަރިހަށް އަތުވެއްޖެއެވެ. ދެން އީސާގެފާނު އެތާނ އިށީނދެވަޑައިގެން އެމީސްތަކުންނަށް ކިޔަވައިދެއްވަން ފެއްޓެވިއެވެ.

ޔޫޙަންނާ 8:3

އެވަގުތު ދީނުގެ ދަންނަބޭކަލުންނާއި، ފަރީސީނުގެ ބަޔަކު، ޒިނޭ ކުރުމުގެ ކުށުގައި ހައްޔަރު ކުރެވުނު އަންހެނަކު އެ އެންމެންގެ ކުރިމައްޗަށް ގެނައެވެ.

ޔޫޙަންނާ 8:8

ދެން އަނެއްކާވެސް އީސާގެފާނު ގުދުވެވަޑައިގެން ބިންމަތީގައި ލިޔުއްވަން ފެއްޓެވިއެވެ.

ޔޫޙަންނާގެ ފުރަތަމަ ސިޓީ 3:20

އަދި އަހަރެމެންގެ ޒަމީރު އަހަރެމެން ކުށްވެރި ކުރާނަމަ އެޒަމީރަށް ވުރެން މާތްރަސްކަލާނގެ މާ މަތިވެރިކަން އަހަރެމެންނަށް އެނގެއެވެ. އަދި އެކަލާނގެއީ އެންމެހާ ކަންތައް މޮޅަށް ދެނެވޮޑިގަންނަވާ ރަސްކަލާނގެ ކަން ވެސް އަހަރެމެންނަށް އެނގެއެވެ.