ޔޫޙަންނާ 3:23 - ކިތާބުލް މުޤައްދަސާ

^23-24 ޔަޙުޔާގެފާނު ޖަލަށް ލެވުމުގެ ކުރީގައި އެކަލޭގެފާނު ޝާލެމްގެ ކައިރީގައިވާ އައިނޯނުގައި މީސްތަކުން ހިނަވަމުން ގެންދެވިއެވެ. އެއީ އެތާނގެ ކޯރުގެ ފެންގަނޑު ބޮޑުވެފައި އަދި އެތައް ބައިވަރު މީސްތަކުންނެއް އެކަލޭގެފާނުގެ އަރިހަށް ހިނައިގަތުމަށް އަންނަމުން ދިޔައީތީއެވެ.

ޔޫޙަންނާ 3:23 ပူးပေါင်းရင်းမြစ်များ

ފެށުން 33:18

އެއަށް ފަހު ޔަޢުޤޫބުގެފާނު ސަލާމަތްކަމާއެކު މެސޮޕޮޓޭމިއާއިން ދަތުރު ކުރައްވައި ކަންޢާނަށް ވަޑައިގެންނެވިއެވެ. އަދި ކަންޢާނުގެ ރަށެއް ކަމުގައިވާ ޝަކީމްގެ ރަށްބޭރުގައި އެކަލޭގެފާނު ފޭލިގެތައް ޖެއްސެވިއެވެ.

ލޫކާސް 3:7

ޔަޙުޔާގެފާނުގެ އަރިހަށް ތައުބާގެ ހިނައިގަތުމުން ހިނައިގަތުމަށްޓަކައި އެތައްބައިވަރު މީސްތަކުންނެއް އައެވެ. އެމީހުންނަށް ޔަޙުޔާގެފާނު ވިދާޅުވިއެވެ. ”⁠އޭ ހަރުފައިގެ ދަރިންނޭ! ތައުބާނުވެ ހަމައެކަނި ހިނައިގަތުމުގެ ސަބަބުން މާތްރަސްކަލާނގެ ކޯފާއިން ސަލާމަތްވާނެ ކަމަށް ކަލޭމެން ހީކުރަންތަ؟

ޔޫޙަންނާ 3:22

މިއަށް ފަހު އީސާގެފާނާއި އެކަލޭގެފާނުގެ އަސްޙާބީން ޖުދެއާގެ ބައިމަދު ހިސާބުގަނޑަކަށް ވަޑައިގެންނެވިއެވެ. އަދި އެތާނގައި މީސްތަކުން ތައުބާގެ ހިނެވުމުން ހިނެވުމަށް ދުވަސްކޮޅަކު މަޑުކުރެއްވިއެވެ.

ހާމަކޮށްދެއްވުންތަކެއް 1:15

ވިރުވާފަ އޮފްއަރުވާފައިވާ ރަތުލޮއި ފަދައިން އެމީހެއްގެ ފައިތިލަ ވިދާ ބަބުޅައެވެ. އަދި އެމީހެއްގެ އަޑުގައި ވަނީ ގަދަފަދަ ކޮޅިގަނޑެއްގެ ވިއްސާރައިގެ އަޑުފަދަ އަޑެކެވެ.

ހާމަކޮށްދެއްވުންތަކެއް 14:2

އަދި ރާޅުބިންދާ އަޑު ފަދަ އަޑެއް ނުވަތަ ހޮނު ގުގުރީގެ އަޑުފަދަ ގަދަ އަޑެއް ސުވަރުގެއިން އަހަރެންނަށް އިވުނެވެ. ގިނަ ބަޔަކު އެކުވެގެން ހާޕުން ކުޅެމުން ދާ މިޔުޒިކު ފަދަ އަޑެއް ފަދައިން އެ އަޑު ވިއެވެ.

ހާމަކޮށްދެއްވުންތަކެއް 19:6

އެއަށް ފަހު، ގިނަ ޢަދަދެއްގެ ބަޔަކު އެއްވެ ހަޅޭއްލަވާ ފަދައިން ނުވަތަ އޮހިގެންދާ ފެންއާރަކުން ފެން އޮހޮރޭފަދަ އަޑަކުން، ނޫނީ ގުގުރީގެ އަޑުފަދަ އަޑަކުން މިފަދައިން ބުނަމުން ގެންދިޔަ އަޑު އަހަރެން އެހީމެވެ. ”⁠މާތްރަސްކަލާނގެ ކިބަފުޅަށް ޙަމްދުހުރި! އެކަލާނގެއީ އަހަރެމެންގެ ސާހިބުވަންތަ، ކުޅަދުންވަންތަ މާތް ރަސްކަލާނގެ. އެކަލާނގެއީ ރަސްކަން ކުރައްވާ މަތިވެރި ރަސްގެފާނު!

1 ޞަމޫއީލް 9:4

ދެން އެމީހުން ގޮސް އަފްރާއީމްގެ ފަރުބަދަމަތީ އަވަށްތައް ކަމުގައިވާ ޝަލީޝާއާއި ޝާލިމުއާއި އަދި ބަންޔާމީންގެ ސަރަހައްދު އެމީހުން ބެއްޔެވެ. މިއިން ތަނަކުން އެ ހިމާރުތަކެއް ނުފެނުނެވެ.