ޔޫޙަންނާ 18:18 - ކިތާބުލް މުޤައްދަސާ

¹⁸ އޭރު ފިނިގަދަކަމުން ހީކަރުވާތީ ސިފައިންނާއި ގޭގެ ނޯކަރުން އަނގުރު އަލިފާންގަނޑެއް ރޯކުރިއެވެ. އެމީހުން ތިބީ އެއަލިފާންގަނޑުގެ ވަށައިގެން ހޫނު ކުރާށެވެ. އެވަގުތު ޕަތަރަސް ވެސް ގޮސް އެއަލިފާންގަނޑުގެ ކައިރިއަށް ހުއްޓުނެވެ.

ޔޫޙަންނާ 18:18 ပူးပေါင်းရင်းမြစ်များ

ފެށުން 49:6

”⁠އެބައިމީހުން ސިއްރުން ދައްކާ ވާހަކަތަކުގައި އަހަރެން ބައިވެރިއެއް ނުވަމު. އަދި އެބައިމީހުންގެ ނުބައި ރޭވުންތަކުގައި ވެސް އަހަރެން ބައިވެރިއެއް ނުވަމު. އެބައިމީހުން ރުޅި އައުމުގެ ސަބަބުން މީހުން މަރައި އަދި މަޖަލަކަށް ގޮންގަނޑު ގެރިތަކުގެ މައިނާރު ބުރިކުރި.⁠“

ހަރުބަސްތައް 13:20

ބުއްދިވެރި ރަޙުމަތްތެރިންގެ ކިބައިން ލިބޭނީ ވިސްނުމެވެ. މޮޔަ ރަޙުމަތްތެރިންގެ ގާތުން ދަސްވާނީ ހަލާކުގެ މަގެވެ.

މަރުކުސް 14:54

ޕަތަރަސް ކުޑަ ތަންކޮޅެއް ދުރުން މިކަންތައްތައް ބަލަމުން ގޮސް އުއްތަމަ އިމާމުގެ ގޯތިތެރެއަށް ވަނެވެ. އެތަނުގައި އިށީނދެގެންތިބި ފާރަވެރިންގެ ކައިރީގައި އޭނާ އިށީނދެ އެތަނުގައި ރޯކުރެވިފައިވީ އަލީފާނުން އޭނާގެ ހަށިގަނޑަށް ހޫނު ކުރަމުން ގެންދިޔައެވެ.

މަރުކުސް 14:67

މި އަންހެނާއަށް ޕަތަރަސް އޭނާގެ ހަށިގަނޑަށް ހޫނުކުރަން އެތަނުގައި އިންދާ ފެނުނެވެ. އެ ހިނދު މި އަންހެނާ ފަރުވާތެރި ކަމާއެކު ޕަތަރަސްއަށް ބަލާލައިފައި ބުންޏެވެ. ”⁠ކަލެއަކީ ވެސް ނާޒަރަތުގެ އީސާ އާއި އެކުގައި އުޅުނު މީހެއް.⁠“

ލޫކާސް 22:44

ދެން ފުން ހިތާމަ ލިބިގެންވާ ހާލުގައި އެކަލޭގެފާނު ތެދުހިތުން ދުޢާ ކުރެއްވިއެވެ. އެވަގުތު އެކަލޭގެފާނުގެ ހަށިކޮޅުން އޮހެމުން ދިޔަ ދާފޮދު ލޭ ތިކިތަކެއް ފަދައިން ބިންމައްޗަށް އޮހެމުން ދިޔައެވެ.

ޔޫޙަންނާ 18:25

އެވަގުތު ޝަމްއޫނު ޕަތަރަސް ހީކަރުވާތީ އެތާނގައި ހުރި އަލިފާންގަނޑުގެ ކައިރީގައި ހުއްޓާ މީހަކު ބުންޏެވެ. ”⁠ކަލޭ ވެސް ތިޔައީ އީސާގެފާނާއި އެއްކޮށް އުޅޭ އަސްޙާބީންގެ މީހެއް ނޫންތަ؟⁠“ ޕަތަރަސް ބުންޏެވެ. ”⁠އަހަރެން މީ އޭނާޔާ އެއްކޮށް އުޅޭ މީހެއް ނޫން.⁠“

ޔޫޙަންނާ 18:3

ބޮޑުންގެ ގޮތުގައި ތިބި އިމާމުންނާއި ފަރީސީން ޔުދާސް އާއިއެކު ރޯމު ސިފައިންނާއި ބައިތުލް މަޤްދިސްގެ ސިފައިންގެ ލަޝްކަރެއް ފޮނުވިއެވެ. ދެން އެމީހުން ފާނޫޒުތަކާއި، ދަންމަރު ރޯކޮށްގެން އަދި ހަތިޔާރު ހިފައިގެން ޔުދާސްއާއި އެކު އެ ޒައިތޫނި ދަނޑަށް ދިޔައެވެ.

ޔޫޙަންނާ 21:9

އެމީހުން ގޮނޑުދޮށަށް ފޭބިތަނުން ދެލި އަންދައިގެން އަލިފާން ރޯކުރެވި މަސް ފިހެވެމުން ދިޔަތަން އެމީހުންނަށް ފެނުނެވެ. އަދި އެތަނުގައި ބޯ ރޮށިތައް ވެސް ހުއްޓެވެ.

މަންދޫބުންގެ މަސައްކަތް 4:23

ޕަތަރަސްއާއި ޔޫޙަންނާ ދޫކޮށްލުމުން އެމީހުން ދިޔައީ އީސާގެފާނުގެ މައްޗަށް އީމާންވެގެން ތިބި މީހުންނާއި ބައްދަލު ކުރުމަށެވެ. ޕަތަރަސްއާ ޔޫޙަންނާ އެމީހުންނަށް ބަނީއިސްރާއީލުގެ ބޮޑު އިމާމުންނާއި ބަނީއިސްރާއީލުގެ ބޮޑުން ބުނި ހުރިހާ އެއްޗަކާއި ކަން ކުރި ގޮތް ކިޔާދިނެވެ.