ޔޫޙަންނާ 16:32 - ކިތާބުލް މުޤައްދަސާ

³² ނަމަވެސް އެފަދަ ވަގުތެއް އެބައާދޭ، އެވަގުތު މިހާރު ވެސް މި ވަނީ އައިސްފައި. އެއީ ކަލޭމެން އެންމެން އަހަރެން އެކަނިކޮށްލާފައި އެކި ތަންތަނަށް ވިއްސިވިހާލިވެ އެމީހެއްގެ ގެޔަށް އެމީހަކު ހިނގައިދާނެ. އޭރަކުން ވެސް އަހަރެން އެކަންޏެއް ނުވާނެ. އެހެނީ ބައްޕާފުޅު ވަނީ އަހަންނާ އެކުގައި.

ޔޫޙަންނާ 16:32 ပူးပေါင်းရင်းမြစ်များ

މައްތާ 26:31

އެވަގުތު އީސާގެފާނު އަސްޙާބީންނަށް ވިދާޅުވިއެވެ. ”⁠މި ރޭ ނިމުމުގެ ކުރިން އަހަރެންނާ ހެދި ތިޔަ އެންމެން ވިއްސިވިހާލިވެގެން ދާނެ. އެހެނީ މާތްވެގެންވާ ފަތްފުށްތަކުގައި ބަޔާންވެގެން ވަނީ: ’⁠ތިމަންކަލާނގެ ހުއިހައްޕާމީހާ ޤަތުލު ކުރާނަމޭ. އަދި ކަންބަޅިތައް އެތަންމިތަނަށް ފަތުރާލާނަމޭ.⁠‘

މައްތާ 26:56

ނަމަވެސް މިކަންތައްތައް ފުރިހަމަވެ، ހިނގައި މިދިޔައީ ބާވައިލެއްވި ފަތްފުށްތަކުގައި ނަބީބޭކަލުން ބަޔާން ކުރައްވާފައިވާ ފަދައިން.⁠“ އެ ހިނދު އެކަލޭގެފާނުގެ އަސްޙާބީން އެކަލޭގެފާނު ދޫކޮށްލެއްވުމަށް ފަހު ދުވެ ފިލިއެވެ.

މަރުކުސް 14:27

އީސާގެފާނު އެބޭކަލުންނަށް ވިދާޅުވިއެވެ. ”⁠ތިޔަބައިމީހުން އެންމެން ވެސް އަހަރެން ދޫކޮށް ދުވެ ރައްކާވެދާނެ. އެހެނީ މުޤައްދަސް ފަތްފުށްތަކުގައި ލިޔެވިފައި ވަނީ މިހެން. ’⁠ތިމަންކަލާނގެ ހުއިހައްޕާމީހާ ޤަތުލު ކުރާނަމޭ. އަދި ކަންބަޅިތައް އެތަންމިތަނަށް ފަތުރާލާނަމޭ.⁠‘

މަރުކުސް 14:50

އެއާއެކު އެންމެހައި އަސްޙާބީން އެކަލޭގެފާނު ގިނިކަންޏާ ދޫކޮށްލެއްވުމަށް ފަހު ދުވެ ފިލިއެވެ.

ޔޫޙަންނާ 12:23

އީސާގެފާނު ޖަވާބު ދެއްވިއެވެ. ”⁠އިންސާނާގެ ދަރިކަލުން އެކަލޭގެފާނު މަތިވެރިކަމާއި ޖަލާލަތުކަމަށް އިސްވެ ވަޑައިގަތުމުގެ ވަގުތު ޖެހިއްޖެ.

ޔޫޙަންނާ 16:2

ކަލޭމެން ދީނީ މަރުކަޒުތަކުން ބޭރުކޮށްލެވޭނެ. އަދި ކޮބާ، ކަލޭމެން މެރުމަކީ މާތްރަސްކަލާނގެ ކިބަފުޅަށް ކުރެވޭ ހެޔޮކަމެއް ކަމުގައި މީސްތަކުން ދެކޭނެ ފަދަ ދުވަހެއް ވެސް އެބައާދޭ.

ޔޫޙަންނާ 16:25

އަހަރެން ކަލޭމެންނަށް އަންގައިދޭން ބޭނުންވި ކަންތައްތައް އަހަރެން މިސާލުބަސްތައް ބޭނުންކޮށްގެން ކިޔައިދިނިން. ނަމަވެސް އެފަދަ ދުވަހެއް އެބައާދޭ. އެދުވަހަކުން ބައްޕާފުޅާއި ބެހޭ ހުރިހާ ކަމެއް އަހަރެން ސާފުކޮށް ކަލޭމެންނަށް ކިޔައިދޭނަން.

ޔޫޙަންނާ 16:31

އީސާގެފާނު ވިދާޅުވިއެވެ. ”⁠މިހާރު އެންމެފަހުން ކަލޭމެން ގަބޫލު ކޮށްފިންދޯ؟

ޔޫޙަންނާ 19:27

ދެން އެ އަސްޙާބީއަށް އެކަލޭގެފާނު ވިދާޅުވިއެވެ. ”⁠ތިހިރީ ކަލޭގެ މަންމަ.⁠“ ދެން އެދުވަހުން ފެށިގެން އެ އަސްޙާބީ މަރިޔަމްގެފާނު އޭނާގެ ގެއަށް ގެންގޮސް ބެލެހެއްޓިއެވެ.

ޔޫޙަންނާ 20:10

ދެން އަސްޙާބީން އެނބުރި ގެއަށް ހިނގައްޖެއެވެ.

ޔޫޙަންނާ 4:21

އީސާގެފާނު ވިދާޅުވިއެވެ. ”⁠ބުނަންތަ؟ އެފަދަ ދުވަހެއް އެބައާދޭ. އެދުވަހަކުން މާތްރަސްކަލާނގެ ކިބަފުޅަށް އަޅުކަން ކުރާ މީހުން އަޅުކަން ކުރަންޖެހޭނީ ޖެރޫސަލަމަކު ވެސް ނޫން އަދި މި ފަރުބަދައަކު ވެސް ނޫން.

ޔޫޙަންނާ 4:23

ނަމަވެސް އެދުވަހެއް އެބައާދޭ. އަދި ކީއް! އެދުވަސް މީހާރު ވެސް މި ވަނީ އައިސްފަ. އެދުވަހަކުން ތެދުވެރި އަޅުވެރިން، އުޑުގައިވޮޑިގެންވާ ބައްޕާފުޅު، މާތްރަސްކަލާނގެ ކިބައަށް އަޅުކަން ކުރާނީ މާތްރޫޙުފުޅު ދައްކަވާ ތެދުމަގުން. މާތްރަސްކަލާނގެ ހޯއްދަވަނީ އެފަދައިން އެކަލާނގެ ކިބަފުޅަށް އަޅުކަން ކުރާނެ މީހުން.

ޔޫޙަންނާ 5:25

އަހަރެން ބުނަންތަ؟ އެފަދަ ދުވަހެއް އެބައާދޭ. އަދި ކޮބާ! އެދުވަސް މިހާރު ވެސް މި ވަނީ އައިސްފަ. އެދުވަހުން މަރުވެފައިވާ މީހުންނަށް މާތްރަސްކަލާނގެ ދަރިކަލުންގެ އަޑުއިވޭނެ. އަދި އެ އަޑު އިވޭ ބަޔަކަށް ދިރިހުރުން ލިބޭނެ.

ޔޫޙަންނާ 5:28

މިވާހަކަތަކާ މެދު ހައިރާން ނުވޭ. މަރުވެފައިވާ އެންމެންނަށް އެކަލޭގެފާނުގެ އަޑު އިވޭނެ ދުވަހެއް އެބައާދޭ.

ޔޫޙަންނާ 8:16

އެކަމަކު އަހަރެން މީހުންނާއި މެދު ހިސާބުބަލައި ގޮތެއް ނިންމައިފިނަމަ އެއްވެސް ޝައްކެއް ނެތް ގޮތުގައި އެނިންމި ގޮތެއް ވާނީ ރަނގަޅު ގޮތް ކަމުގައި. އެއީ އެފަދައިން ކަމެއް ނިންމާނީ އަހަރެން އެކަންޏަކު ނޫން. އެގޮތަކީ އަހަރެންނާއި އެކު އަހަރެން ފޮނުއްވި ފަރާތް ކަމުގައިވާ ބައްޕާފުޅު ވެސް ހިމެނޭތީ.

ޔޫޙަންނާ 8:29

އަހަރެން ފޮނުއްވި ފަރާތް އަބަދުވެސް ވަނީ އަހަރެންނާއި އެކުގައި. އެފަރާތް އަހަރެން ދޫކޮށެއް ނުލައްވާ. އެއީ އަހަރެން އަބަދުވެސް ހުރިހާ ކަމެއް ވެސް ކުރަނީ އެފަރާތް އެދިވޮޑިގެންވާ ފަދައިން.⁠“

މަންދޫބުންގެ މަސައްކަތް 21:6

އަދި އެންމެންނާ ސަލާންކޮށް އަލްވަދާޢު ކިޔުމަށް ފަހު، އަހަރެމެން އައި އޮޑިއަށް އެރުމަށް ދިޔައިމެވެ. ދެން އެ އެންމެން އެމީހުންގެ ގޭގެއަށް ދިޔައެވެ.

މަންދޫބުންގެ މަސައްކަތް 8:1

ހިލައިންތަޅާ އިސްތިފާނު މަރާލުމަށް ޝާއުލް އެއްބަސްވިއެވެ. އެދުވަހު ޖެރޫސަލަމުގައި އީސާގެފާނަށް އީމާންވެގެން ތިބި އެންމެންނަށް މީހުންގެ ފަރާތުން ވަރަށް ބޮޑެތި އަނިޔާތައް ލިބެން ފެށިއެވެ. އެހެން ކަމުން އީސާގެފާނުގެ މަންދޫބުން ފިޔަވާ އެކަލޭގެފާނަށް އީމާންވެގެން ތިބި އެންމެ ހާ މީސްތަކުން ޖުދެއާ އާއި ސަމީރިއްޔާ އަށް ދިޔައެވެ.