ޔޫޙަންނާ 11:44 - ކިތާބުލް މުޤައްދަސާ

⁴⁴ ދެން މަރުވެފައިއޮތް ލާޒަރު އެ ހޮހަޅައިން ނުކުތެވެ. އޭނާ ވަނީ ކަފުނުން ބަނދެވިފައެވެ. އަދި އޭނާގެ މޫނުގައި ބަނދެވިފައިހުރި ކަފުނުން މޫނު ވަނީ ފޮރުވިފައެވެ. އީސާގެފާނު އެތާނގައި ތިބި މީސްތަކުންނަށް ވިދާޅުވިއެވެ. ”⁠އޭނާގެ ގައިގައި އެހެރަ ކަފުންތައް މޮހެލާ.⁠“

ޔޫޙަންނާ 11:44 ပူးပေါင်းရင်းမြစ်များ

ފެށުން 1:3

ދެން މާތްކަލާނގެ ވަޙީކުރެއްވިއެވެ. ”⁠އަލިކަން ފާޅުވޭ!⁠“ ދެން ހަމަ އެއާއެކު ދުނިޔެ އަލިވެގެން ދިޔައެވެ.

މަރުކުސް 5:43

އެހެނަސް އީސާގެފާނު އެކަލޭގެފާނާއިއެކު އެތަނުގައި ތިބި މީހުންނަށް މިވާހަކަ އެއްވެސް މީހެއްގެ ކައިރީ ނުބުނުމަށް އިންޒާރު ކުރެއްވުމަށް ފަހު ވިދާޅުވިއެވެ. ”⁠އެ ކަނބުލޮއަށް ކޮންމެވެސް ކާއެއްޗެއް ދީ.⁠“

ލޫކާސް 19:20

ދެން އެރަސްގެފާނު ރަނުގެ ލާރިދެއްވި ދިހަ ނޯކަރުންގެ ތެރެއިން އެހެން ނޯކަރަކު އައިސް ދެންނެވި. ’⁠ސާހިބާ އޭ. ތިޔަބޭފުޅާ ދެއްވި ރަންލާރި މިއޮތީއޭ. އަޅުގަނޑު ތިޔަބޭފުޅާ އެނބުރި އަންނަން ދެން މި ފޮރުވާފައި ބޭއްވީއޭ.

ލޫކާސް 7:15

މަރުވެފައި ވީ ޒުވާނާ ތެދުވެ ވަގުތުން ވާހަކަދައްކަން ފެށިއެވެ. އެ ހިނދު އީސާގެފާނު އޭނާ އޭނާގެ މަންމަޔާ ހަވާލު ކުރެއްވިއެވެ.

ޔޫޙަންނާ 10:30

ބައްޕާފުޅާއި އަހަރެންނާއި މިއީ އެކައްޗެއް.⁠“

ޔޫޙަންނާ 11:39

ދެން އީސާގެފާނު މީސްތަކުންނަށް އެ ހިލަ ފުރޮޅާލުމަށް އެންގެވިއެވެ. ނަމަވެސް މަރުވެފައިވާ މީހާގެ ދައްތަ، މަރުތާ ދެންނެވިއެވެ. ”⁠މާތްސާހިބާ، ލާޒަރު މަރުވިތާ މިހާރު ހަތަރު ދުވަސް ވެއްޖެ. އެހެންވީމާ މިހާރު އެތާނގައި ދުވާނީ ކުނިވަސް.⁠“

ޔޫޙަންނާ 11:43

އީސާގެފާނު ދުޢާކުރައްވައި ނިމިވަޑައިގެން ގޮވާލެއްވިއެވެ. ”⁠ލާޒަރު ނުކުމޭ!⁠“

ޔޫޙަންނާ 19:40

ބަނީއިސްރާއީލު މީހުންގެ އާދަކާދައާއި އެއްގޮތަށް އެމީހުން އީސާގެފާނުގެ ހަށިކޮޅު ދިގު ފޮށައަކަށްލައި މީރުވަސް ދުވާތަކެތި އަޅައި ކަފުން ކުރިއެވެ.

ޔޫޙަންނާ 20:5

އޭނާ ގުދުވެ އެތެރެ ބެލިއިރު އީސާގެފާނު ކަފުން ކުރެވުނު ފޮތިގަނޑު އެތާނގައި އޮތްތަން އޭނާއަށް ފެނުނެވެ. ނަމަވެސް އޭނާ އެ ހޮހަޅައިގެ އެތެރެއަކަށް ނުވަދެއެވެ.

ޔޫޙަންނާ 20:7

އަދި އީސާގެފާނުގެ މޫނުފުޅު ފޮރުވުމަށް އެޅި ފޮތިގަނޑު ކަފުން ކުރެވުނު ފޮތިގަނޑާއި ވަކިން އެތާނގެ އެއްކައިރިއެއްގައި ފަތް ޖަހާލާފައި އޮތެވެ.

ޔޫޙަންނާ 5:21

ބައްޕާފުޅު މީސްތަކުން މަރުވުމަށް ފަހު އަލުން ދިރުއްވާހެން ހަމަ ދަރިކަލުން ވެސް އެދަރިކަލުން ބޭނުންފުޅު މީހަކަށް ދިރުން ދެއްވާނެ.

ޔޫޙަންނާ 5:25

އަހަރެން ބުނަންތަ؟ އެފަދަ ދުވަހެއް އެބައާދޭ. އަދި ކޮބާ! އެދުވަސް މިހާރު ވެސް މި ވަނީ އައިސްފަ. އެދުވަހުން މަރުވެފައިވާ މީހުންނަށް މާތްރަސްކަލާނގެ ދަރިކަލުންގެ އަޑުއިވޭނެ. އަދި އެ އަޑު އިވޭ ބަޔަކަށް ދިރިހުރުން ލިބޭނެ.

ފިލިއްޕީގެ މަސީޙީންނަށް ސިޓީ 3:21

އަދި ހުރިހާ ކަމެއް އެކަލޭގެފާނުގެ ކޮންޓްރޯލް ކުރައްވަމުން ގެންދަވާ ބާރުފުޅުން އެކަލޭގެފާނު އަހަރެމެންގެ މި ބަލިކަށި ހަށިތައް އެކަލޭގެފާނުގެ އުޖާލާ ހަށިކޮޅެކޭ އެއްފަދައިން ހައްދަވައި ދެއްވާނެއެވެ.

ހާމަކޮށްދެއްވުންތަކެއް 1:18

އަހަރެންނީ ދާއިމަށް ދެމި ވޮޑިގެންވާނެ ފަރާތް! އަހަރެން މަރުވެދިޔަ. ނަމަވެސް އަހަރެންނީ އަބަދުގެ އަބަދަށް ދިރިދެމި ވޮޑިގެންވާނެ ފަރާތް. މަރުގެ ތަޅުދަނޑި އަހަރެން ހިފަހައްޓަން. އަދި މަރުގެ މަންޒިލްގެ ތަޅުދަނޑިވެސް އަހަރެން ހިފަހައްޓަން.

1 ޞަމޫއީލް 2:6

މީސްތަކުން މަރުގަންނަވަނީ ވެސް އަދި ދިރުން ދެއްވަނީ ވެސް މާތްރަސްކަލާނގެ. ކަށްވަޅަށް ފޮނުއްވަނީ ވެސް އެކަލާނގެ. ކަށްވަޅުން ނަންގަވަނީ ވެސް އެކަލާނގެ.