ޔާމިޒުގެ ސިޓީ 2:3 - ކިތާބުލް މުޤައްދަސާ

³ ކަލޭމެން މުއްސަނދި މީހައަށް ޚާއްސަ ސަމާލުކަމެއްދީ މިފަދައިން ބުނާނެވެ. ”⁠މިތަނުން އެންމެ އެދެވޭ ގޮނޑީގައި އިށީންނަވާ.⁠“ ނަމަވެސް ފަގީރު މީހާއަށް ކަލޭމެން ބުނާނީ މިފަދައިންނެވެ. ”⁠އެތާނގައި ކޮޅަށް ހުރޭ.⁠“ ނޫނީ ”⁠ތަޅަންގަނޑުގައި އިށީނދޭ.⁠“

ޔާމިޒުގެ ސިޓީ 2:3 ပူးပေါင်းရင်းမြစ်များ

ހަރުބަސްތައް 18:23

ފަގީރުމީހާ ދެރަވެ އާދޭސް ކުރާއިރު މުއްސަނދިމީހާ ހަރުކަށި ޖަވާބުދެއެވެ.

ލޫކާސް 23:11

ދެން ހެރޮދު އާއި އޭނާގެ ސިފައިން އީސާގެފާނަށް ނުބައި އެއްޗެތި ގޮވާ މަލާމާތް ކުރަން ފެށިއެވެ. މިބައިމީހުން އެކަލޭގެފާނަށް ޖެއްސުން ކުރުމުގެ ގޮތުން ރަސްކަލަކު ފަދައިން އެކަލޭގެފާނު ހެދުން އެޅުއްވުމަށް ފަހު އަނބުރާ ޕިލާތުސްގެ ގާތަށް ފޮނުވިއެވެ.

ޔާމިޒުގެ ސިޓީ 2:2

މިސާލަކަށް މޮޅުހެދުމެއްގައި އަގުބޮޑެތި ގަހަނާ އަޅައިގެން މުއްސަންޖަކު ކަލޭމެންގެ ޖަމާޢަތަށް އައެވެ. އަދި ބާވެ ހަސްފަސްނެތި ގަނޑުބެއްދި އަޅައިފައިވާ ހެދުމެއްގައި ފަޤީރަކު ވެސް އައެވެ.

ޔާމިޒުގެ ސިޓީ 2:6

ނަމަވެސް ފަގީރުންނާއިމެދު ކަލޭމެން ފުރައްސާރަ ކުރީމުއެވެ! އެހެނީ ދުނިޔަވީ މުއްސަނދިން އެބައިމީހުންގެ ބާރުގެ ދަށުގައި ކަލޭމެން ގެންގުޅެފައި ނުވޭހެއްޔެވެ؟ އެ މުއްސަނދިން ކަލޭމެން ޝަރުޢީ މަޙްކަމާތަކަށް ދަމާކޫއްތާފައި ނުގެންދޭހެއްޔެވެ؟

ޔަހޫ‏ޛާގެ ސިޓީ 1:16

މި ދޮގުއެދުރުންނަކީ އަނެކުންގެ ކުށް ހޯދައި ޝަކުވާކޮށް ހަދާ މީހުންނެވެ. އެމީހުން ދާނީ އެމީހުން ހިތުގައި އޮންނަ ހުތުރު އެދުންތަކުގެ ފަހަތުންނެވެ. އަދި މިފަދަ މީހުން ސަޅިބައިސާ ކަނޑައި އަނެކުން އެމީހުންނާ ދިމާއަށް ލެންބުމަށް ޚުޝާމަދުކޮށް ހަދައެވެ.