ޢިބްރާނީންނަށް ސިޓީ 8:4 - ކިތާބުލް މުޤައްދަސާ

⁴ އެކަލޭގެފާނު ބިންމަތީގައި ހުންނެވިނަމަ އެކަލޭގެފާނަކަށް މި އިމާމުކަމެއް ލިބިވަޑައެއް ނުގެންނެވީހެވެ. އެހެނީ ޤުރުބާނީ ހުށަހަޅަން މޫސާގެފާނުގެ ޤާނޫނުގެ ދަށުން އޭރު އިމާމުން އައްޔަން ކުރެވިފައިވާތީއެވެ.

ޢިބްރާނީންނަށް ސިޓީ 8:4 ပူးပေါင်းရင်းမြစ်များ

ޢިބްރާނީންނަށް ސިޓީ 10:11

އިމާމުން ތަކުރާރުކޮށް ކޮންމެ ދުވަހަކުވެސް އެމީހުންގެ މަސައްކަތް ދުވަހުން ދުވަހަށް ކުރަމުން ދެއެވެ. އެކަމަކު އެމީހުން ޤުރުބާންކޮށް ތާއަބަދު އެތައް ފަހަރަކު އެކުރާހާ ޤުރުބާންތަކަކުން މީސްތަކުންގެ ފާފަތަކެއް ފޮހެވިގެންނެއް ނުދެއެވެ.

ޢިބްރާނީންނަށް ސިޓީ 11:4

ހާބީލްއަށް ޤާޔިނަށް ވުރެން ރަނގަޅު ޤުރުބާނީއެއް ވެދުން ކުރެވުނީ އޭނާގެ ކިބައިގައި މާތްރަސްކަލާނގެއާ މެދު އޮތް އީމާންތެރިކަމެއްގެ ބޮޑުކަމުންނެވެ. އޭނާ ކުރި މި ވެދުންތަކުގެ ސަބަބުން އޭނާއަކީ ޞާލިޙު މީހެއްކަމުގައި މާތްރަސްކަލާނގެ ވަޙީކުރެއްވިއެވެ. ހާބީލް މިހާރު މަރުވެ ގޮސްފައިވީ ނަމަވެސް އޭނާގެ އީމާންތެރިކަން އޭނާގެ މަތިން އަދިވެސް ވާހަކަ ދައްކައެވެ.

ޢިބްރާނީންނަށް ސިޓީ 5:1

ކޮންމެ އުއްތަމަ އިމާމަކީ ވެސް އެހެން މީހުންނާ ބެހޭކަންކަން މާތްކަލާނގެއަށް ހުށަހަޅައި އެމީހުންގެ ފާފަތަކަށް ދައްކަންޖެހޭ ވެދުންތަކާއި ޤުރުބާނީ ހުށަހަޅަން މީސްތަކުންގެ ތެރޭން ހޮވާފައި ހުންނަ މީހެކެވެ.

ޢިބްރާނީންނަށް ސިޓީ 7:27

އެހެންކަމުން އެކަލޭގެފާނަކީ އެހެން ހުރިހާ އިމާމުންނަށް ވުރެން މަތިވެރި އިމާމެކެވެ. އެހެން އިމާމުން ފަދައިން، ކޮންމެ ދުވަހަކު ފުރަތަމަ އެމީހުންގެ އަމިއްލަ ނަފްސުގެ މައްޗަށް ކުށްފާފައިގެ ކައްފާރާ ދައްކައި، އޭގެފަހުން އެހެން މީހުންގެ މައްޗަށް ކައްފާރާ ދައްކާކަށް އެކަލޭގެފާނަކަށް ޖެހިވަޑައެއް ނުގަންނަވެއެވެ. އެހެނީ އެކަލޭގެފާނު ވަނީ އެހެން މީހުންގެ ކުށްފާފަތަކަށް ފުރިހަމަ ކައްފާރާއެއް ދައްކަވާފައެވެ. އެކައްފާރާއަކީ އެއްފަހަރު ދައްކަވައިގެން ހުރިހާ ފަހަރަކަށް ފުދޭނެ ފަދައިން އެކަލޭގެފާނުގެ އަމިއްލަފުޅު ނަފްސުން ހުށަހެޅުއްވި ޤުރުބާނީއެކެވެ.

ޢިބްރާނީންނަށް ސިޓީ 8:3

ކޮންމެ އުއްތަމަ އިމާމަކު ވެސް ޤުރުބާނީއާއި ވެދުންތައް ހުށަހަޅަން ޖެހެއެވެ. މިގޮތުން އަހަރެމެންގެ އުއްތަމަ އިމާމު ވެސް ކޮންމެވެސް އެއްޗެއް ވެދުން ކުރަން ޖެހިވަޑައިގަތެވެ.

ޢިބްރާނީންނަށް ސިޓީ 9:9

މިއަދު ވެސް މިކަމުން ދައްކަދެނީ އެމާނަ އެވެ. އެއީ އަހަރެމެން ކިތަންމެވަރަކަށް ހަދިޔާތަކާއި ޤުރުބާނީ ވެދުން ކުރިޔަކަސް އަހަރެމެންގެ ޒަމީރަށް ހަމަޖެހުމެއް ނުލިބޭނެކަމެވެ.