ޢިބްރާނީންނަށް ސިޓީ 11:35 - ކިތާބުލް މުޤައްދަސާ

³⁵ ބައެއް އަންހެނުން ގާތަށް އެމީހުންގެ މަރުވެގޮސްފައިވާ ތިމާގެ މީހުން ދިރިގެން އެނބުރި އައެވެ. އެތައްބަޔަކަށް ޖަލުތަކުގައި އަނިޔާ ދެވުނެވެ. އެކަމަކު އެމީހުން މިނިވަންވާން އިންކާރު ކުރިއެވެ. އެމީހުން ޚިޔާރު ކުރީ އަލުން ދިރިގެން ލިބޭނެ މާރަނގަޅު ޙަޔާތެކެވެ.

ޢިބްރާނީންނަށް ސިޓީ 11:35 ပူးပေါင်းရင်းမြစ်များ

މައްތާ 22:30

މަރުވުމަށް ފަހު އަލުން ދިރޭނެ މީހުން ކައިވެންޏެއް ނުކުރާނެމެ. އެބައިމީހުންނީ ސުވަރުގޭގައި ތިބި މަލާއިކަތުންފަދަ ބައެއް.

މަރުކުސް 12:25

އެހެނީ، މާތްކަލާނގެ އަލުން މީހަކަށް ފުރާނަ ދެއްވުމުން އެމީހަކު ވާނީ އުޑުގެ މަލާއިކަތެއް ފަދައިން. އެމީހުން ކައިވެނިކޮށެއް ނަހަދާނެ.

ލޫކާސް 14:14

އޭރުން ކަލެއަށް ރަޙުމަތް ލައްވާނެ. އެއީ އެމީހުންނަށް އޭގެ އަގު ދޭން ނުލިބުނު ކަމުގައި ވިޔަސް ޤިޔާމަތް ދުވަހުން މާތްރަސްކަލާނގެ ކިބަފުޅުން ބަރަކާތާއި އެކަލާނގެ ރުހިވޮޑިގަތުން ކަލެއަށް ލިބޭނެ.⁠“

ލޫކާސް 20:36

އަދި އެމީހުން ދެން ދުވަހަކު ވެސް މަރެއް ވެސް ނުވާނެ. އެއީ އެމީހުން މަލާއިކަތުންނެކޭ އެއްފަދަ ވާނެ. އެއީ އެމީހުންނަކީ މަރުވުމަށް ފަހު އަލުން ދިރުއްވުނު މާތްރަސްކަލާނގެ ދަރިން.

ޔޫޙަންނާ 5:29

ދެން އެމީހުން ކަށްވަޅުތަކުން އަރައި ދިރިގެން އަންނާނެ. ހެޔޮ އަމަލު ކުރި މީހުންނަށް އަލުން ދިރުން ލިބި ނިމުންނުވާ ޙަޔާތް ލިބޭނެ. އަދި ނުބައި އަމަލުކުރި މީހުން ނަންގަވައި އެމީހުންނަށް ޙައްޤު ސަޒާދެވޭނެ.

މަންދޫބުންގެ މަސައްކަތް 22:29

ދެން ޕައުލް ބަނދެ އޭނާ ގައިގައި ތަޅާ އޭނާއާއި ސުވާލުތައް ކުރުމަށް އުޅުނު ސިފައިން ޕައުލް އަކީ ރޯމުގެ ރައްޔިތެއްކަން ހަމަ އެނގުމާއި އެކު ވަގުތުން އެ ކަންތައް ހުއްޓާލާ ދުރަށް ޖެހުނެވެ. ސިފައިންގެ ކޮމާންޑަރު ވެސް ޕައުލް ބަނދެ އޭނާ ގައިގައި ތެޅުމަށް އެންގުނީތީ ބިރުގަތެވެ.

މަންދޫބުންގެ މަސައްކަތް 23:6

ބަނީއިސްރާއީލުގެ ދީނީކޯޓުގެ މެމްބަރުންގެ ތެރޭގައި ހިމެނެނީ ސާދުސީންނާއި ފަރީސީން ކަން ޕައުލްއަށް ފާހަގަ ކުރެވުނެވެ. އެ ހިނދު ޕައުލް ވީހާ ވެސް ބާރެއް ލާފައި އަޑުގެ ނެއްތަނަށް ބުންޏެވެ. ”⁠އަޅުގަނޑުގެ އަޚުން ކަމުގައިވާ ބަނީއިސްރާއީލު މީހުންނޭ. އަޅުގަނޑަކީ ފަރީސީއެއް. އަދި އަޅުގަނޑަކީ މިއީ ފަރީސީއެއްގެ ދަރިއެއް ވެސް މެ. މިއަދު އަޅުގަނޑާއި މެދު ޝަރީއަތް މި ކުރެވެނީ މަރުވެފައިވާ މީހުން މާތްރަސްކަލާނގެ އަލުން ދިރުއްވާނެ ކަން އަޅުގަނޑު ގަބޫލުކޮށް އެހެން ބުނުމުން.⁠“

މަންދޫބުންގެ މަސައްކަތް 24:15

މާތްރަސްކަލާނގެ އީމާންވެގެން ވީ މީހުންނާއި އަދި އީމާން ނުވާ މީހުން ވެސް މަރުވުމަށް ފަހު އަލުން ދިރުއްވާނެ ކަން ހަމަ އެމީހުންނެކޭ އެއް ފަދައިން އަޅުގަނޑު ވެސް ގަބޫލު ކުރަން.

މަންދޫބުންގެ މަސައްކަތް 4:19

އެކަމަކު ޕަތަރަސްއާއި ޔޫޙަންނާ އެމީހުންނަށް ދެންނެވިއެވެ. ”⁠ތިޔަބޭފުޅުން ވިދާޅުވެ ބައްލަވާ. އަޅުގަނޑުމެން ކިޔަމަން ވާންވީ ތިޔަބޭފުޅުންނަށް ތޯ ނުވަތަ މާތްރަސްކަލާނގެ ރަސްކަންފުޅަށް ތޯ؟

މަންދޫބުންގެ މަސައްކަތް 9:41

ދެން ޕަތަރަސް އޭނާގެ އަތުގައި ހިފާ އޭނާ ކޮޅަށް ތެދުވުމަށް އެހީވިއެވެ. ދެން ހުރިހާ ފިރި މަރުވެފައިވީ އަންހެނުންނާއި އެހެން ވެސް އީސާގެފާނަށް އީމާންވެގެންވީ މީހުންނަށް އެ ކޮޓަރިއަށް އައުމަށް ބުންޏެވެ. އަދި އެމީހުންނަށް ތަބިތާ މަރުވުމަށް ފަހުން އަލުން ދިރިގެންވާ ތަން ދެއްކިއެވެ.

ފިލިއްޕީގެ މަސީޙީންނަށް ސިޓީ 3:11

އެއީ އަހަރެން މަރުވުމަށް ފަހު ކޮންމެވެސް ގޮތަކުން ފަހުން ދިރިގެން ސުވަރުގެ ދެވޭނެ ގޮތް ވުމަށްޓަކައެވެ.