ފެށުން 50:19 - ކިތާބުލް މުޤައްދަސާ

¹⁹ ނަމަވެސް ޔޫސުފުގެފާނު އެބައިމީހުންނަށް މިފަދައިން ޖަވާބު ދެއްވިއެވެ. ”⁠އަހަރެންދެކެ ބިރުވެތި ނުވޭ. ތިޔަބައިމީހުންނާއި މެދުގައި އިންސާފުކޮށް ޢުޤޫބާތް ދިނުމަށް އަހަރެން ވަނީ މާތްކަލާނގެ މަޤާމުގައިތަ؟

ފެށުން 50:19 ပူးပေါင်းရင်းမြစ်များ

ފެށުން 30:2

ނަމަވެސް ޔަޢުޤޫބުގެފާނު ކޯފާވެވަޑައިގެން ހުންނަވާ މިފަދައިން ޖަވާބު ދެއްވިއެވެ. ”⁠އަހަރެންނީ މާތްކަލާނގެތަ؟ ކަނބުލޭގެއަށް ދަރިއަކު ލިބިދިނުމުން މަޙުރޫމް ކުރައްވާފައި ވަނީ އެކަލާނގެ!⁠“

ފެށުން 45:5

އެކަމާއި ހެދި މިހާރު ތިޔަބައިމީހުން ކަންބޮޑުވެ ހާސްވާނެ ކަމެއް ނެތް. ސަބަބަކީ ތިޔަބައިމީހުން އަހަރެން ވިއްކާލީ މިތަނަށް ކަމުގައި ވާތީ. މިކަން މި ގޮތަށް ހިންމަވައި ދެއްވީ މާތްކަލާނގެ. އެއީ އެތައްބައެއްގެ ފުރާނަ އެކަލާނގެ ސަލާމަތް ކޮށްދެއްވުމަށްޓަކައި ވެސްމެ.

ފެށުން 50:18

ދެން އެކަލޭގެފާނުގެ އެންމެހާ ބޭބެއިން އެކަލޭގެފާނުގެ އަރިހަށް އައުމަށް ފަހު، އެކަލޭގެފާނުގެ ކުރިފުޅުމަތީގައި ގުދުވެ ކުރުނީސްކޮށް މިފަދައިން ދެންނެވިއެވެ. ”⁠އަޅުގަނޑުމެންނަކީ ކަލޭގެފާނުގެ އަޅުންނީމު.⁠“

ފެށުން 50:20

ތިޔަބައިމީހުންގެ މަގުސަދަކަށްވީ އަހަރެންނަށް އަނިޔާވެރިވުން. ނަމަވެސް މިއަދު އެނުބައި ޢަމަލު މާތްކަލާނގެ ވަނީ ހެޔޮކަމަކަށް ބަދަލު ކުރައްވާފައި. އޭގެ ނަތީޖާއަކަށްވީ އެތައްބައެއްގެ ފުރާނަ އެކަލާނގެ ސަލާމަތް ކުރެއްވުން.

މައްތާ 14:27

ކުއްލިއަކަށް އީސާގެފާނު އެބޭކަލުންނަށް ވިދާޅުވިއެވެ. ”⁠ބިރު ނުގަނެ ހިތްވަރު ބަހައްޓާ! މިއީ އަހަރެން!⁠“

ޢިބްރާނީންނަށް ސިޓީ 10:30

މިފަދައިން ވަޙީ ކުރެއްވީ ކޮންފަރާތަކުންކަން އަހަރެމެންނަށް އެނގެއެވެ: ”⁠ތިމަންކަލާނގެ އެކަމުގެ ބަދަލު ހިއްޕަވާނަމެވެ.⁠“ އަދިވެސް އެކަލާނގެ ވަޙީ ކުރެއްވިއެވެ. ”⁠މާތްރަސްކަލާނގެ އެކަލާނގެ މީސްތަކުންނާ މެދު އިންސާފު ގާއިމު ކުރައްވާނެއެވެ.⁠“